Jabardasth: తనపై వస్తున్న విమర్శలపై నోరువిప్పిన గెటప్ శ్రీను... బిల్డప్ బాబాయ్ అంటూ స్ట్రాంగ్ కౌంటర్లు!

కిరాక్ ఆర్పీతో మొదలైన జబర్దస్త్ రగడ కొనసాగుతుంది. ఆర్పీ జబర్దస్త్ నిర్మాత మల్లెమాల శ్యామ్ ప్రసాద్ రెడ్డిపై తీవ్ర ఆరోపణలు చేశారు. ఫుడ్, రెమ్యూనరేషన్ వంటి విషయాల్లో ఆర్టిస్ట్స్ కి అన్యాయం చేసినట్లు వరుస విమర్శలు చేశారు. ఆర్పీ వ్యాఖ్యలు టాలీవుడ్ లో సంచలనం రేపాయి.   

Jabardasth

ఈ సీనియర్ ప్రొడ్యూసర్ ని ఆ స్థాయిలో పబ్లిక్ గా విమర్శించడం పతాక శీర్షికలకు ఎక్కింది. ఇక ఆర్పీ ఆరోపణలను ఇంకా మల్లెమాల సంస్థలో పని చేస్తున్న హైపర్ ఆది, ఆటో రామ్ ప్రసాద్ ఖండించారు. ఆర్పీ చెబుతున్న దాంట్లో నిజం లేదని ఓ ఇంటర్వ్యూలో వెల్లడించారు. ఇక జబర్దస్త్ మాజీ టీం లీడర్ షేకింగ్ శేషు అయితే ఆర్పీ ఓ రేంజ్ లో విమర్శించారు. అతన్ని వ్యక్తిగతంగా కూడా టార్గెట్ చేయడం జరిగింది.

ఇక జబర్దస్త్ ద్వారా అత్యంత పాపులారిటీ తెచ్చుకున్న గెటప్ శ్రీను, సుడిగాలి సుధీర్ ఈ వివాదంపై నోరు విప్పలేదు. అయితే జబర్దస్త్ మాజీ మేనేజర్ ఏడుకొండలు ఎంట్రీతో గెటప్ శ్రీను స్పందించారు. నేరుగా, పరోక్షంగా ఏడుకొండలుపై కౌంటర్లు విసిరారు. జబర్దస్త్ ఆరంభం నుండి మేనేజర్ గా ఉన్న ఏడుకొండలు అసలు షో ఎలా స్టార్ట్ అయ్యింది, ఎవరెవరి రెమ్యూనరేషన్స్ ఏమిటీ? జరిగిన రాజకీయాలు ఏమిటనే అనేక విషయాలు బయటపెట్టారు. 

కిరాక్ ఆర్పీని ఓ రేంజ్ లో వేసుకున్నాడు. జబర్దస్త్ షో నుండి కిరాక్ ఆర్పీ వెళ్ళిపోయి దాదాపు నాలుగేళ్లు అవుతుంది. అలాంటిది ఇప్పుడు వాడు ఆరోపణలు చేయడం ఏమిటీ? ఒకప్పుడు వాడు నాతో మాట్లాడడానికి కూడా భయపడేవాడు. శ్యామ్ ప్రసాద్ రెడ్డి లాంటి సీనియర్ నిర్మాతని ని విమర్శించే అర్హత వీడికి ఏముందని నేరుగా కౌంటర్లు విసిరారు.

పనిలో పనిగా జబర్దస్త్ నుండి వెళ్ళిపోయిన సుధీర్, గెటప్ శ్రీనుల గురించి కూడా ఏడుకొండలు విమర్శలు గుప్పించారు. మొదట్లో వీరిద్దరినీ ఓంకార్ జబర్దస్త్ నుండి తీసుకుపోయే ప్రయత్నం చేశాడు. ఆ విషయం నాకు తెలిసి వాళ్లతో ఫోన్ లో మాట్లాడాను. కొన్ని ఎపిసోడ్స్ తర్వాత టీం లీడర్ ని చేస్తానని హామీ ఇచ్చాను. వాళ్లకు డబ్బులు ఇప్పించడం జరిగింది. 

గెటప్ శ్రీను కారు కావాలంటే నా కారు ఇచ్చాను. బయటికెళ్ళిపోయిన ప్రతి ఒక్కరు జబర్దస్త్ లోకి తిరిగిరావాలి. వాళ్ళు మిగతా ఛానళ్లలో ఎలా పనిచేస్తారో చూస్తాను. సుడిగాలి సుధీర్ కి లైఫ్ ఇస్తే ఇప్పుడు కనీసం నా ఫోన్ ఎత్తడు. ఓ షాపింగ్ మాల్ ఓపెనింగ్ కోసం కాల్ చేస్తే మేనేజర్ తో మాట్లాడమన్నాడు, అంటూ తీవ్ర అసహనం వ్యక్తం చేశాడు. ఇక లైవ్ లో సుడిగాలి సుధీర్ కి ఏడుకొండలు ఫోన్ చేయగా అతడు ఎత్తలేదు. 

ఏడుకొండలు ఆరోపణలకు గెటప్ శ్రీను కౌంటర్ ఇచ్చాడు. అమ్మాను ఇచ్చాను అనడానికి చాలా తేడా ఉందని కామెంట్ చేసి కొండలు ఎమోజీలు పెట్టాడు. తనకు ఏడుకొండలు కారు అమ్మి ఫ్రీగా ఇచ్చినట్లు చెబుతున్నాడని గెటప్ శ్రీను కౌంటర్ వేశాడు. ఇక నేరుగా మరో కౌంటర్ విసిరాడు. నేను జబర్దస్త్ లో చేసిన బిల్డప్ బాబాయ్ పాత్రకు ఇతడే స్ఫూర్తి అంటూ ఎద్దేవా చేశాడు. మొత్తంగా ఏడుకొండలు వ్యాఖ్యలకు గెటప్ శ్రీను అలా స్పందించారు.