ఈటలపై టీఆర్ఎస్ ఎమ్మెల్యే రసమయి ఆసక్తికర వ్యాఖ్యలు

మంత్రి ఈటల రాజేందర్ పై ఎమ్మెల్యే రసమయి బాలకిషణ్ ఆసక్తికర వ్యాఖ్యలు చేశారు. 

కరీంనగర్: టీఆర్ఎస్ ఎమ్మెల్యే రసమయి బాలకిషన్ ఆసక్తికర వ్యాఖ్యలు చేశారు. గురువారం నాడు టీచర్స్ డే ఉత్సవంలో రసమయి ఈ వ్యాఖ్యలు చేయడం గమనార్హం. మంత్రి ఈటల రాజేందర్ జాగ్రత్తగా మాట్లాడాలని నవ్వుతూ చెప్పినా కూడ రసమయి మాత్రం ఈ వ్యాఖ్యలు చేయడం గమనార్హం.

 మెరిట్ ఉన్నవారే రాజకీయాల్లో ఉండాలి.... కానీ, మెరిట్ లేని వాళ్లు కూడ రాజకీయాల్లో ఉన్నారని ఆయన ఆవేదన వ్యక్తం చేశారు.మంత్రి ఈటల రాజేందర్  కు తనకు నిజాలు మాత్రమే మాట్లాడడం వచ్చు... కడుపులో ఏమీ దాచుకోమన్నారు. అబద్దాలు మాట్లాడడం తమకు చేతకాదని ఆయన కుండబద్దలు కొట్టారు.

ఉద్యమంలో కొట్లాడినోళ్లం మాకు నిజాలు మాట్లాడడమే తెలుసునంటూ ఆయన వ్యాఖ్యానించారు. జాగ్రత్తగా మాట్లాడాలని మంత్రి ఈటల రాజేందర్ నవ్వుతూనే  రసమయి బాలకిషన్ కు సూచించారు. ఏమీ కాదన్నా అని రసమయి బాలకిషన్ చెప్పారు.

గత మాసంలో కరీనగర్ జిల్లా హుజూరాబాద్ లో జరిగిన  సమావేశంలో ఈటల రాజేందర్ చేసిన వ్యాఖ్యలు సంచలనం కల్గించాయి. ఈ వ్యాఖ్యలు టీఆర్ఎస్ ను కుదుపేశాయి. ఈ తరుణంలో రసమయి చేసిన వ్యాఖ్యలు ప్రస్తుతం చర్చనీయాంశంగా మారాయి.

సంబంధిత వార్తలు