క్రెటా, సెల్టోస్, హారియర్ వంటి ఎస్‌యూ‌విలకు పోటీగా హోండా కొత్త ఎస్‌యూ‌వి.. ఎలా ఉండబోతుందంటే..?
ఇండియాలో ప్రీమియం కార్లను తయారు చేస్తున్న హోండా కార్స్ ఇండియా లిమిటెడ్ రాబోయే సరికొత్త ఎస్‌యూ‌వి గ్లింప్స్ తో కొత్త సంవత్సరాన్ని ప్రారంభించిందని కంపెనీ తెలియజేసింది . కొత్త ఎస్‌యూ‌వి మొదటి టీజర్ స్కెచ్‌ను కంపెనీ విడుదల చేసింది.
Followఒక కొత్త ఎస్‌యూ‌విని జపాన్ కార్ కంపెనీ హోండా త్వరలో భారత మార్కెట్లోకి తీసుకురానుంది. ఇందుకోసం కంపెనీ సన్నాహాలు కూడా చేస్తోంది. ఈ ఎస్‌యూ‌వి గురించి కొంత సమాచారాన్ని హోండా షేర్ చేసింది. కంపెనీ కొత్త ఎస్‌యూ‌వి ఎలా ఉంటుంది, భారతీయ మార్కెట్లో ఏ ఎస్‌యూ‌విలతో పోటీగా ఉంటుందో తెలుసుకోండి...
ఇండియాలో ప్రీమియం కార్లను తయారు చేస్తున్న హోండా కార్స్ ఇండియా లిమిటెడ్ రాబోయే సరికొత్త ఎస్‌యూ‌వి గ్లింప్స్ తో కొత్త సంవత్సరాన్ని ప్రారంభించిందని కంపెనీ తెలియజేసింది . కొత్త ఎస్‌యూ‌వి మొదటి టీజర్ స్కెచ్‌ను కంపెనీ విడుదల చేసింది. దీనితో పాటు, ఈ ఎస్‌యూ‌వి వచ్చే వేసవిలో భారతీయ మార్కెట్లో ప్రదర్శించబడుతుందని కంపెనీ వెల్లడించింది.
ఈ కొత్త ఎస్‌యూ‌విని భారత మార్కెట్లోకి తీసుకురావడానికి ముందు, డిజైన్ అండ్ పర్ఫర్మెంస్ పరంగా కొత్త ఎస్‌యూ‌వి కోసం హోండా చాలా పరిశోధనలు చేసింది. కంపెనీ ఈ ఎస్‌యూ‌వి కోసం ఒక సర్వే కూడా నిర్వహించింది, తర్వాత ఒక ప్రాడక్ట్ ని ఖరారు చేసింది. సరికొత్త హోండా ఎస్‌యూ‌విని హోండా రీసెర్చ్ అండ్ డెవలప్‌మెంట్ ఆసియా పసిఫిక్ కో. లిమిటెడ్‌లో రూపొందించారు.
ఫీచర్స్ ఏమిటి
కంపెనీ జారీ చేసిన స్కెచ్ ప్రకారం ఎస్‌యూ‌వి ఎలా ఉంద్బోతుందో కాస్త చూపుతుంది. మొదటి చూపులోని ఎస్‌యూ‌వి మిడ్-సైజ్ సెగ్మెంట్ ఎస్‌యూ‌వి లాగా కనిపిస్తుంది. అందులో సన్నగా, పొడవుగా డీఆర్‌ఎల్‌లు ఇచ్చారు. ఫ్రంట్ బంపర్‌లో ఫాగ్ ల్యాంప్స్ కూడా అందించారు. అలాగే, దీని గ్రౌండ్ క్లియరెన్స్ కూడా చాలా ఎక్కువగా కనిపిస్తోంది. ఎస్‌యూ‌వి ముందు భాగంలో పెద్ద గ్రిల్‌పై రూఫ్ రెల్స్ ఇంకా లోగోను కూడా పొందుతుంది. కింద స్కఫ్ ప్లేట్లు కూడా అందించారు. దీనితో పాటు, పెద్ద టైర్లు, అల్లాయ్‌లు కూడా ఎస్‌యూ‌వికి అందించారు. ఈ ఎస్‌యూ‌వి హై రైడింగ్ బానెట్, ప్లాస్టిక్ క్లాడింగ్ పొందుతుంది.
ప్రస్తుతం, కంపెనీ భారతీయ మార్కెట్లో సెడాన్, హ్యాచ్‌బ్యాక్ ఇంకా క్రాస్ ఓవర్ ఎస్‌యూవీ వంటి కార్లను విక్రయిస్తోంది . వీటిలో అమేజ్, జాజ్, WRV, సిటీ అండ్ సిటీ e-HEV ఉన్నాయి. ఏప్రిల్ 1 నుండి ఇండియాలో కొత్త ఉద్గార నిబంధనలు అమలు చేయబడతాయి, ఆ తర్వాత కంపెనీ డీజిల్ వేరియంట్‌లను నిలిపివేయవచ్చు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
