ముగిసిన కోడెల శివప్రసాద్ అంత్యక్రియలు

టీడీపీ సీనియర్ నేత, ఆంధ్రప్రదేశ్ మాజీ స్పీకర్ కోడెల శివప్రసాదరావు అంత్యక్రియలు అశేష అభిమానుల అశృనయనాల మధ్య ముగిశాయి. నరసరావుపేటలోని స్వర్గపురిలో హిందూ సాంప్రదాయాల ప్రకారం కోడెల అంత్యక్రియలు నిర్వహించారు.. ఆయన తనయుడు శివరామ్ తండ్రి చితికి నిప్పంటించారు.

అంతకుముందు రాజాగారితోటలో ఉన్న కోడెల నివాసం నుంచి అంతిమయాత్ర ప్రారంభమైంది. శివప్రసాదరావు పార్థివదేహం వెంట టీడీపీ అధినేత చంద్రబాబు, నారా లోకేశ్, హిందూపురం ఎమ్మెల్యే బాలకృష్ణ ఉన్నారు.

తమ అభిమాన నేతను కడసారి చూసేందుకు ప్రజలు, టీడీపీ కార్యకర్తలు పెద్ద సంఖ్యలో చేరుకున్నారు. దీంతో పేటలోని ప్రధాన వీధులన్నీ జనసంద్రమయ్యాయి... పట్టణ ప్రజలు దారిపొడవునా కోడెలకు కన్నీటి వీడ్కోలు పలికారు. 

సంబంధిత వార్తలు