బీజేపీ రక్తంలోనే ఉంది..నాలుగు రాజధానులపై స్పందించిన టీజీ

సేవ చేయడం బీజేపీ రక్తంలోనే ఉందన్నారు. రాష్ట్ర ప్రణాళిక బోర్డు రద్దు చేసిన జగన్.. నాలుగు ప్రణాళిక బోర్డులు తయారు చేస్తున్నారని... అందుకే  నాలుగు రాజధానులు చేస్తారని అనుకుంటున్నానంటూ తన నాలుగు  రాజధానుల ప్రకటనపై వివరణ ఇచ్చాడు.

తెలుగు రాష్ట్రాల్లో త్వరలో తమ పార్టీ జెండా ఎగురుతుందని బీజేపీ నేత, రాజ్యసభ సభ్యుడు టీజీ వెంకటేష్ అభిప్రాయపడ్డారు. సోమవారం అమరావతిలో మీడియాతో మాట్లాడిన ఆయన... బీజేపీ త్వరలో రెండు తెలుగు రాష్ట్రాల్లో అధికారంలోకి వస్తుందని ధీమా వ్యక్తం చేశారు. అధికారంలో రౌడీలు, గుండాలు, ఫ్యాక్షనిస్టులు ఉండకూడదని... వాళ్లు అధికారంలో ఉంటే ప్రజలకు పనులు చేయలేరని టీజీ అన్నారు.

సేవ చేయడం బీజేపీ రక్తంలోనే ఉందన్నారు. రాష్ట్ర ప్రణాళిక బోర్డు రద్దు చేసిన జగన్.. నాలుగు ప్రణాళిక బోర్డులు తయారు చేస్తున్నారని... అందుకే  నాలుగు రాజధానులు చేస్తారని అనుకుంటున్నానంటూ తన నాలుగు  రాజధానుల ప్రకటనపై వివరణ ఇచ్చాడు. బీజేపీ రాష్ట్ర నాయకులతో సీఎం జగన్ ఎప్పుడూ మాట్లాడలేదనది.. కేంద్ర నాయకులతో చర్చించిన మాటలనే తాను చెప్పానని చెప్పారు.

ఇదిలా ఉండగా ఏపీ రాజధానిపై టీజీ వెంకటేష్ ఇటీవల సంచలన కామెంట్స్ చేసిన సంగతి తెలిసిందే. రాజధానిగా అమరావతి కొనసాగకపోవచ్చని.. బీజేపీ అధిష్టానంతో జగన్ చర్చించారని... ఈ విషయం బీజేపీ అధిష్టానం తనతో చెప్పిందని  వెల్లడించారు. ఆంధ్రప్రదేశ్ కి ఒకటి కాదు నాలుగు రాజధానులు ఉండబోతున్నాయంటూ బాంబు పేల్చారు. విజయనగరం, కాకినాడ, గుంటూరు, కడప రాజధానులు కాబోతున్నాయని జోస్యం చెప్పారు. కాగా.. ఈ కామెంట్స్ వివాదాస్పదం కావడంతో..  వెంటనే స్పందించి పై విధంగా వివరణ ఇచ్చారు. 

సంబంధిత వార్తలు