కొన్ని కాంబినేషన్లు రేర్ గా కనిపిస్తాయి.. ఎప్పుడో ఒక్క సారి వినిపిస్తుంటాయి. అలాంటి రేర్ కాంబినేషన్ ఒకటి తమిళ తెరపై కనిపించబోతోంది.
లోక నాయకుడు కమల్హాసన్ టైటిల్ రోల్లో నటిస్తున్న సినిమా ఇండియన్ 2 . శంకర్ ప్రతిష్టాత్మకంగా తెరకెక్కిస్తున్న ఈసినిమాలో హీరోయిన్ గా కాజల్ అగర్వాల్ నటిస్తోంది. ప్రస్తుతం షూటింగ్ దశలో ఉన్న ఈ సినిమాకు సంబంధించిన కొత్త అప్డేట్ ఒకటి సోషల్ మీడియాలో విపరీతంగా సర్క్యూలేట్ అవుతోంది. ఈసినిమాలో ఇప్పటికే స్టార్ కాస్ట్ చాలా మంది ఆడ్ అవ్వగా.. ఇప్పుడు మరో స్టార్ ఈసినిమాలో ఎంటర్ అవ్వబోతున్నట్టు తెలుస్తోంది.
ఇండియన్ 2లో టాలెంటెడ్ డైరెక్టర్ కమ్ యాక్టర్ ఎస్జే సూర్య మెయిన్ విలన్గా నటిస్తున్నాడు. ఎస్జే సూర్య ఇండియన్ 2కు సంబంధించిన షూటింగ్ కూడా ఇటీవలే పూర్తి చేశాడని టాక్. అంతే కాదు మరో క్రేజీ న్యూస్ ఏంటంటే.. ఇండియన్ 2లో విలన్ పాత్ర కోసం ఎస్జే సూర్య కెరీర్లోనే అత్యధికంగా రెమ్యునరేషన్ తీసుకున్నాడని తెలుస్తోంది. ఈ యాక్టర్ మరోవైపు శంకర్ డైరెక్షన్లో రాంచరణ్ హీరోగా వస్తున్న గేమ్ చేంజర్లో కీ రోల్ చేస్తున్నాడు. భారతీయుడు చిత్రానికి సీక్వెల్గా వస్తున్న ఇండియన్ 2 చిత్రంలో బాబీ సింహా, సిద్దార్థ్, సముద్రఖని, రకుల్ ప్రీత్ సింగ్, ప్రియా భవానీ శంకర్ ఇతర కీలక పాత్రల్లో నటిస్తున్నారు.
ఇక ఇండియన్ 2 సినిమాను అత్యంత ప్రతిష్టాత్మకంగా లైకా ప్రొడక్షన్స్ -రెడ్ జియాంట్ మూవీస్ పై ఉదయనిధి స్టాలిన్-సుభాస్కరన్ తెరకెక్కిస్తున్నారు. ఈ మూవీకి యంగ్ మ్యూజిక్ సెన్సేషన్ అనిరుధ్ రవిచందర్ సంగీతం అందిస్తున్నాడు.ఇప్పటికే విడుదలైన ఇండియన్ 2 నుంచి రిలీజ్ అయిన ఫస్ట్ లుక్ పోస్టర్లకు అద్భుతమైన రెస్పాన్స్ వచ్చింది. అంతే కాదుకమల్ లుక్స్ సినిమాపై హైప్ ను పెంచేస్తున్నాయి. అంతే కాదు మూవీని ఎప్పుడెప్పుడు చూడాలా అన్న క్యూరియాసిటీ కూడా పెంచుతున్నాయి.
ఇక ఈ సినిమాతో పాటు కమల్ హాసన్ మణిరత్నం దర్శకత్వంలో 234వ ప్రాజెక్ట్కు కూడా గ్రీన్ సిగ్నల్ ఇచ్చాడు. ఇండియన్ 2 పూర్తయ్యాక ఈ సినిమాను సెట్స్పైకి తీసుకెళ్లబోతున్నాడు. ఇప్పటికే ఇండియన్ 2 షూటింగ్ తైవాన్, సౌతాఫ్రికాలోని జోహాన్నెస్ బర్గ్తోపాటు పలు ప్రాంతాల్లో షూటింగ్ జరుపుకుంది.
