బాలకృష్ణతో సినిమా ఓప్పుకోనే లేదు ఎలా తప్పిస్తారంటూ మండిపడిన సోనాక్ష్మీ సిన్హా

బాలయ్యతో సినిమాపై ఇంట్రెస్టింగ్ కామెంట్స్ చేసింది బాలీవుడ్ హీరోయిన్ సోనాక్షీ సిన్హా. బాలకృష్ణ- అనిల్ రావిపూడి సినిమాలో సోనాక్షీ హీరోయిన్ అంటూ వార్తలు రాగా.. ఆ విషయంలో క్లారిటీఇచ్చింది బ్యూటీ. 

టాలీవుడ్ లో సీనియర్ హీరోలకు హీరోయిన్లను వెతకడం పెద్ద పనిగా మారింది. చిరంజీవి, బాలయ్య లాంటి 60ప్లస్ హీరోలకు హీరోయిన్లుగా పెద్దగా ఆప్షన్లు కనిపించడంలేదు. దాంతో బాలీవుడ్ వైపు చూస్తున్నారు. ఈక్రమంలోనే బాలయ్య తో అనిల్ రావిపూడి చేయబోతున్న సినిమాలో బాలీవుడ్ హీరోయిన్ సోనాక్ష్మీ సిన్హాను తీసుకున్నట్టు టాక్ వచ్చింది. 

ఇక అలా టాక్ వచ్చిందో లేదో.. ఇలా మరో న్యూస్ కూడా వైరల్ అయ్యింది. రాబోయే సినిమాలో సోనాక్షిని హీరోయిన్ గా ఖాయం చేశారంటూ వార్తలు చక్కర్లు కొట్టాయి. కానీ, ఈ ప్రాజెక్టు నుంచి ఆమెను తప్పించారంటూ మళ్లీ కొత్తన్యూస్ వైరల్ అయ్యింది. . ఈ సినిమా కోసం ఆమె భారీగా డిమాండ్ చేయడంతో.. సోనాక్షిని  ఈసినిమా  నుండి తప్పించారంటూ.. న్యూస్ వైరల్ అయ్యింది. అయితే ఈ విషయంలో అఫీషయిల్ గా ఎవరూ అనౌన్స్ మెంట్ మాత్రం చేయలేదు. 

ఇక  ఈ వార్తలపై సీరియస్ అయ్యింది  సోనాక్షి  సిన్హా.. చాలా ఘాటుగా స్పందించింది. ఆమె ఏమని వివరణ ఇచ్చిందంటే.. టాలీవుడ్ సినిమాలో నేను నటించబోతున్నట్టు కొన్ని రోజులుగా వార్తలు వస్తున్నాయి. అందులో వాస్తవం లేదు అన్నారు. అసలు ఆసినిమాలో  తాను నటించనప్పుడు అదే సినిమా నుంచి తనను ఎలా తప్పిస్తారంటూ మండిపడింది బాలీవుడ్ స్టార్ . 

అసలు ఒప్పుకోని సినిమా నుంచి హీరోయిన్‌ని ఎవరైనా తీసేస్తారా? ఇది ఎలా సాధ్యం అంటూ ప్రశ్నించింది సోనాక్షీ. అంతే కాదు.. తన టాలీవుడ్ ఎంట్రీ విషయంలో వస్తున్న వార్తలన్నీ పుకార్లే అని కొట్టిపారేసిందిసీనియర్ బ్యూటీ. 

బాలీవుడ్ స్టార్ శత్రఘ్న సిన్హా వారసురాలిగా ఫిల్మ్ ఇండస్ట్రీలోకి ఎంట్రీ ఇచ్చింది సోనాక్ష్మీ. తనకంటూ కొత్త గుర్తింపు సాధించి ఈ హీరోయిన్.. సల్మాన్ ఖాన్, అక్షయ్ కుమార్ లాంటి పెద్ద పెద్ద హీరోల సరసన నటించి మెప్పించింది. అయితే ఆమెకు రాను రాను అవకాశాలు తగ్గిపోయాయి.   

బాలీవుడ్  కు కొత్త నీరు రావడం.. ఆ హీరోయిన్లు నాజూగ్గా ఉండటంతో.. సోనాక్ష్మీ కి అవకాశాలు తగ్గిపోయాయి. అంతే కాదు.. ఇప్పటి హీరోయిన్లతో పోలిస్తే .. ఆమె కాస్త బోద్దుగా ఉండటం.. బాలీవుడ్ కు నచ్చలేదు. జీర్ సైట్ హీరోయిన్లు ఉన్న బాలీవుడ్ లో.. సోనాక్షికి అవకావాలు తగ్గిపోయాయి.