రేవంత్ అరెస్ట్‌పై చంద్రబాబు ఏమన్నారంటే...

కొడంగల్‌కు సీఎం కేసీఆర్ రాకను వ్యతిరేకిస్తూ నియోజకవర్గ బంద్ కు పిలుపునిచ్చిన తెలంగాణ కాంగ్రెస్ వర్కింగ్ ప్రెసిడెంట్ రేవంత్ రెడ్డి అర్థరాత్రి సమయంలో పోలీసులు అరెస్ట్ చేసిన విషయం తెలిసిందే. ఈ అరెస్ట్ పై ఏపి ముఖ్యమంత్రి కేసీఆర్ స్పందించారు. రేవంత్ అక్రమ అరెస్ట్ ను ఖండిస్తున్నట్లు చంద్రబాబు వెల్లడించారు. 

అర్థరాత్రి అనుమతి లేకుండా తలుపులు బద్దలుగొట్టుకుని మరీ ఇంట్లోకి ప్రవేశించి రేవంత్ ను అరెస్ట్ చేయడం ఎంత అమానుషమని చంద్రబాబు అన్నారు. అధికారాన్ని అడ్డం పెట్టుకుని ఇలాంటి చర్యలకు పాల్పడటం ప్రజాస్వామ్యానికి మంచిదికాదన్నారు. అధికారం ఎవరికీ శాశ్వతం కాదని... అలాంటిది దానికోసం ఇలా ప్రవర్తించాల్సింది కాదన్నారు. ప్రతిపక్ష నాయకులపై విద్వేశం చూపడం మంచిదికాదని చంద్రబాబు సూచించారు. 

ప్రస్తుతం తెలంగాణ వాదులు, ప్రజలు టీఆర్ఎస్ కు వ్యతిరేకంగా వున్నారు కాబట్టి ఆ పార్టీ నాయకులకు ఓటమి భయం పట్టుకుందని చంద్రబాబు పేర్కొన్నారు. అందువల్లే విచ్చలవిడిగా డబ్బులు పంచడానికి సిద్దమయ్యారని ఆరోపించారు. మహాకూటమికి తెలంగాణ ప్రజల అండదండలు ఉన్నాయిని... టీఆర్ఎస్ కు ఆ ఆదరణ లేదని చంద్రబాబు వివరించారు. ప్రజలు తమకే ఓటేసి గెలిపిస్తారని పూర్తి నమ్మకం ఉందని చంద్రబాబు వెల్లడించారు.

మరిన్ని వార్తలు