మహిళ అభ్యర్ధన: రెండు సార్లు విశాఖ స్టేషన్‌లోనే నిలిచిపోయిన రైలు
విశాఖపట్టణంలో రెండు దఫాలు ఓ రైలు నిలిచిపోయింది. ఓ మహిళ అడగడడంతో రైలును నిలిపివేశారు. తమ వాళ్లు రైలు ఎక్కేందుకు వస్తున్నారని ఆమె రైల్వే అధికారులను వేడుకోవడంతో రైల్వే అధికారులు ఆమెకోసం రైలును కొద్దిసేపు నిలిపివేశారు.
 )
Followవిశాఖపట్టణం: ఓ మహిళ అడిగిందని రైలును రెండు దఫాలు నిలిపిన ఘటన విశాఖపట్టణం జిల్లాలో చోటు చేసుకొంది. ఈ ఘటన బుధవారం నాడు ఉదయం విశాఖ జిల్లాలో జరిగింది.సికింద్రాబాద్-భువనేశవర్ ప్రత్యేక రైలు విశాఖపట్టణం స్టేషన్ నుండి బయలుదేరుతున్న సమయంలో రైలు ఒక్కసారిగా నిలిచిపోయింది. రైలు బయలుదేరుతూనే ఒక్కసారిగా ఎందుకు నిలిచిపోయిందని ప్రయాణీకులు ఆరా తీశారు.
ఓ మహిళ రైల్వే గార్డు వద్దకు వెళ్లి తమ వాళ్లు రైలు ఎక్కలేదని బతిమిలాడింది. కొద్దిసేపు రైలును నిలిపివేయాలని కోరింది. ఐదు నిమిషాలపాటు రైలును నిలిపివేశారు. అయినా కూడ ఆ మహిళకు సంబంధించిన వారు రైలు వద్దకు చేరలేదు.దీంతో రైలు తిరిగి ముందుకు కదులుతోంది. అదే సమయంలో రైల్వే వంతెన నుండి తమ వాళ్లు వస్తున్నారని ఆ మహిళ మళ్లీ రైల్వే అధికారులకు చెప్పింది. రైలును కొన్ని క్షణాలు నిలపాలని కోరింది.పరుగు పరుగున ఆ మహిళ రైలు నుండి దిగి తమ వారిని రైల్లోకి తీసుకొచ్చింది. దీంతో రైలు కదిలింది. రెండుసార్లు కదిలిన రైలు ఎందుకు నిలిచిపోయిందనే విషయమై రైల్వే పోలీసులు ఆరా తీశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
