అందరి ముందు ఆ పాపం మీదే అంటూ నిలదీసిన సుమ.. ఇంతకీ రాఘవేంద్రరావు ఆమెకు చేసిన అన్యాయం ఏమిటీ!

రాఘవేంద్రరావు సమర్పణలో వాంటెడ్ పండుగాడ్(Wanted Pandogod) మూవీ తెరకెక్కింది. ఆగస్టు 19న ఈ మూవీ విడుదల కానుంది. ఈ నేపథ్యంలో మూవీ ప్రమోషన్స్ నిర్వహిస్తున్నారు. పాప్యులర్ రియాలిటీ షో క్యాష్ కి ఈ మూవీలో నటించిన అనసూయ, విష్ణుప్రియలతో పాటు రాఘవేంద్రరావు వచ్చారు.

ఇక రాఘవేంద్రరావు(Raghavendrarao K) వస్తూ వస్తూనే పంచ్ల వర్షం స్టార్ట్ అయ్యింది. అనసూయతో చేయి చేయి కలిపి రాఘవేంద్రరావు వేదికపైకి వచ్చాడు. ఆయనకు ఆహ్వానం పలుకుతూ సుమ బొకే ఇచ్చారు. ఆ బొకేను ఆయన యాంకర్ విష్ణు ప్రియకు విసిరారు. దాన్ని పట్టుకున్న విష్ణుప్రియ నాకు పెళ్లి అయినట్లే అంటూ ఆనందం వ్యక్తం చేసింది. మరో బొకే సుమ విసరగా దాన్ని కూడా అందుకొని నాకు రెండు పెళ్లిళ్లు అంటూ కేకలు వేసింది. విష్ణుప్రియ చర్యకు అందరూ అవాక్కయ్యారు. 
 

అనంతరం నేను అనసూయ(Anasuya) చేయి చేయి పట్టుకొని ఎందుకు వచ్చామో తెలుసా? అని రాఘవేంద్రరావు అడిగారు. దానికి సమాధానంగా సుమ... అక్కడ మెట్లు ఉన్నాయి. అనసూయ ఎక్కలేదని మీరు పట్టుకొచ్చారు.. అంటూ పంచ్ విసిరింది. ఆ పంచ్ కి అనసూయ ముఖం మాడిపోయింది. 
 

అనసూయతో కలిసి రొమాంటిక్ గా రావడానికి కారణం ఏంటంటే... నా కాలేజీ రోజుల్లో అనసూయ అనే అమ్మాయి ఉండేది. ఇప్పుడు ఈ అనసూయ దొరికింది. ఈ విధంగా అప్పటి రోజులు గుర్తు చేసుకున్నాను అన్నారు. 
 

ఇక సుమ...లక్కీగా మీ లైఫ్ లో సుమ అనే అమ్మాయి లేదు సర్.. అన్నారు. ఆ మాటకు రాఘవేంద్రరావు, అసలు సుమ లేని లైఫ్ ఉందా. అసలు నీ పెళ్లి చేసింది నేనే కదా.. అన్నారు. అవును సర్ ఆ పాపమ్ మీదే అంటూ పంచ్ వేసింది. దానితో అందరూ నవ్వేశారు. 
 

ఇవాళ కనీసం పది కోట్లు గెలుచుకొని వెళ్లాలని రాఘవేంద్ర రావు అన్నారు. పదికోట్లు అయితే అనసూయ, వంద కోట్లు అయితే నేను అన్నారు సుమ(Suma Kanakala). ఖచ్చితంగా నిన్నే తీసుకెళతాని రాఘవేంద్రరావు అన్నారు. 

ఆ మధ్య భర్తతో సుమ విడిపోతున్నట్లు వార్తలు వచ్చాయి. రాజీవ్ కొన్నాళ్లు ఆమెకు దూరంగా ఉన్నారు. ఈ కారణంగా పుకార్లు తెరపైకి వచ్చాయి.  ఇక పెళ్లి చేసి పాపం చేశాడని సుమ రాఘవేంద్రరావుని అనడం... కామెడీలో భాగమా లేక రాజీవ్ కనకాలను తనకు అంటగట్టడాని నిజంగానే బాధపడుతుందా అని నెటిజెన్స్ వాపోతున్నారు.