మీ నాన్న గొప్పోడు ఓకే నువ్వేం పీకావ్, నా ఫోన్ ఎత్తవా?... గోపీచంద్ తో గొడవకు దిగిన డైరెక్టర్ తేజ!

డైరెక్టర్ తేజ-హీరో గోపీచంద్ మధ్య వాడివేడి సంభాషణ నడిచింది. ఓ ఇంటర్వ్యూలో కలిసిన వీరిద్దరూ ఓపెన్ గా మాట్లాడుకున్నారు.  

Ramabanam promotions

దర్శకుడు తేజ ముక్కోపి అనే పేరుంది. తన చిత్రాల్లో నటించిన పలువురు ఆర్టిస్ట్స్ పై చేయిచుకున్నారని టాక్. తాజా ఇంటర్వ్యూ చూస్తే అది నిజమే అనిపిస్తుంది. స్టార్డమ్ అనుభవించిన హీరో గోపీచంద్ ని తన మాటలతో నేరుగా టార్గెట్ చేశాడు. మొహమాటం లేకుండా కడిగిపారేశారు. దీనికి సంబంధించిన ప్రోమో వైరల్ అవుతుంది.

రామబాణం మూవీ విడుదల నేపథ్యంలో హీరో గోపీచంద్ ని తేజ ఇంటర్వ్యూ చేశారు. బాలయ్యతో ప్రకటించిన మూవీ నీ వద్దకు ఎలా వచ్చింది? డైరెక్టర్ శ్రీవాస్ తో గొడవలయ్యాయట కదా? అని అడిగారు. సినిమాలో లెన్త్ లు ఎక్కువైపోతున్నాయి. గతంలో ఇలా జరిగిన సినిమాలు ఫెయిల్ అయ్యాయి. ఆ విషయంలో డిఫరెన్సెస్ వచ్చాయని గోపీచంద్ ఒప్పుకున్నాడు. బాలయ్యతో అనుకున్న మూవీ తన వద్దకు ఎలా వచ్చిందో కూడా చెప్పాడు. 

అనంతరం నీకు ఇష్టమైన మూవీ ఏంటని తేజ అడిగారు. గోపీచంద్ జయం అని చెప్పారు. ఆ మూవీ కేవలం మీ నాన్న వలన నీకు దక్కింది. అలాంటి ఫౌండేషన్ నీకు మరలా పడలేదని నా నమ్మకం అని తేజ అన్నారు. అలాగే ఆ చిత్రంలో నువ్వు చేసింది విలన్ క్యారెక్టర్ అని గుర్తు చేశాడు. 

తనతో మూవీ ఓకే చేసి తర్వాత ఫోన్ కూడా లిఫ్ట్ చేయలేదని గోపీచంద్ ని తేజ నిలదీశాడు. నేను నీకు ఒక కథ చెప్పాను. ఓకే అన్నావు. హీరోయిన్ దొరకలేదు. హీరోయిన్ ని సెట్ చేసే లోపు సడన్ గా మరో మూవీ స్టార్ట్ చేశావు. నువ్వు నా ఫోన్ కూడా ఎత్తలేదు... అని తేజ అసహనం వ్యక్తం చేశాడు. ఫోన్ ఎత్తలేదు. అది నా తప్పే అని గోపీచంద్ ఒప్పుకున్నాడు. 

తేజ కంటే ఈ డైరెక్టర్ బెటర్ పక్కన పెట్టేద్దాం. ఫోన్ చేసినా ఎత్తొద్దని డిసైడ్ అయ్యావ్.. అంతేగా అని తేజా మరలా గోపీచంద్ ని టార్గెట్ చేశాడు. ముఖాన అడిగేశాడు. అందుకు గోపీచంద్... అసలు మీకు ఎందుకు అంత గ్యాప్ వస్తుందని అడిగారు. నేను ఎవరి దగ్గరికీ ఆఫర్ కావాలని వెళ్ళను అని తేజ సమాధానం చెప్పారు. 

ఈ ఇంటర్వ్యూలో గోపీచంద్ ఫాదర్ టి.కృష్ణ ప్రస్తావన వచ్చింది. ఆయన గొప్పోడే, నువ్వేం పీకావ్ అంటూ తేజ షాకింగ్ కామెంట్స్ చేశారు. ఈ ఇంటర్వ్యూలో గోపీచంద్ ని డైరెక్టర్ తేజ ఎన్కౌంటర్ చేశారు. రేపు పూర్తి ఇంటర్వ్యూ విడుదల కానుంది. ఈ క్రమంలో ఇంకెన్ని సంచలన విషయాలు వెలుగులోకి వస్తాయో చూడాలి...