పవర్ పోగానే నా బూతే నా భవిష్యత్ అంటున్నాడు..అప్పుడేమైందో?
- పవర్ లో వున్నప్పుడు హాట్ సీన్స్ అతనికి బూతులా కనిపించేది
- పవర్లో వున్నప్పుడు కట్ చేసిన తను ఇప్పుడు అదే బూతును పంపిణీ చేస్తున్నాడు
- లక్ష్మీ రాయ్ జూలీ2 మూవీని పంపిణీ చేస్తున్న సెన్సార్ బోర్డ్ మాజీ చైర్మన్ పహ్లాజ్ నిహలాని
పహ్లాజ్ నిహలానీ.. పేరు వినగానే కేంద్ర సెన్సార్ బోర్డ్ గుర్తొస్తుంది. గతంలో సీబీఎఫ్సీ చైర్మన్ హోదాలో ఉన్న సమయంలో పహ్లాజ్ నిహలానీ వ్యవహారం బాలీవుడ్లో ఎంత వివాదాస్పదం అయిందో తెలిసిందే. ఆయన తీరుతో చాలా మంది ఫిల్మ్ మేకర్స్ బెంబేలెత్తిపోయారు. ముద్దు సీన్లు, శృంగార సన్నివేశాలు ఉంటే... ఎథిక్స్, కల్చర్ అంటూ నిర్దాక్షిణ్యంగా ఆ సీన్లకు కత్తెర పెట్టేవాడు నిహలానీ. జేమ్స్ బాంబ్ సినిమా ఇండియాలో రిలీజైనపుడు కూడా అందులో ముద్దు సీన్లుకు కత్తెర పెట్టిన ఘనత ఆయనకే దక్కింది. నిహలానీ తీరుపై విమర్శలు, వివాదాలు చాలా ఉన్నాయి. ఆ కారణంగానే ఆయన్ను సెన్సార్ బోర్డ్ చీఫ్ పదవి నుండి తొలగించినట్లు అప్పట్లో వార్తలు వచ్చాయి.
సెన్సార్ బోర్డు చీఫ్గా ఉన్నపుడు బూతు బూతు అంటూ.... ఫిల్మ్ మేకర్స్ ను బెంబేలెత్తించిన పహ్లాజ్ నిహలానీ తాజాగా ఓ అడల్ట్ ఫిల్మ్ కోసం డిస్ట్రిబ్యూటర్గా అవతారం ఎత్తడం బాలీవుడ్లో హాట్ టాపిక్ అయింది. జూలీ 2 లక్ష్మీరాయ్ ప్రధానపాత్రలో బాలీవుడ్లో తెరకెక్కుతున్న ‘జూలీ 2' చిత్రాన్ని సెన్సార్ బోర్డ్ మాజీ చీఫ్ పహ్లాజ్ నిహ్లానీ డిస్ట్రిబ్యూట్ చేస్తున్నారు. ఇటీవల విడుదలైన ట్రైలర్, పోస్టర్లు చూస్తుంటే సినిమాలో బూతు డోసు బాగానే ఉన్నట్లు స్పష్టం అవుతోంది. అలాంటి సినిమాను ‘సంస్కారి' అనే పేరున్న నిహలానీ డిస్ట్రిబ్యూట్ చేయడం ఏమిటి? అంటూ ఆశ్చర్య పోతున్నారు.
జూలీ 2 ట్రైలర్ రిలీజ్ కార్యక్రమంలో పహ్లాజ్ నిహలానీ మాట్లాడుతూ...‘నేను ఈ సినిమా చేస్తున్నాను అంటే మీరూ కూడా ఆశ్చర్యపోతారని తెలుసు. ఈ సినిమాకు నన్ను అనుమతించండి. సినిమా మీకు అందరికీ నచ్చుతుందనే నమ్మకం ఉంది అన్నారు. లక్ష్మీరాయ్ని బ్లెస్ చేయండి అందమైన లక్ష్మీరాయ్ ఈ చిత్రంలో జూలీ పాత్రలో కనిపించబోతోంది. ఇప్పటి వరకు ఆమె 49 సినిమాలు చేసింది. ఆమె 50వ చిత్రం ‘జూలీ 2'.... ఆమెకు మీ అందరి బ్లెస్సింగ్స్ కావాలి అని పహ్లాజ్ నిహ్లానీ వ్యాఖ్యానించారు.
నేను ఇపుడు సిబిఎఫ్సి పదవిలో గానీ, ఆఫీసులోగానీ లేను.... ఇపుడు నేను ఎలాంటి సినిమాలైనా చేయొచ్చు. కటెంట్ లేకుండా ఏ సినిమాను అమ్మలేము. కేవలం స్కిన్ షో చూసి సినిమా ఎవరూ కొనరు. చివరకు షారుక్ మూవీ ఆడాలన్నా కంటెంట్ కావాల్సిందే అని నిహలానీ వ్యాఖ్యానించారు. జూలీ 2 ట్రైలర్ ఈ చిత్రంలో రాయ్ లక్ష్మీ తో పాటు రతి అగ్నిహోత్రి, సాహిల్ సలాతియా, ఆదిత్య శ్రీ వాస్తవ, రవి కిషన్, పంకజ్ త్రిపాఠి, నిషికాంత్ కామంత్ ప్రధాన పాత్రలు పోషించారు . అక్టోబర్ 6న సినిమా రిలీజ్ కాబోతోంది. ఈచిత్రానికి దీపక్ శివదాసానీ దర్శకుడు.