Jawan Day2 Collections : రెండ్రోజుల్లో రూ.240 కోట్లు.! ‘జవాన్’ డే2 కలెక్షన్ ఎంత?
షారుఖ్ ఖాన్ ‘జవాన్’ బాక్సాఫీస్ వద్ద దుమ్ములేపుతోంది. మొదటిరోజు హ్యయేస్ట్ ఓపెనింగ్స్ ను అందుకున్న ఈ భారీ యాక్షన్ ఫిల్మ్ రెండో రోజు కూడా కలెక్షన్లలో అదరగొట్టింది. తాజాగా సెకండ్ డే వసూళ్ల వివరాలు అందాయి.
 )
Followబాలీవుడ్ బాద్షా, కింగ్ ఖాన్ షారుఖ్ (Shah Rukh Khan) లేటెస్ట్ యాక్షన్ ఫిల్మ్ ‘జవాన్’ థియేటర్లలో రచ్చ చేస్తున్న విషయం తెలిసిందే. తమిళ స్టార్ డైరెక్టర్ అట్లీ దర్శకత్వం వహించిన ఈ చిత్రం తొలిరోజు పాజిటివ్ టాక్ ను సొంతం చేసుకోవడంతో పాటు.. బాక్సాఫీస్ వద్ద కూడా దుమ్ములేపుతోంది. తొలిరోజు ప్రపంచ వ్యాప్తంగా రూ.127 కోట్ల గ్రాస్ కలెక్ట్ చేసి హిందీ సినిమా హిస్టరీలోనే బిగ్గెస్ట్ ఓపెనింగ్ డేను సొంతం చేసుకుంది. భారీ యాక్షన్, స్టార్ కాస్ట్ ఉండటంతో ఈ సినిమాపై భారీ అంచనాలు నెలకొన్నాయి. మొదటి రోజే అన్ని వర్గాల ఆడియెన్స్ నుంచి అదిరిపోయే రెస్పాన్స్ నుసొంతం చేసుకుంది. ప్రస్తుతం థియేటర్లలో దుమ్ములేపుతోంది.
ఈ క్రమంలో బాక్సాఫీస్ వద్ద కూడా కలెక్షన్ల వర్షం కురిపిస్తోంది. రెండో రోజు కూడా ‘జవాన్’ వసూళ్లు అదిరిపోయాయి. ట్రేడ్ వర్గాల అంచనా ప్రకారం.. రెండ్రోజుల్లో ఈ భారీ యాక్షన్ ఫిల్మ్ రూ.235 కోట్ల నుంచి రూ.250 కోట్ల గ్రాస్ సాధించినట్టు ట్రేడ్ వర్గాలు అంచనా వేశాయి. రెండో రోజు రూ.110 కోట్లకు పైగా వసూళ్లు సాధించింది. ఇక హిందీ బెల్డ్ లో మొదటి రోజు రూ.65 కోట్లు, రెండో రోజు 46.23 కోట్లు వసూల్ చేసినట్టు ట్రేడ్ నిపుణులు తెలుపుతున్నారు. మొత్తంగా నార్త్ లో రూ.111 కోట్లు కలెక్ట్ చేసింది. ఇక తాజాగా మేకర్స్ రెండ్రోజుల్లో రూ.240 కోట్లు కలెక్ట్ చేసిందని అధికారికంగా ప్రకటించింది. వీకెండ్ పూర్తయ్యే సరికి కలెక్లను మరింత పెరగనున్నాయి. మొదటి వారం వసూళ్లు భారీ మార్క్ ను చేరుకుంటాయని అంచనా వేస్తున్నారు.
‘పఠాన్’తో షారుఖ్ రూ.1000 కోట్లు కలెక్ట్ చేసిన విషయం తెలిసిందే. దాంతర్వాత వచ్చిన Jawan కూడా అంచనాలకు తగ్గకుండా ఉంది. ఆడియెన్స్ రెస్పాన్స్, కలెక్షన్ల మోత చూస్తుంటే సరికొత్త రికార్డులు ఖాయమంటున్నారు. ప్రస్తుతం ఇతర సినిమాల హవా లేకపోవడంతో ఈ చిత్రం లాంగ్ రన్ లో ఎలాంటి వసూళ్లు సాధిస్తుందో చూడాలంటున్నారు.
ఈ చిత్రాన్ని తమిళ దర్శకుడు అట్లీ డైరెక్ట్ చేశారు. లేడీ సూపర్ స్టార్ నయనతార కథానాయిక. ఈ చిత్రంతోనే బాలీవుడ్ కూ ఎంట్రీ ఇవ్వడం విశేషం. బాలీవుడ్ స్టార్ హీరోయిన్ దీపికా పదుకొణె అతిథి పాత్రలో అలరించింది. తమిళ స్టార్ విజయ్ సేతుపతి విలన్ పాత్ర పోషించడం సినిమాకు అదనపు బలం. అలాగే హాలీవుడ్ కు చెందిన ప్రముఖ యాక్షన్ కొరియోగ్రఫర్లు అద్భుతమైన యాక్షన్ సీక్వెన్స్ లను, కార్ ఛేజింగ్ లను డిజైన్ చేయడం ఆడియెన్స్ ను ఫిదా చేస్తోంది. అనిరుధ్ సంగీతానికి థియేటర్లు బద్దలవుతున్నాయి. ఈ భారీ చిత్రాన్ని రెడ్ చిల్లీస్ బ్యానర్ పై షారుఖ్ భార్య గౌరీ ఖాన్ నిర్మించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
