Anushka Shetty: ఇండస్ట్రీలో 17 ఏళ్ళు పూర్తి.. అనుష్క అలా చెప్పింది ఏంటి.. మరి ప్రభాస్ పరిస్థితి ?

ఇటీవల అనుష్క సినిమాల గురించి ఎలాంటి న్యూస్ రాకపోవడంతో ఫ్యాన్స్ లో అనుమానాలు పెరిగాయి.  బరువు కూడా పెరుగుతుండడంతో అనుష్క గురించి చాలా రూమర్స్ ఎక్కువయ్యాయి.

ఇటీవల అనుష్క సినిమాల గురించి ఎలాంటి న్యూస్ రాకపోవడంతో ఫ్యాన్స్ లో అనుమానాలు పెరిగాయి.  బరువు కూడా పెరుగుతుండడంతో అనుష్క గురించి చాలా రూమర్స్ ఎక్కువయ్యాయి. అనుష్క ఇక సినిమాలకు దూరం అవుతోందని.. ఆమె కుటుంబ సభ్యులు పెళ్లి చేసేందుకు రెడీ అవుతున్నారని ఊహాగానాలు వినిపించాయి. అవన్నీ ఊహాగానాలు మాత్రమే. అనుష్క శెట్టి అభిమానులకు ఒక గుడ్ న్యూస్ వచ్చింది. 

అనుష్క ప్రస్తుతం తన కొత్త చిత్రంలో నటిస్తోంది. యువి క్రియేషన్స్ బ్యానర్ లో పి మహేష్ దర్శకత్వంలో అనుష్క నటించేందుకు గ్రీన్ సిగ్నల్ ఇచ్చిన సంగతి తెలిసిందే. ఈ చిత్ర షూటింగ్ లో ప్రస్తుతం అనుష్క పాల్గొంటోంది. ఈ చిత్రంలో హీరోగా జాతిరత్నాలు ఫేమ్ నవీన్ పోలిశెట్టి నటిస్తున్నారు. అనుష్క షూటింగ్ లో పాల్గొంటోంది అంటూ క్రేజ్ అప్డేట్ ఇచ్చింది నవీన్ పోలిశెట్టే. 

అనుష్క ఇండస్ట్రీలోకి అడుగు పెట్టి జూలై 20తో 17 ఏళ్ళు పూర్తయ్యాయి. అనుష్క నటించిన మొదటి చిత్రం 17 ఏళ్ల క్రితం ఇదే రోజున 2005లో విడుదలయింది. ఈ 17 ఏళ్లలో అనుష్క అనేక విజయాలు అందుకుంది. సౌత్ లో లేడీ సూపర్ స్టార్ గా ప్రశంసలు దక్కించుకుంది. స్టార్ హీరోలకు సమానంగా తన ప్రతిభ చాటింది. బాహుబలి, అరుంధతి లాంటి మెమొరబుల్ హిట్స్ ని తన ఖాతాలో వేసుకుంది. 

అనుష్క ఇండస్ట్రీలో 17 ఏళ్ళు పూర్తి చేసుకున్న సందర్భంగా హీరో నవీన్ పోలిశెట్టి, యూవీక్రియేషన్ సంస్థ సెలెబ్రేట్ చేశాయి. మూవీ సెట్స్ లో కేక్ కట్ చేశారు. ఈ విషయాన్ని నవీన్ పోలిశెట్టి ట్విట్టర్ లో పోస్ట్ చేసాడు. 

అనుష్కకి నవీన్ పోలిశెట్టి చిన్న కేక్ లంచంగా ఇచ్చాడట. ఈ కేక్ పై '17 ఇయర్స్ ఇండస్ట్రీ ఇక్కడ' అని రాసి ఉంది. 'అనుష్కకి ఈ కేక్ లంచంగా ఇచ్చా. ఈ 17 ఏళ్లలో నేనే బెస్ట్ కోస్టార్ అని చెప్పింది. అద్భుతమైన ఈ జర్నీకి కంగ్రాట్స్. మా షూటింగ్ చాలా ఫన్ గా కొనసాగుతోంది. మొత్తానికి అప్డేట్ ఇచ్చేశా' అని నవీన్ పోలిశెట్టి ట్వీట్ చేశాడు. 

అనుష్కకి నేనే బెస్ట్ కోస్టార్ అని ఆమె చెప్పినట్లు నవీన్ సరదాగా కామెంట్స్ చేశాడు. దీనితో నెటిజన్లు కూడా ఫన్నీగా రిప్లై ఇస్తున్నారు. అనుష్కకి నువ్వు బెస్ట్ కోస్టార్ అయితే మరి ప్రభాస్ ఏంటి ? అంటూ సెటైర్లు పేల్చుతున్నారు. తన బెస్ట్ కోస్టార్ ప్రభాస్ అంటూ అనుష్క పలు సందర్భాల్లో తెలిపింది. అనుష్క ప్రభాస్ కలసి బిల్లా, మిచ్చి, బాహుబలి రెండు భాగాల్లో నటించారు. అనుష్క, ప్రభాస్ లది వెండితెరపై సూపర్ హిట్ కాంబినేషన్.