ముగ్గురిలో పవన్ ఎవరికి ఓకే చెబుతాడో?
ఈ మూడు సినిమాలతోపాటు తన 29వ సినిమాకి పవన్ కళ్యాణ్ కమిట్ అయ్యాడని తెలుస్తుంది. తన స్నేహితుడు రామ్ తాళ్లూరి నిర్మాణంలో ఈ సినిమా ఉంటుందని తెలుస్తుంది.
పవర్ స్టార్ పవన్ కళ్యాణ్ కొత్త సినిమాల జోరు కొనసాగుతూనే ఉంది. ఆయన ఎలక్షన్ల తర్వాత రీఎంట్రీ ఇస్తూ మూడు సినిమాలకు గ్రీన్ సిగ్నల్ ఇచ్చిన విషయం తెలిసిందే. అందులో తన 26వ చిత్రం `వకీల్సాబ్` చిత్రీకరణ జరుపుకుంటోంది. వేణు శ్రీరామ్ దర్శకత్వం వహిస్తున్న ఈ సినిమా చివరి దశకు చేరుకుంది. దీంతోపాటు 27వ సినిమాగా క్రిష్ డైరెక్షన్లో చేయనున్నారు. మరోవైపు 28వ సినిమాని `గబ్బర్ సింగ్` వంటి విజయాన్ని అందించిన హరీష్శంకర్తో చేయబోతున్నాడు పవన్.
ఈ మూడు సినిమాలతోపాటు తన 29వ సినిమాకి పవన్ కళ్యాణ్ కమిట్ అయ్యాడని తెలుస్తుంది. తన స్నేహితుడు రామ్ తాళ్లూరి నిర్మాణంలో ఈ సినిమా ఉంటుందని తెలుస్తుంది. అయితే దీనికి దర్శకుడెవరనేది సస్పెన్స్ నెలకొంది. మొన్నటి వరకు `సైరా` ఫేమ్ సురేందర్రెడ్డి అన్నారు. ఆయన ఒక్కడే కాదు, మరో ఇద్దరి దర్శకుల పేర్లని కూడా పవన్ పరిశీలిస్తున్నారట. `గోపాల గోపాల`, `కాటమరాయుడు` చిత్రాలను రూపొందించిన డాలి, అలాగే గోపీచంద్ మలినేని కూడా పవన్తో సినిమా చేయాలనుకుంటున్నట్టు సమాచారం.
వీరంతా ఇప్పటికే పవన్కి స్క్రిప్ట్ వినిపించారని, ఈ ముగ్గురిలో ఒకరికి పవన్ గ్రీన్ సిగ్నల్ ఇచ్చే ఛాన్స్ ఉందని, అంతేకాదు దీన్ని తన బర్త్ డే సందర్భంగా ప్రకటించే అవకాశం ఉందని ఫిల్మ్ నగర్ టాక్. మరి ఇందులో నిజమెంతా అనేది చూడాలి. బట్ బర్త్ డేకి మాత్రం కొత్త ప్రాజెక్ట్ అనౌన్స్ మెంట్ రాబోతుందనేది ఫిక్స్ అని, ఇదే విషయాన్ని పవన్ అభిమానులు సోషల్ మీడియాలో వైరల్ చేయిస్తున్నారు. పవన్ బర్త్ డే సెప్టెంబర్ 2 అనే విషయం తెలిసిందే.
మరోవైపు ఇటీవల విడుదల చేసిన పవన్ బర్త్ డే కామన్ డీపీ(సీడీపీ)కి విశేష స్పందన వచ్చింది. దీంతోపాటు బర్త్ డే యాష్ ట్యాగ్కి ట్విట్టర్లో 24గంటల్లో 65.1మిలియన్ ట్వీట్లతో ప్రపంచ రికార్డ్ ని సృష్టించారు పవన్ అభిమానులు. మహేష్ పేరిట ఉన్న 62.1 మిలియన్ ట్వీట్ల రికార్డుని బ్రేక్ చేసి ప్రపంచ రికార్డ్ ని సృష్టించారు. దీంతో ఇప్పుడు పవన్ సోషల్ మీడియాని షేక్ చేస్తున్నారని చెప్పొచ్చు.