ఎవరు స్వీట్లు పంచుకొంటారో చూద్దాం: కేటీఆర్‌కు ఉత్తమ్ కౌంటర్

ఎవరు స్వీట్లు పంచుకొంటారో చూస్తారు కదా... అంటూ  టీపీసీసీ చీఫ్ ఉత్తమ్ కుమార్ రెడ్డి మంత్రి కేటీఆర్ వ్యాఖ్యలకు కౌంటరిచ్చారు.

హైదరాబాద్:  ఎవరు స్వీట్లు పంచుకొంటారో చూస్తారు కదా... అంటూ  టీపీసీసీ చీఫ్ ఉత్తమ్ కుమార్ రెడ్డి మంత్రి కేటీఆర్ వ్యాఖ్యలకు కౌంటరిచ్చారు. డిసెంబర్ 7వ తేదీన జరిగే ఎన్నికల్లో ప్రజా కూటమి అధికారంలోకి వస్తోందని ఆయన ధీమాను వ్యక్తం చేశారు.

బుధవారం నాడు ఆయన మీడియాతో మాట్లాడారు. ప్రజా కూటమి నేతలు సీట్లు పంచుకొంటే...రాష్ట్రంలో అధికారంలోకి వచ్చి టీఆర్ఎస్ స్వీట్లు పంచుకొంటుందని మంత్రి కేటీఆర్ చేసిన వ్యాఖ్యలపై ఆయన స్పందించారు.

స్వీట్లు ఎవరు పంచుకొంటారో చూద్దామని ఉత్తమ్ కేటీఆర్ కు ఘాటుగానే రిప్లై ఇచ్చారు. తమ నేతల ఫోన్లను  అధికార పార్టీ ట్యాప్ చేయిస్తోందని  ఆయన ఆరోపించారు.ఈ విషయంలో కొందరు పోలీసు అధికారులు అత్యుత్సాహన్ని చూపుతున్నారని ఆయన ఆరోపించారు. 

పొత్తుల చర్చలు సాగుతున్నట్టు ఆయన చెప్పారు. త్వరలోనే పొత్తుల చర్చలు కొలిక్కి వస్తాయని ఆయన ప్రకటించారు.నవంబర్ మొదటివారంలో అభ్యర్థులను ప్రకటించినా సరిపోతోందన్నారు.  30 రోజుల పాటు ప్రచారం  నిర్వహిస్తే ఇబ్బందులు ఉ:డవన్నారు.

సంబంధిత వార్తలు