Egg Shells: గుడ్డు పెంకులు పడేస్తున్నారా? ఈ విషయం తెలిస్తే ఇకపై ఆ పని చేయలేరు..
Egg Shells: ఉడకబెట్టిన గుడ్డు ఆరోగ్యానికి ఎంతో మేలు చేస్తుంది. అయితే.. చాలామంది ఆ గుడ్డును తిని, గుడ్డు పెంకులను పడేస్తుంటారు. ఇలా వ్యర్థంగా పారవేసే గుడ్డు పెంకులతో కూడా ఎన్నో లాభాలు ఉన్నాయట. ఆ ప్రయోజనాలేంటో ఓ లూక్కేయండి.
గుడ్డు పెంకులు - ఉపయోగాలు
రోజూ గుడ్డు తినడం ఆరోగ్యానికి మంచిదన్న విషయం తెలిసిందే. కానీ, వృథాగా పడేసే గుడ్డు పెంకులతో ఎన్నో ఆశ్చర్యపరిచే ప్రయోజనాలున్నాయంట. ఈ పెంకుల్లో కాల్షియం, ఖనిజాలు అధికంగా ఉంటాయి. ప్రోటీన్ పౌడర్ల తయారీలో ఈ పెంకులను వాడుతారట. అలాగే.. ఈ పెంకులను ఎరువుగా కూడా వాడుతారట. అంతే కాకుండా ఫేస్ స్క్రబ్ లేదా క్లీనింగ్ పౌడర్గా ఉపయోగిస్తారంట.
వెలకట్టని ఔషధం!
గుడ్డు పెంకుల ఉపయోగాలు:
- గుడ్డు తిన్న తర్వాత పెంకులను ఎప్పుడూ పడేసేస్తాం. కానీ ఈ గుడ్డు పెంకులు శుభ్రత పనుల నుంచి ఆరోగ్య రక్షణ వరకు ఎన్నో విధాలుగా ఉపయోగపడతాయన్న సంగతి తెలుసా?
- గుడ్డు పెంకులను పొడి చేసి కుక్కర్, పాత్రల మరకలు తొలగించేందుకు ఉపయోగించవచ్చు.
- కాఫీ ఫిల్టర్ను శుభ్రం చేయడానికి లేదా సింక్లోని అడ్డంకులను తొలగించేందుకు పెంకుల పొడిలో వెనిగర్ కలిపి వాడొచ్చు.
- కాల్షియం అధికంగా ఉండే గుడ్డు పెంకుల పొడిని సూప్, సాస్లలో కలిపి తీసుకోవడం వల్ల ఎముకలు, పళ్ళు బలంగా మారతాయి.
- చెత్తగా కనిపించినా, గుడ్డు పెంకులు అనేకంగా ఉపయోగపడతాయి.
మృదువైన చర్మం కోసం
మృదువైన చర్మం కోసం: గుడ్డు పెంకుల పొడిని ఫేస్ మాస్క్గా వాడితే చర్మం మృదువుగా, కాంతివంతంగా మారుతుంది. తేనె, పెరుగు కలిపి వేసుకుంటే పిగ్మెంటేషన్ తగ్గుతుంది, దురద వంటి సమస్యలకు ఉపశమనం కలుగుతుంది.
మొక్కలకు ఎరువుగా : ఈ పెంకుల పొడిని మొక్కలకు ఎరువుగా వాడవచ్చు. అందులోని కాల్షియం మొక్కల వృద్ధిని వేగవంతం చేస్తుంది. మొక్కల వేర్ల దగ్గర చల్లితే మంచి ఫలితం ఉంటుంది.
సహజ పురుగుమందుగా..
సహజ పురుగుమందుగా : గుడ్డు పెంకులను సహజ పురుగుమందుగా కూడా ఉపయోగించవచ్చు. బాగా పొడిగా చేసి మొక్కల ఆకులపై చల్లితే పురుగులు దరిచేరవు. మొక్కల చుట్టూ పెంకుల పొడి చల్లి ఉంచితే పురుగుల నివారణతో పాటు మొక్కలు ఆరోగ్యంగా పెరుగుతాయి.
ముఖ్య గమనిక: గుడ్డు పెంకులను వాడే ముందు నీటితో శుభ్రంగా కడిగి, ఎండలో బాగా ఆరబెట్టి, ఆపై పొడి చేయాలి. ముఖ్యంగా తినే విధంగా వాడాలనుకుంటే వైద్యుల సలహా తప్పనిసరి.
