శిఖా చౌదరికి చెక్: సంస్థలపై పట్టు కోసం జయరామ్ భార్య

జయరామ్ పాస్‌పోర్ట్‌‌ను అమెరికా ఎంబసీలో ఇవ్వాలని ఆయన భార్య పద్మశ్రీ భావిస్తోంది. గత నెల 31వ తేదీన జయరామ్‌ హత్యకు గురయ్యాడు

హైదరాబాద్:జయరామ్ పాస్‌పోర్ట్‌‌ను అమెరికా ఎంబసీలో ఇవ్వాలని ఆయన భార్య పద్మశ్రీ భావిస్తోంది. గత నెల 31వ తేదీన జయరామ్‌ హత్యకు గురయ్యాడు.

వ్యాపారవేత్త చిగురుపాటి జయరామ్ అమెరికా పౌరసత్వం కలిగి ఉన్నారు.  ఇదిలా ఉంటే జయరామ్  కంపెనీల్లో శిఖా చౌదరి డైరెక్టర్‌  పదవుల్లో ఉంది.అయితే జయరామ్ వాటా ఉన్న కంపెనీలకు సంబంధించి డైరెక్టర్లతో జయరామ్ భార్య పద్మశ్రీ  సమావేశం కావాలని నిర్ణయం తీసుకొన్నారు.

జయరామ్  దశదినకర్మ పూర్తైన తర్వాత  ఆయా కంపెనీల బోర్డు ఆఫ్ డైరెక్టర్లతో సమావేశం కానుంది పద్మశ్రీ..ఆయా కంపెనీల్లో శిఖా చౌదరిని తొలగించేందుకు ఈ సమావేశాలను పద్మశ్రీ ఏర్పాటు చేయనుంది. తన భర్త వల్ల శిఖా చౌదరి కొన్ని కంపెనీల్లో డైరెక్టర్‌గా చేరింది. ప్రస్తుతం జయరామ్ చనిపోయినందున శిఖా చౌదరిని తప్పించాలని ఆమె నిర్ణయం తీసుకొన్నారని తెలుస్తోంది.

శిఖా చౌదరి ఆయా కంపెనీల్లో డైరెక్టర్ పదవుల్లో ఉంటే భవిష్యత్తులో తనకు ఇబ్బందులు తలెత్తే అవకాశం ఉందని భావించి పద్మశ్రీ ముందు జాగ్రత్తగా బోర్డు ఆఫ్ డైరెక్టర్ల సమావేశాలను ఏర్పాటు చేయనుంది. జయరామ్ బంధువులు ఆయా కంపెనీల్లో ఉండకుండా ఆమె జాగ్రత్తలు తీసుకొంటుందని చెబుతున్నారు. 

సంబంధిత వార్తలు