పోర్న్ చిత్రాలకు అతను బానిసగా మారాడు. అక్కడితో ఆగకుండా వాటిని భార్యకి కూడా బలంవంతంగా చూపించడం మొదలుపెట్టాడు. అనంతరం అచ్చం ఆ చిత్రాలలో లాగా చేయాలంటూ భార్యను వేధించాడు. అందుకు ఆమె నిరాకరిస్తే...చిత్ర హింసలకు గురిచేశాడు. కాగా...వాటిని భరించలేకపోయిన యువతి... పోలీసులను ఆశ్రయించింది. ఈ సంఘటన హైదరాబాద్ నగరంలో చోటుచేసుకుంది.

పూర్తి వివరాల్లోకి వెళితే... శ్రీనగర్ కాలనీకి చెందిన రఘు అనే యువకుడికి కొన్నేళ్ల క్రితం వివాహమైంది. కొంతకాలంపాటు భార్యతో ప్రేమగా మసిలిన రఘు.. తర్వాతి నుంచి తనలోని రాక్షసుడిని నిద్రలేపాడు. తాను పోర్న్ కి బానిసయ్యిందే కాక... భార్యను కూడా ఆ వీడియోలు చూడాలంటూ బలవంతం చేసేవాడు. వాటిలో మాదిరిగా అసహజ రీతిలో శృంగారం చేయాలని బలవంతం చేశాడు. వాటికి భార్య నిరాకరిస్తే... శారీరకంగా, మానసికంగా హింసించడం మొదలుపెట్టాడు.

అక్కడితో అతని ఆగడాలు ఆగలేదు. తన ఫ్రెండ్స్ తో శృంగారం చేయాలంటూ భార్యను బలవంతపెట్టేవాడు. అతని వేధింపులు తట్టుకోలేకపోయిన ఆ మహిళ పోలీసులను ఆశ్రయించింది. కనీసం తనను తన పుట్టింటికి కూడా వెళ్లనివ్వకుండా వేధిస్తున్నాడని బాధితురాలు పేర్కొంది. ఆమె ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేపట్టారు.