సీట్ల లొల్లి: ప్రజా కూటమి నుండి బయటకు వెళ్లబోం: చాడ

మహా కూటమి( ప్రజా కూటమి) నుండి తాము బయటకు వెళ్లబోమని సీపీఐ తెలంగాణ రాష్ట్ర సమితి కార్యదర్శి చాడ వెంకట్ రెడ్డి ప్రకటించారు. 

కరీంనగర్: మహా కూటమి( ప్రజా కూటమి) నుండి తాము బయటకు వెళ్లబోమని సీపీఐ తెలంగాణ రాష్ట్ర సమితి కార్యదర్శి చాడ వెంకట్ రెడ్డి ప్రకటించారు. 

మంగళవారం నాడు ఆయన  కరీంనగర్‌లో మీడియాతో మాట్లాడారు. మహాకూటమిలోని పార్టీల మధ్య సీట్ల సర్దుబాటు కోసం చర్చలు కొనసాగుతున్నాయని  ఆయన చెప్పారు. టీఆర్ఎస్ ను ఓడించేందుకు గాను  తాము కూటమిలోనే కొనసాగుతామని ఆయన  ప్రకటించారు.

ఉమ్మడి కరీంనగర్ జిల్లాలోని  హుస్నాబాద్ నుండే తాను పోటీ చేస్తానని ఆయన ప్రకటించారు.  హుస్నాబాద్‌ను వదిలేసి రామగుండం నుండి తాను పోటీ చేయబోనని చాడ స్పష్టం చేశారు. 

మహాకూటమిలో పార్టీల మధ్య సీట్ల సర్ధుబాటు చర్చలు ఇంకా కొనసాగుతూనే ఉన్నాయి. సీపీఐ, టీజేఎస్ కోరుతున్న సీట్ల విషయంలో కాంగ్రెస్ ఇంకా  తన వైఖరిని స్పష్టం చేయలేదు. దీంతో  సీట్ల సర్ధుబాటు విషయమై  టీజేఎస్, సీపీఐలు  అసంతృప్తిని వ్యక్తం చేస్తున్నాయి.

సంబంధిత వార్తలు