ముడతలు లేని చర్మం కావాలంటే వీటిని తినాల్సిందే..!
అందం పట్ల కొన్ని చిన్న చిన్న జాగ్రత్తలు తీసుకుంటే బ్యూటీ పార్లర్లకు వెళ్లి డబ్బులు పోసి.. అందానికి మెరుగులు దిద్దాల్సిన అవసరం ఉండదు. ముఖ్యంగా ఏవేవో కెమికల్స్ మిక్స్ చేసిన మేకప్ ప్రొడక్ట్స్ ను వాడటం వల్ల ముఖంపై మచ్చలు, మొటిమలు రావడమే కాదు.. ముడతలు కూడా పడతాయి.
ముఖానికి రంగులు పూయడం వల్ల అప్పటి మందం మీరు అందంగా కనిపించినా.. వాటి వల్ల ఎన్నో సమస్యలను ఫేస్ చేయాల్సి ఉంటుంది. మేకప్ లను మరీ ఎక్కువగా ఉపయోగించడం వల్ల చర్మం దెబ్బతింటుంది. మొటిమలు, నల్లని మచ్చలు, ముడతలు వంటి సమస్యలు వస్తాయి. అయితే కొంతమంది ముఖంపై ఉండే ముడతలను కవర్ చేయడానికి ఓవర్ గా మేకప్ వేస్తుంటారు. మేకప్ ఆ కొద్దిసేపటి దాకానే ముడతలను కనిపించకుండా చేస్తుంది. కానీ కొన్ని రకాల ఆహారాలను తింటే మీరు నిత్య యవ్వనంగా కనిపిస్తారు. మేకప్ వేయకున్నా మీ ముఖంపై ముడతలు మటుమాయం అవుతాయి. అందుకోసం మీ డైట్ లో కొన్ని ఆహారాలను తప్పక చేర్చుకోవాలి. అవేంటంటే..
leafy vegetables
ఆకు కూరలు
విటమిన్ సి ఎక్కువగా ఉండే ఆకు కూరలను తినడం వల్ల ముఖంపై ఉండే ముడతలు, మచ్చలు తగ్గిపోతాయి. బచ్చలి కూర, టొమాటో, ఆరెంజ్ వంటి వాటిలో విటమిన్ సి పుష్కలంగా ఉంటుంది. ఈ ఆకు కూరలను తినడం వల్ల సూర్మరశ్మికి దెబ్బతిన్న చర్మం తిరిగి బాగవుతుంది.
కొల్లాజెన్
కొల్లాజెన్ ఎక్కువగా ఉండే ఆహారాలను ఎక్కువగా తీసుకుంటే చర్మం ఆరోగ్యంగా ఎలాంటి సమస్యలు లేకుండా ఉంటుంది. ఇది తగ్గితేనే ముఖంపై మొటిమలు, ముడతలు వంటి సమస్యలు వస్తాయి. చర్మం బిగువుగా, ముడతలు లేకుండా ఉండాలంటే కొల్లాజెన్ ఉండే ఆహారాలను ఎక్కువగా తింటూ ఉండాలి. ఇది మాంసకృతుల్లో బాగా ఉంటుంది.
అవకాడో, వాల్ నట్స్
చర్మ సంరక్షణకు విటమిన్ ఎ, విటమిన్ ఇ, విటమిన్ డి, విటమిన్ కె లు బాగా అవసరమవుతాయి. ఇవి చర్మకణాలను ఆరోగ్యంగా ఉంచడానికి సహాయపడతాయి. ఆరోగ్యకరమైన కొవ్వులను తీసుకుంటే కూడా ఎలాంటి చర్మ సమస్యలు రావు. ఇందుకోసం ఆలివ్ ఆయిల్, అవకాడో, సాల్మాన్, నెయ్యి, వాల్ నట్స్, అవిసె గింజలను రోజు వారి ఆహారంలో చేర్చుకోవాలి.
బెర్రీలు
బెర్రీల్లో చర్మానికి మేలు చేసే యాంటీ ఆక్సిడెంట్లు పుష్కలంగా ఉంటాయి. ఇవి ఫ్రీరాడిక్స్ నుంచి కొల్లాజెన్ ను రక్షిస్తాయి. అంతేకాదు బెర్రీలను తినడం వల్ల వయసు పెరిగినా ముడతలు ఎక్కువగా రావు.
చిక్కుళ్లు
చిక్కుళ్లలో ఉండే ఫోలేట్ చర్మాన్ని హైడ్రేట్ గా, బలంగా ఉంచడానికి సహాయపడతుంది. డ్రై స్కిన్ ఉన్నవారు వీటిని రోజూ తింటే చర్మం తేమగా మారుతుంది. కొల్లాజెన్ కూడా బాగా ఉత్పత్తి అవుతుంది.
పుట్ట గొడుగులు
పుట్టగొడుగులు ఆరోగ్య పరంగానే కాదు అందానికి కూడా ఎంతో ఉపయోగపడుతుంది. దీనిలో ప్రోటీన్స్ పుష్కలంగా ఉంటాయి. దీన్ని తరచుగా తినడం వల్ల ముడతలను తగ్గించే కొల్లాజెన్ బాగా ఉత్పత్తి అఅవుతుంది.
కలబంద
కలబంద కూడా చర్మానికి ఎంతో మేలు చేస్తుంది. కలబంద గుజ్జును ముఖానికి అప్లై చేయడం వల్ల కొల్లాజెన్ ఎక్కువ మొత్తంలో ఉత్పత్తి అవుతుంది. అంతేకాదు కలబంద చర్మాన్ని తేమగా ఉంచుతుంది. ముడతలను నివారిస్తుంది. ముఖంపై ఉండే మొటిమలు, మొటిమల మచ్చలను పోగొట్టడంలో ఎఫెక్టీావ్ గా పనిచేస్తుంది.
వీటన్నింతో పాటుగా రోజుకు 8 నుంచి 10 గ్లాసుల నీటిని ఖచ్చితంగా తాగాలి. అప్పడే చర్మం హైడ్రేట్ గా ఉంటుంది. నీరు చర్మాన్ని ఆరోగ్యంగా ఉంచడంతో పాటుగా కాంతివంతంగా కూడా చేస్తుంది.