ఆ ఇంటికి కోడలిగా కమెడియన్ పృథ్వీ కుమార్తె, క్రేజీ హీరోతో ఎఫైర్ ?.. వందల కోట్ల ఆస్తి గురించి హాట్ కామెంట్స్

కమెడియన్ పృథ్వీ పేరు చెప్పగానే 30 ఇయర్స్ ఇండస్ట్రీ అనే డైలాగ్ గుర్తుకు వస్తుంది. పలు చిత్రాల్లో ఆయన పోషించిన కామెడీ రోల్స్ బాగా నవ్వించాయి. 2019 ఎన్నికల సమయంలో పృథ్వీ వైసీపీ పార్టీలో చేరి పెద్ద హంగామానే చేసారు. ప్రచారం కోసం రాష్ట్రం మొత్తం తిరిగారు. ఫలితంగా సీఎం జగన్ పృథ్వీకి ఎస్వీబీసీ చైర్మన్ పదవి ఇచ్చారు. ఆ తర్వాత మహిళతో ఫోన్ సంభాషణ లీక్ అయిన కారణంగా పృథ్వీ పదవి కోల్పోవడం, ఇబ్బందుల్లో చిక్కుకోవడం జరిగింది. 

ఆ తర్వాత నెమ్మదిగా పృథ్వీ మరోసారి టాలీవుడ్ లో బిజీగా మారుతున్నాడు. కమెడియన్ గానే కాదు పృథ్వీ కొత్త అవతారం కూడా ఎత్తాడు. తన కుమార్తె శ్రీలు హీరోయిన్ గా, క్రాంతి ప్రధాన పాత్రలో కొత్త రంగుల ప్రపంచం అనే చిత్రానికి దర్శకత్వం వహిస్తున్నాడు. 

ఈ నేపథ్యంలో పృథ్వీ వరుసగా తన కుమార్తెతో కలసి ఇంటర్వ్యూలు ఇస్తున్నారు. తాజాగా ఇంటర్వ్యూలో పృథ్వీ చేసిన వ్యాఖ్యలు, అతడి కుమార్తె గురించి తెలియని విషయాలు వైరల్ అవుతున్నాయి. లేటెస్ట్ ఇంటర్వ్యూకి సంబంధించిన ప్రోమో ప్రస్తుతం సోషల్ మీడియాలో వైరల్ గా మారింది. 

పృథ్వీ కుమర్తె శ్రీలు లవ్ ఎఫైర్ కి సంబంధించిన విషయాలు చర్చకు రావడమే అందుకు కారణం. ఈ ఇంటర్వ్యూలు యాంకర్.. మీ కుమార్తె ఓ స్టార్ హీరో ఇంటికి కోడలిగా వెళ్లబోతోంది అటగా అని ప్రశ్నించారు. దీనికి శ్రీలు సిగ్గు పడుతూ కనిపించింది. వెంటనే పృథ్వీ ప్రేమ వ్యవహారాల గురించి ఏదో వివరణ ఇస్తూ కనిపించాడు. ఆ విషయాలు పూర్తి ఇంటర్వ్యూలో తెలుస్తాయి. 

అసలు శ్రీలు ఎవరితో ప్రేమలో ఉంది.. ఆ హీరో ఎవరు అని తెలుసుకునేందుకు నెటిజన్లు తెగ ఆసక్తి చూపుతున్నారు. ఇంతలో పృథ్వీ రాజ్ ఆస్తి గురించి చర్చకు వచ్చింది. మీ నాన్న ఆస్తి ఎంత ? 500 కోట్లా, 100 కోట్లా, 2 వేల కోట్లా అని యాంకర్ ప్రశ్నించగా.. శ్రీలు నాకు తెలియదు అంటూ నవ్వుతూ సమాధానం ఇచ్చింది. 

తన తండ్రి పొలిటికల్ కెరీర్ గురించి శ్రీలు మాట్లాడుతూ ఎమోషనల్ అయింది. పరోక్షంగా ఆడియో లీక్ వ్యవహారం గురించి తెలిపింది. పొలిటికల్ గా ఒక విషయం జరిగినప్పుడు నాన్న డిప్రెషన్ లోకి వెళ్లిపోయారు. అది చూసి నేను తట్టుకోలేకపోయాను అని శ్రీలు తెలిపింది. 

అభిమానులు 30 ఇయర్స్ పృథ్వీ అని పిలిస్తే సంతోషమా లేక పృథ్వీ రాజ్ అని పిలిస్తేనా అని ప్రశ్నించగా.. 30 ఇయర్స్ పృథ్వీ అనే సమాధానం ఇచ్చాడు. ఎందుకంటే అది నాకు ఇండస్ట్రీలో గుర్తింపు నిచ్చిన మ్యాజరిజం అని పృథ్వీ అన్నారు. అలాగే పవన్ కళ్యాణ్, జనసేన పార్టీ గురించి కూడా పృథ్వీ ఆసక్తికర వ్యాఖ్యలు చేశాడు. మా బాస్ పవన్ కళ్యాణ్ లాగే ఇండస్ట్రీని, పాలిటిక్స్ ని బ్యాలెన్స్ చేస్తా అని చెప్పారు.