నానితో మరోసారి ప్రియాంక మోహన్ రొమాన్స్.. ఏ సినిమా? ఎవరి దర్శకత్వం?

నేచురల్ స్టార్ నాని (Nani) చివరిగా ‘దసరా’తో బ్లాక్ బాస్టర్ హిట్ అందుకున్నారు. బొగ్గుగనిలో రా అండ్ రగ్డ్ లుక్ తో రచ్చ చేశారు. ఈ చిత్రం ఏకంగా వందకోట్ల కలెక్షన్స్ సాధించింది. నాని కెరీర్ లోనే సరికొత్త రికార్డును క్రియేట్ చేస్తోంది. ప్రస్తుతం Hai Nanna  చిత్రంలో నటిస్తున్న విషయం తెలిసిందే. మృణాల్ ఠాకూర్ హీరోయిన్ గా చేస్తోంది. ఈ ఏడాదిలోనే రిలీజ్ చేసేలా ప్లాన్ చేస్తున్నారు. బ్యాక్ టు బ్యాక్ అప్డేట్స్ కూడా అందిస్తున్నారు. 

ఇదిలా ఉంటే.. ‘హాయ్ నాన్న’ తర్వాత నాని చేయబోయే ప్రాజెక్ట్ గురించి ఇంట్రెస్టింగ్ అప్డేట్ అందింది. మరోసారి దర్శకుడు వివేక్ ఆత్రేయా (Vivek Athreya)  దర్శకత్వంలో  నాని నటించబోతున్నట్టు తెలుస్తోంది. ఈ కాంబినేషన్ లో ఇదివరకే ‘అంటే సుందరానికీ’ చిత్రం వచ్చిన విషయం తెలిసిందే. కానీ సినిమా పెద్దగా ఆకట్టుకోలేకపోయింది. దీంతో మళ్లీ ఇదే కాంబో రిలీజ్ అవుతుందనడం  ఆసక్తికరంగా మారింది. ఎలాంటి సినిమాతో రాబోతున్నారనేది చూడాలి.

వివేక్ ఆత్రేయ దరకత్వంలో నాని మరోసారి నటించబోతున్నారు. అయితే, హీరోయిన్ గా తమిళ బ్యూటీ ప్రియాంక మోహన్ (Priyanka Mohan) నటించబోతున్నట్టు టాక్ వినిపిస్తోంది. టాలీవుడ్ కు ప్రియాంకను పరిచయం చేసింది నాని అని ప్రత్యేకంగా చెప్పనక్కర్లేదు. ‘గ్యాంగ్ లీడర్’ చిత్రంతో ప్రియాంక నాని సరసన నటించింది. వీరిద్దరి కెమిస్ట్రీ బాగా వర్కౌట్ అయ్యింది. కానీ సినిమా పెద్దగా ఆకట్టుకోలేకోయింది. కానీ ప్రియాంక నటన, గ్లామర్ కు మాత్రం ఆడియెన్స్ ఫిదా అయ్యారు. 

ఈ క్రమంలో మరోసారి జంటగా వెండితెరపై అలరించబోతున్నారు. ఈ చిత్రానికి స్టార్ మ్యూజిక్ డైరెక్టర్ ఏఆర్ రెహమాన్ సంగీతం అందిస్తుండటం విశేషం. త్వరలోనే సినిమాకు సంబంధించిన అఫీషియల్ అనౌన్స్ మెంట్ కూడా రాబోతుందని తెలుస్తోంది. నాని - ప్రియాంక మరోసారి జంటగా నటించబోతుందనడంతో ఫ్యాన్స్ ఖుషీ అవుతున్నారు. ఇక ప్రియాంక తెలుగులో భారీ చిత్రం OGలో నటిస్తున్న విషయం తెలిసిందే. ఏకంగా పవర్ స్టార్ పవన్ కళ్యాణ్ సరసన నటించే ఛాన్స్ దక్కించుకోవడం విశేషం. అలాగే తమిళంలో ధనుష్ ‘కెప్టెన్ మిల్లర్’లోనూ నటిస్తోంది.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి

• Hai Nanna
• Nani
• Priyanka Mohan
• Tollywood
• Vivek Athreya