సమంత నుంచి రష్మిక దాకా... ఎవరి క్రేజ్ వాళ్లదే!

చిత్ర పరిశ్రమలో హీరోయిన్లుగా ఎదిగేందుకు ఎందరో నటీమణలు ప్రయత్నిస్తుంటారు. కానీ కొందరికి మాత్రమే హీరోయిన్లుగా, స్టార్లుగా ఎదిగే అవకాశం ఉంటుంది. 

చిత్ర పరిశ్రమలో హీరోయిన్లుగా ఎదిగేందుకు ఎందరో నటీమణలు ప్రయత్నిస్తుంటారు. కానీ కొందరికి మాత్రమే హీరోయిన్లుగా, స్టార్లుగా ఎదిగే అవకాశం ఉంటుంది. 2010 నుంచి ఈ దశాబ్దకాలంలో తెలుగు చిత్ర పరిశ్రమకు అందం అభినయంతో ఆకట్టుకునే క్రేజీ హీరోయిన్లు కొందరు దొరికారు. సమంత, సాయి పల్లవి లాంటి హీరోయిన్లు నటనతో మెప్పిస్తే.. శృతి హాసన్, పూజా హెగ్డే లాంటి హీరోయిన్లు గ్లామర్ తో కట్టిపడేస్తున్నారు.

సమంత: ఈ దశాబ్దంలో తెలుగు చిత్రపరిశ్రమకు దొరికిన అద్భుత నటి సమంత. సమంత 2010లో ఏమాయ చేసావే చిత్రంతో హీరోయిన్ గా పరిచయమైంది.

తాప్సి : కెరీర్ ఆరంభంలో గ్లామర్ రోల్స్ చేసిన తాప్సి ప్రస్తుతం నటనకు ప్రాధాన్యత ఉన్న చిత్రాలు చేస్తోంది. తాప్సి 2010లో ఝుమ్మంది నాదం చిత్రంతో తెలుగు తెరకు పరిచయమైంది.

శృతి హాసన్ : 2011లో అనగనగా ఓ ధీరుడు చిత్రంతో ఎంట్రీ ఇచ్చిన శృతి హాసన్ సౌత్ లో క్రేజీ హీరోయిన్ గా ఎదిగింది.

నిత్యామీనన్ : అలా మొదలయింది చిత్రంతో 2011లో ఎంట్రీ ఇచ్చిన నిత్యామీనన్ ఎలాంటి హావభావాలనైనా పలికించగల అద్భుతమైన నటిగా గుర్తింపు సొంతం చేసుకుంది.

లావణ్య త్రిపాఠి : ఈ బ్యూటీ అందాల రాక్షసి చిత్రంతో 2011లో ఎంట్రీ ఇచ్చింది.

ఈషా రెబ్బ : తెలుగమ్మాయిగా చిత్ర పరిశ్రమలోకి అడుగుపెట్టిన ఈషా రెబ్బ.. 2013లో అంతకు ముందు ఆ తరువాత చిత్రంతో హీరోయిన్ గా మారింది.

రకుల్ ప్రీత్ సింగ్ : గ్లామర్ రోల్స్, కమర్షియల్ చిత్రాలతో క్రేజ్ సొంతం చేసుకున్న రకుల్ 2011లో కెరటం చిత్రంతో ఎంట్రీ ఇచ్చింది.

రాశి ఖన్నా : ఈ భామ 2014లో ఊహలు గుసగుసలాడే చిత్రంతో హీరోయిన్ గా తెలుగు తెరకు పరిచయమైంది.

పూజా హెగ్డే : ప్రస్తుతం టాలీవుడ్ లో హైయెస్ట్ పైడ్ హీరోయిన్స్ లో ఈ బ్యూటీ ఒకరు. 2014లో పూజా హెగ్డే ముకుంద, ఒకలైలా కోసం చిత్రాలతో హీరోయిన్ గా మరిచయమైంది.

కీర్తి సురేష్ : 2016లో కీర్తి సురేష్ నేను శైలజ చిత్రంతో టాలీవుడ్ కు పరిచయమైంది. మహానటి చిత్రంతో ఉత్తమ నటిగా జాతీయ అవార్డు అందుకునే రేంజ్ కు ఆమె క్రేజ్ పెరిగింది.

అనుపమ పరమేశ్వరన్ : మలయాళీ యంగ్ బ్యూటీ అనుపమ పరమేశ్వరన్ 'అ..ఆ..' చిత్రంతో 2016లో ఎంట్రీ ఇచ్చింది.

సాయి పల్లవి : సౌత్ ఇండియన్ ఉత్తమ నటీమణులలో సాయి పల్లవి ఒకరు. ఫిదా చిత్రంతో సాయి పల్లవి టాలీవుడ్ కు పరిచయమైంది.

అదితి రావు హైదరి : సమ్మోహనం చిత్రంతో అదితి రావు హైదరి టాలీవుడ్ కు పరిచయమైంది. అంతకుముందే 'చెలియా' అనే డబ్బింగ్ సినిమాతో ప్రేక్షకుల ముందుకు వచ్చింది.

పాయల్ రాజ్ పుత్ ఆర్ఎక్స్ 100 చిత్రంతో ఎంట్రీ ఇచ్చింది.

శ్రద్దా శ్రీనాథ్ : జెర్సీ చిత్రంతో టాలీవుడ్ కు ఎంట్రీ ఇచ్చిన శ్రద్దా శ్రీనాథ్ అద్భుతమైన నటన కనబరిచింది.

నభా నటేష్ : యువత హృదయాలకు గాలం వేస్తున్న ఈ యంగ్ బ్యూటీ 'నన్ను దోచుకుందువటే చిత్రంతో హీరోయిన్ గా పరిచయమైంది.

నిధి అగర్వాల్ : గ్లామర్ డాల్ నిధి అగర్వాల్ నటించిన తొలి చిత్రం సవ్యసాచి.

రష్మిక మందన్న : టాలీవుడ్ లో క్రేజీ హీరోయిన్ గా మారిన రష్మిక 'ఛలో' చిత్రంతో తెలుగు చిత్ర పరిశ్రమలోకి అడుగు పెట్టింది.

అర్జున్ రెడ్డి చిత్రంతో ఎంట్రీ ఇచ్చిన షాలిని పాండే కూడా ప్రస్తుతం టాలీవుడ్ లో మంచి అవకాశాలు అందుకుంటోంది.

ప్రియాంక ఆరుళ్ మోహన్ : గతేడాది 'గ్యాంగ్ లీడర్' సినిమాతో తెలుగు ప్రేక్షకులకు పరిచయమైంది ఈ బ్యూటీ. మొదటి సినిమాతో కుర్రాళ్ల గుండెల్ని కొల్లగొట్టింది.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి