Bigg Boss Telugu 6: ఓడిపోయిన రేవంత్... బిగ్ బాస్ తెలుగు 6 ఫస్ట్ ఫైనలిస్ట్ గా ఆదిరెడ్డి!

బిగ్ బాస్ హౌస్లో టికెట్ టు ఫినాలే టాస్స్ నిర్వహిస్తున్నారు. టికెట్ గెలుచుకున్న సభ్యుడు నేరుగా ఫైనల్ కి చేరుకోవచ్చు. నెక్స్ట్ వీక్ నామినేషన్స్ లో కూడా ఆ కంటెస్టెంట్ ఉండడు. ఈ క్రమంలో ఫైనల్ కి చేరుకోవాలని కంటెస్టెంట్స్ తీవ్ర ప్రయత్నం చేస్తున్నారు. టికెట్ టు ఫినాలే కోసం బిగ్ బాస్ స్నోమాన్ టాస్క్ నిర్వహించాడు. స్నోమాన్ బొమ్మ భాగాలు సేకరించి రూపొందించాలి. అదే సమయంలో తమ బొమ్మను ఇతర కంటెస్టెంట్స్ నుండి కాపాడుకోవాలి. ప్రతి రౌండ్ లో తక్కువ భాగాలతో స్నోమాన్ ని నిర్మించిన కంటెస్టెంట్ ఎలిమినేట్ అవుతాడు. టికెట్ టు ఫినాలే టాస్క్ నుండి తప్పుకుంటాడు. 

స్నోమాన్ టాస్క్ లో మొదట శ్రీసత్య తర్వాత కీర్తి, ఇనయా ఎలిమినేట్ అయ్యారు. అయితే ఈ ముగ్గురిలో ఒకరు టికెట్ టు ఫినాలే టాస్క్ లో పోటీపడేందుకు బిగ్ బాస్ మరో ఛాన్స్ ఇచ్చాడు. కీర్తి, ఇనయా, శ్రీసత్యల మధ్య ఒక గేమ్ పెట్టిన బిగ్ బాస్ గెలిచిన కంటెస్టెంట్ టికెట్ టు ఫినాలే టాస్క్ లో పోటీపడవచ్చు అన్నారు. దీనిలో భాగంగా ముగ్గురూ తెల్ల టీషర్ట్స్ ధరించాలి. సర్కిల్ లో నిల్చొని పక్కనే ఉన్న రెడ్ పెయింట్ చేతులతో ఇతరుల వీపుపై రాసేందుకు ప్రయత్నం చేయాలి. అలాగే మిగతా ఇద్దరు కంటెస్టెంట్స్ తమకు రాయకుండా కాపాడుకోవాలి. ఎక్కువ మొత్తంలో వీపుపై పెయింట్ ఉన్న కంటెస్టెంట్ ఎలిమినేట్ అవుతారు. ఈ గేమ్ లో శ్రీసత్యకు ఎక్కువ పెయింట్ అయ్యింది. దీంతో ఆమె ఎలిమినేట్ అయ్యారు. 
 

శ్రీసత్య ఎలిమినేట్ కావడంతో ఇనయా, కీర్తి నెక్స్ట్ రౌండ్ లో పోటీపడ్డారు. గెలుపు కోసం ఇనయా, కీర్తి హోరాహోరీగా పోటీపడ్డారు. ఒకరి వీపుపై మరొకరు రెడ్ కలర్ రాసేందుకు శాయశక్తులా కృషి చేశారు. కిందా మీదా పడుతూ ఆల్మోస్ట్ కొట్టుకున్నంత పని చేశారు. బజర్ మోగగానే గేమ్ ఆపేశారు. సంచాలక్ గా ఉన్న రేవంత్ విన్నర్ ని నిర్ణయించడం చాలా కష్టం అన్నాడు. ఎందుకంటే ఇద్దరి టీషర్ట్స్ పై ఎక్కువగానే రంగు ఉంది అన్నారు. ఫైనల్ గా  కీర్తి గెలిచినట్లు ప్రకటించాడు. దీంతో ఆదిరెడ్డి, రేవంత్, రోహిత్, కీర్తి, ఫైమా, శ్రీహాన్.. టికెట్ టు ఫినాలే కోసం పోటీపడ్డారు. 
 

ఈ ఆరుగురిలో విన్నర్ ని నిర్ణయించేందుకు ఒక గేమ్ నిర్వహించారు. ఆర్మీ ట్రైనింగ్ తరహాలో ఆరుగురు సభ్యులు పాకుతూ, దూకుతూ, ఎక్కుతూ టార్గెట్ ని చేరుకొని ఎత్తులో ఉన్న బాస్కెట్ లో బాల్ వేయాల్సి ఉంటుంది. ఈ గేమ్ అందరికంటే వెనుకబడిన కంటెస్టెంట్స్ ఎలిమినేట్ అవుతారు. మిగతా వాళ్లు ముందుకు వెళతారు. అలాగే బిగ్ బాస్ ఏకాభిప్రాయంతో ముందుకు వెళ్లే ఆప్షన్ కూడా ఇచ్చారు. అయితే అది కంటెస్టెంట్స్ కి నచ్చలేదు. 
 

కీలక సమయంలో ఏకాభిప్రాయం అంటే విబేధాలు వస్తాయి. గెలిచి ఓడిపోతే ఎలాంటి సమస్య ఉండదు అని పోటీలో ఉన్న కంటెస్టెంట్స్ అభిప్రాయపడ్డారు. దీంతో బిగ్ బాస్ మరికొన్ని టాస్క్స్ నిర్వహించినట్లు తెలుస్తోంది. బిగ్ బాస్ హౌస్లో జరుగుతున్న ప్రతి విషయం లీక్ అవుతుంది. దాని ప్రకారం టికెట్ టు ఫినాలే ఆదిరెడ్డి గెలుచుకున్నాడట. ఈ టాస్క్ లో గెలిచి ఫైనల్ కి చేరే ఫస్ట్ కంటెస్టెంట్ నేనే కావాలని ఆశపడిన రేవంత్ కి షాక్ తగిలింది అంటున్నారు. 
 

ఈ సమాచారంలో వాస్తవం ఎంత ఉందనేది మరో కొన్ని గంటల్లో తేలిపోనుంది. అయితే టికెట్ టు ఫినాలే గెలుచుకున్న ఆదిరెడ్డి నామినేషన్స్ లో ఉన్నాడు. ఒకవేళ ఈ వారం ఆదిరెడ్డి ఎలిమినేట్ అయితే అతనికి ఈ పాస్ ఉపయోగపడదు. ఇక 13వ వారానికి గానూ ఆదిరెడ్డి, రేవంత్, రోహిత్, ఫైమా, కీర్తి, శ్రీసత్య నామినేట్ అయ్యారు. శ్రీహాన్, ఇనయా నామినేషన్స్ లో లేరు.