ఒకప్పటి లవర్ బాయ్ హీరో అబ్బాస్ కొడుకును చూశారా? కత్తిలా ఉన్నాడు, హీరో మెటీరియల్!
అబ్బాస్ అప్పట్లో యూత్ఫుల్ హీరో. అమ్మాయిల డ్రీమ్ బాయ్. ఈయన చిత్ర పరిశ్రమకు దూరమై చాలా కాలం అవుతుంది. కాగా అబ్బాస్ కొడుకు ఫోటో సోషల్ మీడియాలో వైరల్ గా మారింది. కుర్రాడు కత్తిలా ఉన్నాడు.
Abbas
1996లో విడుదలైన కాదల్ దేశం ఒక సెన్సేషన్. ఈ చిత్రంతో హీరోగా పరిచయం అయ్యాడు అబ్బాస్. వినీత్ మరొక హీరో. టబు హీరోయిన్ గా నటించింది. ఈ ట్రైయాంగిల్ లవ్ స్టోరీ యువతను ఊపేసింది. ఏ ఆర్ రెహమాన్ సాంగ్స్ అద్భుతం చేశాయి. సెన్సిబుల్ లవ్, ఫ్రెండ్షిప్ ప్రధానంగా కాదల్ దేశం తెరకెక్కింది.
తెలుగులో కూడా భారీ విజయం అందుకున్న ఈ చిత్రంతో అబ్బాస్ సౌత్ ఇండియలో పాపులర్ అయ్యాడు. ఓవర్ నైట్ స్టార్డం తెచ్చుకున్నాడు. ప్రేమదేశం సక్సెస్ అబ్బాస్ కి ఇబ్బడిముబ్బడిగా ఆఫర్స్ తెచ్చిపెట్టింది. వరుస చిత్రాలకు అబ్బాస్ సైన్ చేశాడు. అయితే అవేమీ ఆశించిన స్థాయిలో ఆడలేదు.
తక్కువ సమయంలోనే అబ్బాస్ సపోర్టింగ్ రోల్స్ కి పడిపోయాడు. నరసింహ, రాజా, బ్రహ్మచారి వంటి హిట్ చిత్రాల్లో అబ్బాస్ సపోర్టింగ్ రోల్స్ చేశాడు. ఆయన కెరీర్ గ్రాఫ్ పడిపోతూ వచ్చింది. 2015 తర్వాత పూర్తిగా సిల్వర్ స్క్రీన్ కి దూరం అయ్యాడు.
ఉద్యోగం కోసం న్యూజిలాండ్ వెళ్లిన అబ్బాస్ పెట్రోల్ బంక్ లో కూడా పని చేశాడట. అనేక ఆర్థిక కష్టాలు చూశాడట. ఇటీవల ఇండియా వచ్చిన అబ్బాస్ వరుస ఇంటర్వ్యూలలో పాల్గొన్నాడు. ఎలాంటి బ్యాగ్రౌండ్ లేకపోవడం కూడా అబ్బాస్ కి మైనస్ అయ్యింది. స్టార్ అవుతాడు అనుకుంటే సిల్వర్ స్క్రీన్ కి దూరమైపోయాడు.
Abbas
అబ్బాస్ 1997లో ఫ్యాషన్ డిజైనర్ ఎరుమ్ అలీని వివాహం చేసుకున్నాడు. వీరికి ఒక అమ్మాయి, అబ్బాయి సంతానం. అమ్మాయి పేరు ఎమీరా కాగా అబ్బాయి పేరు ఐమాన్ అలీ. తాజాగా అబ్బాస్ ఫ్యామిలీ ఫోటో ఒకటి సోషల్ మీడియాలో వైరల్ అవుతుంది. సదరు ఫొటోలో అబ్బాస్ కొడుకుని చూసిన నెటిజెన్స్ కుర్రాడు కత్తిలా ఉన్నాడని కామెంట్ చేస్తున్నారు.
అందం, ఎత్తు, పర్సనాలిటీలో నాన్న అబ్బాస్ కి ఏమాత్రం తగ్గని రీతిలో ఉన్నాడు. మరి అబ్బాస్ తన కొడుకును హీరోగా పరిశ్రమకు పరిచయం చేస్తాడో లేదో చూడాలి. చిత్ర పరిశ్రమలో తనకు ఎదురైన అనుభవాల రీత్యా అబ్బాస్ తన కొడుకును చిత్ర పరిశ్రమకు తీసుకురాకపోవచ్చు...