పొత్తులు: కాంగ్రెస్ అధిష్టానంపై నంది ఎల్లయ్య సంచలనం

ఇతర పార్టీలతో పొత్తులపై కాంగ్రెస్ పార్టీ సీనియర్ నేత, ఎంపీ నంది ఎల్లయ్య ఆగ్రహం వ్యక్తం చేశారు.  

హైదరాబాద్:  ఇతర పార్టీలతో పొత్తులపై కాంగ్రెస్ పార్టీ సీనియర్ నేత, ఎంపీ నంది ఎల్లయ్య ఆగ్రహం వ్యక్తం చేశారు.  పార్టీ అధికారంలోకి రావడానికి  పొత్తులు పెట్టుకొంటున్నారా అని ప్రశ్నించారు.

మహాకూటమి(ప్రజా కూటమి)తో పాత్తుల విషయమై ఇంకా చర్చలు సాగుతున్నాయి. ఈ తరుణంలో నంది ఎల్లయ్య చేసిన వ్యాఖ్యలు ప్రాధాన్యత సంతరించుకొన్నాయి.

పొత్తుల విషయమై  ఎందుకు ఎంపీలతో చర్చించలేదో చెప్పాలని ఆయన ప్రశ్నించారు.  పొత్తుల విషయమై  చర్చకు సంబంధించి తమ నియోజకవర్గాల గురించైనా కనీస సమాచారం ఇవ్వరా అంటూ నంది ఎల్లయ్య పార్టీ నేతలపై ఆగ్రహం వ్యక్తం చేశారు.

ఇష్టానుసారంగా పొత్తులు పెట్టుకోవడం వల్ల  పార్టీకి నష్టమని ఆయన అభిప్రాయపడ్డారు. పార్టీకి లాభం చేసేందుకు పొత్తులు పెట్టుకొంటున్నారా... లేక నష్టం చేసేందుకు పొత్తులు పెట్టుకొంటున్నారో చెప్పాలని  ఆయన డిమాండ్ చేశారు.

సంబంధిత వార్తలు