కోడెల అంత్యక్రియలు... ఆయన అభివృద్ధి చేసిన స్మశానంలోనే...

శ్మశాన వాటిక అంటేనే అదేదో అక్కడకు వెళ్ళగూడని ప్రదేశమని చాలా మంది భావిస్తారు. ఇలాంటి శ్మశాన వాటికలను ఉద్యానవనాల్లా మార్చిన ఘనత కోడెలకు దక్కింది. చివరి మజిలిలో జరిగే అంత్యక్రియలు కూడా మంచి వాతావరణంలో జరగాలని ఆయన భావించేవారు. అందుకే ఆయనే స్వయంగా స్మశానవాటికలను అభివృద్ధి చేశారు.

ఏపీ అసెంబ్లీ మాజీ స్పీకర్  కోడెల శివప్రసాదరావు ఇటీవల ఆత్మహత్య చేసుకున్న సంగతి తెలిసిందే. కాగా... ఆయన  అంత్యక్రియలను నరసరావుపేటలోని స్వర్గపురిలో నిర్వహించారు. కొడుకు శివరాం ఆయన  చితికి నిప్పు అంటించారు. కాగా... ఆయన స్పీకర్ గా ఉన్న సమయంలో దగ్గర ఉండి మరీ అభివృద్ధి చేసిన స్మశానవాటిక స్వర్గపురిలోనే ఆయన అంత్యక్రియలు నిర్వహించడం గమనార్హం.

శ్మశాన వాటిక అంటేనే అదేదో అక్కడకు వెళ్ళగూడని ప్రదేశమని చాలా మంది భావిస్తారు. ఇలాంటి శ్మశాన వాటికలను ఉద్యానవనాల్లా మార్చిన ఘనత కోడెలకు దక్కింది. చివరి మజిలిలో జరిగే అంత్యక్రియలు కూడా మంచి వాతావరణంలో జరగాలని ఆయన భావించేవారు. అందుకే ఆయనే స్వయంగా స్మశానవాటికలను అభివృద్ధి చేశారు.

2015, 2016 సంవత్సరకాలంలో కోడెల ఈ స్మశాన వాటికలను సర్వాంగ సుందరంగా అభివృద్ధి చేశారు. మునిసిపాలిటీ నిధులకు దాతలు విరాళాలను కలిపి పట్టణంలోని ఐదు శ్మశాన వాటికల అభివృద్ధికి కోడెల శ్రీకారం చుట్టారు. గుంటూరు రోడ్డులోని స్వర్గపురి- 1, పల్నాడు రోడ్డులోని స్వర్గపురి - 2, ముస్లింల శ్మశాన వాటిక కబ్రస్తాన్‌, క్రైస్తవుల శ్మశానవాటిక పరదేశిలను పూర్తిస్థాయిలో అభివృద్ధి చేశారు. వాటి అభివృద్ధి కోసం దాదాపు రూ.6 కోట్ల వరకు నిధులు వెచ్చించారు. 

దీంతో ఆ స్మశానవాటికలు సర్వాంగ సుందరంగా ముస్తాబయ్యాయి. కాగా,కోడెల స్ఫూర్తితో సత్తెనపల్లి, నరసరావుపేట నియోజకవర్గాల్లోని అన్ని శ్మశానవాటికలను అభివృద్ధి చేశారు. రెండు నియోజకవర్గాల్లో సుమారు మూడువందల శ్మశాన వాటికలను అభివృద్ధి చేయించ గలిగారు. ఆయన ప్రత్యేక దృష్టి సారించి ఏర్పాటు చేసిన స్శశానవాటికలోనే కుటుంబసభ్యులు ఆయనకు అంత్యక్రియలు నిర్వహించడం గమనార్హం. 

related news