ఈ ఆయుర్వేద చిట్కాలతో ఆయిలీ స్కిన్ మాయం..!

ఆయిలీ స్కిన్ వల్ల ముఖంపై మొటిమలు అవుతాయి. అలాగే చర్మ రంధ్రాలు మూసుకుపోతాయి. దీనివల్ల ఎన్నో సమస్యలు వస్తాయి. అయితే ఎండాకాలంలో కొన్ని ఆయుర్వేద చిట్కాలను ఫాలో అయితే మీ ముఖంపై జిడ్డు తగ్గుతుంది.

oily skin

మన చర్మంలోంచి సెబమ్ అనే మైనపు పదార్థం రిలీజ్ అవుతుంది. ఇవి వివిధ లిపిడ్ల సంక్లిష్ట మిశ్రమంతో తయారవుతుంది. ఇది చర్మం పొడిబారకుండా, చికాకు కలగకుండా చూస్తుంది. అలాగే రంధ్రాల నుంచి డెడ్ స్కిన్ సెల్స్ ను, మురికిని తొలగిస్తుంది కూడా. అయినప్పటికీ.. సెబమ్ ఎక్కువగా రిలీజ్ అయితే చర్మ రంధ్రాలు మూసుకుపోతాయి. అలాగే చర్మం జిడ్డుగా మారుతుంది. 

యుక్తవయస్సు, జన్యుపరంగా, కాలుష్యం, జీవనశైలి, ఆహారపు అలవాట్లు, పెద్ద పెద్ద చర్మ రంధ్రాలు, పేలవమైన చర్మ సంరక్షణ ఉత్పత్తులు జిడ్డు చర్మానికి దారితీస్తాయి. అయితే కొన్ని చిట్కాలతో జిడ్డు చర్మాన్ని వదిలించుకోవచ్చు. అవేంటంటే.. 

aloe vera gel

కలబంద

కలబందలో ఆస్ట్రిజెంట్, హైడ్రేటింగ్ లక్షణాలు ఉంటాయి. ఇవి రంధ్రాలను కుదిస్తాయి. దీంతో చర్మం నుంచి నూనె ఉత్పత్తి తగ్గుతుంది. ఫేస్ వాష్ ను ఉపయోగించి మీ ముఖాన్ని బాగా కడగండి. అలాగే రాత్రి పడుకునే ముందు తాజా కలబంద జెల్ ను పెట్టండి. రాత్రంతా అలాగే వదిలేసి ఉదయాన్నే చల్లటి నీటితో కడిగేయండి.

green tea

గ్రీన్ టీ

గ్రీన్ టీలో పాలీఫెనాల్స్ వంటి యాంటీ ఆక్సిడెంట్లు పుష్కలంగా ఉంటాయి. ఇవి మొటిమలను తగ్గించడానికి, సెబమ్ ఉత్పత్తిని తగ్గించడానికి ఉపయోగపడతాయి. క్రమం తప్పకుండా ఒక కప్పు గ్రీన్ టీలో నిమ్మరసం కలుపుకుని తాగితే మంచి ఫలితం ఉంటుంది. అలాగే ఉపయోగించిన గ్రీన్ టీ బ్యాగులను తిరిగి ఉపయోగించినా మంచి ఫలితం ఉంటుంది. ఇందుకోసం వీటిని రిఫ్రిజిరేటర్ లో పెట్టండి. ముఖాన్ని శుభ్రంగా కడిగి చల్లని టీ బ్యాగులను ముఖంపై పెట్టండి. 

honey

ముడి తేనె

తేనె సహజంగా చర్మాన్ని తేమగా ఉంచుతుంది. అలాగే చర్మంపై నూనె ఉత్పత్తిని తగ్గిస్తుంది. అంతేకాదు దీనిలోని యాంటీ బాక్టీరియల్ లక్షణాలు మొటిమలయ్యే అవకాశాన్ని తగ్గిస్తాయి. ఇందుకోసం ముందుగా మీ చేతులను శుభ్రంగా కడగండి. తర్వాత మీ ముఖాన్ని కూడా కడగండి. తర్వాత ముడి తేనెను మీ ముఖానికి అప్లై చేసి 5-7 నిమిషాలు సున్నితంగా మసాజ్ చేయండి. 30 నిమిషాల తర్వాత గోరువెచ్చని నీటితో శుభ్రం చేసుకోండి. తర్వాత తేలికపాటి మాయిశ్చరైజర్ ను అప్లై చేయండి.