గులాబ్ తుఫాను ప్రభావంతో భారీ వర్షాలు కురుస్తుండటంతో విశాఖపట్నంలో కొండచరియలు విరిగిపడుతున్నాయి. దీంతో వెంటనే ఎన్డిఆర్ఎఫ్ సిబ్బంది అప్రమత్తమయ్యారు. 

గులాబ్ తుఫాను తెలంగాణలో భీభత్సం సృష్టిస్తోంది. రాజన్న సిరిసిల్ల జిల్లా కలెక్టరేట్ ను చుట్టుముట్టిన వరదనీటిలో ఏకంగా జిల్లా కలెక్టర్ అనురాగ్ జయంత్ చిక్కుకున్నారంటేనే పరిస్థితి ఎలా వుందో అర్థమవుతుంది.   

గులాబ్ తుఫాను కారణంగా భారీ వర్షాలు కురుస్తున్న నేపథ్యంలో ఉమ్మడి నల్గొండ జిల్లాలో సహాయక చర్యల మరింత ముమ్మరం చేయాలని కలెక్టర్లకు మంత్రి జగదీష్ రెడ్డి ఆదేశించారు.

తెలంగాణలో మరో రెండురోజుల పాటు వర్షాలు కురిసే అవకాశముందన్న వాతావరణ శాఖ హెచ్చరికల నేపథ్యంలో కరీంనగర్ జిల్లా యంత్రాంగం మరింత అప్రమత్తంగా వుండాలని మంత్రి గంగుల కమలాకర్ ఆదేశించారు.

కరీంనగర్ జిల్లాలో కురుస్తున్న భారీ వర్షాలతో లోయర్ మానేరు డ్యామ్(LMD)లోకి భారీగా వరద నీరు చేరుతోంది. దీంతో డ్యామ్ పూర్తిగా నిండిపోవడంతో 18 గేట్లను ఎత్తి దిగువకు నీటి విడుదల చేస్తున్నారు. ఎల్ఎండీ పూర్తి సామర్ధ్యం 24టీఎంసీలు కాగా ప్రస్తుతం 23.558 టీఎంసీలుగా వుంది. డ్యాంలోకి ఇన్ ఫ్లో 89వేల క్యూసెక్కులుగా వుండగా ఔట్ ఫ్లో 99వేల క్యూసెక్కులుగా వుంది. 
 

సిరిసిల్ల: బంగాళాఖాతంలో ఏర్పడిన గులాబ్ తుఫాను తెలుగురాష్ట్రాలను వణికిస్తోంది. తెలంగాణ వ్యాప్తంగా గత రెండురోజులుగా భారీ వర్షాలు కురుస్తున్నాయి. రాజన్న సిరిసిల్ల జిల్లాలో అయితే ఎడతెరిపి లేకుండా కురుస్తున్న వర్షాలు జనజీవనాన్ని స్తంభింపజేశాయి. సిరిసిల్ల పట్టణంలో వరదనీరు రోడ్లపైకి చేరి ఉధృతంగా ప్రవహిస్తోంది. పట్టణంలోని కొత్త చెరువు నిండిపోవడంతో నీరు రోడ్లపైకి చేరింది. ఈ వరద నీటిలో ఇద్దరు వ్యక్తులతో పాటు ఓ ఆటో చిక్కుకుంది. ఇక సిరిసిల్ల పాత బస్టాండ్ ఆవరణ మొత్తం జలమయమై చెరువును తలపిస్తోంది.

విశాఖపట్నం: బంగాళాఖాతంలో ఏర్పడిన గులాబ్ తుఫాను తీరందాటిన ఉత్తరాంధ్రలో భారీ వర్షాలు కురుస్తున్నాయి.  

 గులాబ్ తుఫాన్ ప్రభావంతో తెలంగాణ రాష్ట్రంలోని పలు జిల్లాల్లో భారీ వర్షపాతం నమోదైంది. దీంతో ప్రజలు తీవ్ర ఇబ్బందులు పడ్డారు. పలు చోట్ల రోడ్లపైనే వాహనాలు నిలిచిపోయాయి. మరో రెండు రోజులు భారీ వర్షాలు కురిసే అవకాశం ఉందని వాతావరణశాఖ హెచ్చరించింది.  
 

గులాబ్ తుఫాను ప్రభావంతో తెలంగాణలో ఇవాళ(మంగళవారం) కూడా భారీ నుండి అతి భారీ వర్షాలు కురిసే అవకాశం వుందని వాతావరణ శాఖ హెచ్చరించింది. 

గులాబ్ సైక్లోన్ ప్రభావిత ప్రాంతాల ప్రజలకు తోచిన సాయం చేయాలని టిడిపి నాయకులు, కార్యకర్తలకు ఈ పార్టీ జాతీయ అధ్యక్షులు చంద్రబాబు నాయుడు సూచించారు.