శరవేగంగా మహేష్,మురుగదాస్ మూవీ షూటింగ్ హైదరాబాద్ షెడ్యూల్ పూర్తి చేసుకున్న మూవీ అహ్మాదాబాద్ నగరంలో ఈనెల 24 నుంచి షూటింగ్
ఏఆర్ మురుగదాస్ దర్శకత్వంలో తెరకెక్కుతున్న సూపర్ స్టార్ మహేష్ సినిమా శరవేగంగా షూటింగ్ పనులు జరుపుకుంటోంది. ఈ సినిమాకు సంబంధించిన కీలక షెడ్యూల్ గత నెల రోజులుగా హైదరాబాద్లో జరిగింది. ఈ షెడ్యూల్ లో సూపర్ స్టార్ మహేష్ కు సంబంధించిన పలు భారీ యాక్షన్ సన్నివేశాలను చిత్రీకరించారు. నిన్నటితో ఈ షెడ్యూల్ను పూర్తయింది. ఇప్పటివరకూ 60% పైనే పూర్తైన షూట్ ఔట్పుట్పై టీమ్ చాలా హ్యాపీగా ఉందట.
ఇక ఈనెల 24 నుంచి అహ్మదాబాద్లో మరో భారీ షెడ్యూల్ మొదలుకానుంది. అహ్మదాబాద్ షెడ్యూల్ తర్వాత షూటింగ్ చివరిదశకు చేరుకుంటుందని సమాచారం. ఎన్.వి.ప్రసాద్, ఠాగూర్ మధు భారీ బడ్జెట్తో తెరకెక్కిస్తోన్న ఈ సినిమాపై ఇప్పటికే అంచనాలు తారాస్థాయిలో ఉన్నాయి. మహేష్ సరసన రకుల్ హీరోయిన్గా నటిస్తున్న ఈ సినిమాలో ఎస్.జె.సూర్య విలన్గా నటిస్తున్నారు. మహేష్ ఈ సినిమాలో ఇంటిలిజెన్స్ ఆఫీసర్గా కనిపిస్తారని సమాచారం. వచ్చే జూన్లో సినిమాను ప్రేక్షకుల ముందుకు తెచ్చేందుకు ప్లాన్ చేస్తున్నారు.
