పవన్ కళ్యాణ్ బర్త్ డే అదిరిపోయే ట్రీట్.. పూనకాలకు సిద్దమవుతున్న అభిమానులు..
పవర్ స్టార్ పవన్ కళ్యాణ్ తన ఫ్యాన్స్ కి పెద్ద గిఫ్ట్ ఇవ్వబోతున్నారు. తాను నటిస్తున్న `హరిహర వీరమల్లు` చిత్రం నుంచి బిగ్ సర్ప్రైజ్ ని రెడీ చేస్తున్నారు. అదిరిపోయే ట్రీట్ రాబోతుంది.
పవన్ కళ్యాణ్(Pawan kalyan) చివరగా `భీమ్లా నాయక్`లో మెరిశారు. ఆ తర్వాత ఆయన నటిస్తున్న సినిమాలకు సంబంధించి ఎలాంటి అప్డేట్ లేదు. చాలా కాలంగా చిత్రీకరణ దశలో ఉన్న `హరిహర వీరమల్లు`(Harihara Veeramallu) చిత్రం ఎప్పుడు షూటింగ్ జరుగుతుందో తెలియని అయోమయం. పవన్ షూటింగ్ల్లో పాల్గొంటాడా? రాజకీయాల్లో బిజీ నేపథ్యంలో సినిమాలు మానేస్తాడా? అనే అనుమానాలు అభిమానులను వెంటాడుతున్నాయి. ఎలాంటి అప్డేట్ లేకపోవడంతో నిరాశలో ఉండిపోయారు.
ఈ నేపథ్యంలో పవన్ కళ్యాణ్(Pawan kalyan Birthday) బర్త్ డేకి `హరిహర వీరమల్లు` నుంచి అప్డేట్ రెడీ చేసింది యూనిట్. పవన్ అభిమానులకు అదిరిపోయే ట్రీట్ ఇచ్చేందుకు సిద్ధమవుతుంది. తాజాగా ఆ విషయాన్ని ప్రకటించారు. పవర్ స్టార్ బర్త్ డే సందర్భంగా సెప్టెంబర్ 2 `పవర్ గ్లాన్స్` పేరుతో ఓ వీడియోని విడుదల చేయబోతున్నారట. శుక్రవారం సాయంత్రం 5.45గంటలకు `పవర్ గ్లాన్స్`ని విడుదల చేయబోతున్నట్టు చిత్ర యూనిట్ ప్రకటించింది. మాసివ్ జాతరకి సిద్దం కండి అంటూ పేర్కొంది.
అందులో భాగంగా ఈ చిత్రంలోని యాక్షన్ కట్ని వీడియో రూపంలో విడుదల చేయబోతున్నట్టు తెలుస్తుంది. పవన్ ఫుల్ యాక్షన్ సన్నివేశాలను చూపించబోతున్నారు. దీంతో సినిమాపై హైప్ని మరింత పెంచే ప్రయత్నం చేస్తుందని తెలుస్తుంది. అలాగే ఇప్పటికే దాదాపు అరవై శాతం సినిమా చిత్రీకరణ పూర్తయ్యిందని తెలుస్తుంది. సెప్టెంబర్ మొదటి వారంలో తిరిగి చిత్రీకరణ ప్రారంభించబోతున్నట్టు సమాచారం.
ఇక క్రిష్ దర్శకత్వంలో రూపొందుతున్న ఈ చిత్రానికి ఏ ఎంరత్నం, ఏ దయాకర్ రావు నిర్మాతలుగా వ్యవహరిస్తున్నారు. ఇందులో నిధి అగర్వాల్ హీరోయిన్గా నటిస్తుంది. ఇందులో పవన్.. వీరమల్లు పాత్రలో కనిపించనున్నారు. పీరియాడికల్ యాక్షన్ మూవీగా దీన్ని తెరకెక్కిస్తున్నారు. సంక్రాంతి సందర్భంగా సినిమాని విడుదల చేయాలని భావిస్తున్నారు.