#మీటూ: స్టార్ హీరోయిన్లు మినహాయింపా..?

ప్రస్తుతం ప్రకంపనలు రేపుతోన్న 'మీటూ' ఉద్యమంలో ఒకప్పటి హీరోయిన్లు, ఎలాంటి క్రేజ్ లేని తారలు, కొందరు టెక్నీషియన్లు మాత్రమే 'మీటూ' ఆరోపణలు చేస్తున్నారు. వీరికి పలువురు హీరోలు, హీరోయిన్లు మద్దతు తెలుపుతున్నారు.

అయితే స్టార్ హీరోయిన్లుగా కొనసాగుతోన్న వారు ఇటువంటి ఆరోపణల జోలికి పోవడం లేదు. దీంతో ఈ ఉద్యమంపై పలు అనుమానాలు వ్యక్తమవుతున్నాయి. కెరీర్ ముగిసి పబ్లిసిటీ కోసం చూస్తోన్న వారు మాత్రం 'మీటూ' ఆరోపణలు చేస్తున్నారనేది కొందరి అభిప్రాయం. ఇండస్ట్రీలో కచ్చితంగా ఇటువంటి వేధింపులు ఉంటాయని చెబుతున్నప్పుడు ఎప్పుడో ఒకసారి హీరోయిన్లు ఎదుర్కొనే ఉంటారు. 

కానీ టాప్ రేంజ్ లో ఉన్నవారు మాత్రం ఈ విషయంపై మాట్లాడడం లేదు. తమకి అలాంటి అనుభవాలు ఎదురుకాలేదని అంటున్నారు. మరోవైపు ఎప్పుడో మర్చిపోయిన తారలు మాత్రం తన అనుభవాలను చెబుతున్నారు. ఎన్నో ఏళ్ల క్రితం జరిగిన బాగోతాల గురించి అప్పుడే ఎందుకు మాట్లాడలేదని ప్రశ్నించే విమర్శకులకి ఇవి మరింత బలాన్ని చేకూరుస్తున్నాయి.

కనీసం బాలీవుడ్ లో కంగనా, రాధికా లాంటి టాప్ హీరోయిన్లు తాము ఎదుర్కొన్న చేదు అనుభవాల గురించి చెప్పారు. కానీ సౌత్ లో ఒక్క టాప్ హీరోయిన్ కూడా ఈ విషయంపై నోరు మెదపకపోవడం విచిత్రంగా ఉంది. 

ఇవి కూడా చదవండి..