నేషనలిస్ట్ కాంగ్రెస్ పార్టీ చీఫ్ శరద్ పవార్ కు క‌రోనా సోకింది. ఈ మేర‌కు సోమ‌వారం ఆయ‌న ట్విట్ట‌ర్ వేధిక‌గా ఈ విష‌యాన్ని పంచుకున్నారు. త‌నకు కోవిడ్ -19 పాజిటివ్ గా తేలింద‌ని పేర్కొన్నారు. ఎవ‌రూ ఆందోళ‌న చెందాల్సిన అవ‌స‌రం లేద‌ని చెప్పారు. 

తెలంగాణ ప్లానింగ్ కమిషన్ వైస్ చైర్మ‌న్ బోయిన‌పల్లి వినోద్ కుమార్ కు క‌రోనా సోకింది. జ్వరం, జలుబు ఉండటంతో ఆయ‌న‌కు డాక్ట‌ర్ క‌రోనా టెస్ట్ చేశారు. ఇందులో కోవిడ్ -19 సోకిన‌ట్టు నిర్ధార‌ణ అయ్యింది. దీంతో ఆయ‌న హోం ఐసోలేష‌న్ లోకి వెళ్లిపోయారు. 

మాజీ ప్ర‌ధానమంత్రి, జ‌న‌తాదళ్ (సెక్యుల‌ర్) అధ్యక్షుడు హెచ్ డీ దేవెగౌడ‌ (HD Deve gouda) కు కూడా క‌రోనా పాజిటివ్ (corona possitive)  గా నిర్ధార‌ణ అయ్యింది. అయితే ఆయ‌న‌కు ఎలాంటి క‌రోనా ల‌క్ష‌ణాలు లేవు. ప్ర‌స్తుతం దేవెగౌడ ఆరోగ్యం నిల‌క‌డగానే ఉంది.

కోవిడ్ -19 పాజిటివ్ గా తేలిన వ్యక్తులు కోలుకున్న మూడు నెల‌ల త‌రువాత మాత్ర‌మే వ్యాక్సిన్ ఇవ్వాలని కేంద్ర ప్రభుత్వం కొత్త నిబంధన పెట్టింది. ఈ నిబంధ‌న‌లు  ప్రికాష‌న‌రీ (precutionary)డోసుతో స‌హా అన్ని మొద‌టి, రెండో డోసు కు కూడా వ‌ర్తిస్తుంద‌ని చెప్పింది. ఈ మేర‌కు కేంద్ర ఆరోగ్య మంత్రిత్వ శాఖ అన్ని రాష్ట్ర, కేంద్ర పాలిత ప్రాంతాల‌కు లేఖ రాసింది.

ఒమిక్రాన్ వేరియంట్ సోకిన వారికి మ‌ళ్లీ వైర‌స్ సోకే అవ‌కాశం ఉంటుంద‌ని  మ‌హారాష్ట్ర కోవిడ్ -19 టాస్క్ ఫోర్స్ మెంబ‌ర్ డాక్ట‌ర్ శ‌శాంక్ జోషి తెలిపారు. కొత్త వేరియంట్ వేగంగా వ్యాప్తి చెందుతున్న నేప‌థ్యంలో ఆయ‌న ఓ మీడియా సంస్థ‌తో మాట్లాడారు. కోలుకున్న వారు తప్పని సరిగా మాస్కులు ధరించాలని సూచించారు. 

ఐదేళ్లు, అంతకంటే తక్కువ వయస్సు ఉన్న పిల్లలకు మాస్క్‌లు  సిఫారసు చేయరాదని ప్రభుత్వం తెలిపింది. మాస్క్‌ను సురక్షితంగా ఉపయోగించ‌గలిగే 6-11 ఏళ్ల మ‌ధ్య వ‌య‌స్సున్న పిల్ల‌లు ధ‌రించ‌వ‌చ్చ‌ని పేర్కొంది. ఈ మేరకు కేంద్ర  ప్రభుత్వం సవరించిన మార్గదర్శకాలను శుక్రవారం విడుదల చేసింది. 

దేశంలో కరోనా విజృంభిస్తోంది. రోజు రోజుకు కేసులు పెరిగిపోతున్నాయి.  గ‌త 24 గంట‌ల్లో భారతదేశంలో 3,47,254 కొత్త కోవిడ్ -19 కేసులు నమోదయ్యాయి. కేసులు భారీగా పెరుగుతున్నా సెకెండ్ వేవ్ తో పోలిస్తే థ‌ర్డ్  వేవ్ లో మ‌ర‌ణాల సంఖ్య చాలా త‌క్కువ‌గా ఉంద‌ని కేంద్ర ఆరోగ్య మంత్రిత్వ శాఖ తెలిపింది. 

ముంబాయిలో కరోనా కేసులు నియంత్రణలో ఉన్నాయని, ప్రజలెవరూ ఆందోళన చెందాల్సిన  అవసరం లేదని బృహ‌ణ్ ముంబాయి మున్సిప‌ల్ కార్పొరేష‌న్ తెలిపింది. ఈ మేరకు హైకోర్టుకు బుధవారం నివేదిక సమర్పించింది. 

ప్రస్తుతం దేశ రాజధానిలో కేసులు తగ్గుతున్నాయని, అయినా ఇప్పుడే ఆంక్షలు సడలించబోమని ఆ రాష్ట్ర ఆరోగ్యశాఖ మంత్రి సత్యేందర్ జైన్ స్పష్టం చేశారు. ప్రస్తుతం హాస్పిటల్ లో ఆక్యుపెన్సీ లేదని, చాలా బెడ్స్ ఖాళీగానే ఉన్నాయని మంత్రి తెలిపారు. 

బహిరంగ ప్రదేశాల్లో మాస్కులు ధరించని వారి నుంచి ముంబాయి పరిధిలో బృహ‌ణ్ ముంబాయి కార్పొరేషన్ ఇప్పటి వరకు రూ.86 కోట్లు వసూలు చేసింది. ఈ మేరకు బుధవారం ఒక ప్రకటన విడుదల చేసింది.