Health Tips: ఉదయం పరగడుపున ఈ ఐదింటిలో ఏ ఒక్కటి తాగినా బీపీ, షుగర్ తగ్గుతాయి
Health Tips: బ్లడ్ ప్రెషర్, షుగర్ లెవెల్స్ని తగ్గించుకోవడానికి చాలామంది ఇబ్బంది పడుతుంటారు. కానీ ఉదయం లేవగానే పరగడుపున కొన్నింటిని తీసుకుంటే బీపీ, షుగర్ లెవెల్స్ కంట్రోల్ లో ఉంటాయి. అవేంటో ఇప్పుడు చూద్దాం.
దాల్చిన చెక్క నీరు:
ప్రతిరోజూ పరగడుపున దాల్చిన చెక్క నీరు తాగడం వల్ల దానిలోని యాంటీఆక్సిడెంట్లు శరీరంలోని చెడు కొలెస్ట్రాల్ని తగ్గించి రక్త ప్రసరణను మెరుగుపరుస్తాయి. రక్తంలోని షుగర్ లెవల్స్ కంట్రోల్ లో ఉంచుతాయి. ఇన్సులిన్ సెన్సిటివిటీని పెంచడంలో సహాయపడతాయి.
దానిమ్మ రసం:
ప్రతిరోజూ ఉదయం ఒక గ్లాసు దానిమ్మ రసం పరగడుపున తాగితే దానిలోని పొటాషియం, యాంటీఆక్సిడెంట్లు రక్తనాళాలను వ్యాకోచింపజేసి రక్త ప్రసరణను మెరుగుపరుస్తాయి. అంతేకాకుండా విటమిన్ సి అధికంగా ఉండటం వల్ల రోగనిరోధక శక్తిని పెంచుతుంది. దానిలోని ఫైబర్ మలబద్ధకాన్ని నివారిస్తుంది. ఆరోగ్యకరమైన జీర్ణక్రియ అలవాటు అవుతుంది.
అవిసె గింజలు:
అవిసె గింజల్లో ఒమేగా-3 కొవ్వు ఆమ్లాలు, ఫైబర్, లిగ్నాన్లు పుష్కలంగా ఉంటాయి. ఒమేగా-3 కొవ్వు ఆమ్లాలు రక్తపోటును తగ్గించి గుండె ఆరోగ్యాన్ని మెరుగుపరుస్తాయి. దానిలోని ఫైబర్ రక్తంలో షుగర్ లెవల్స్ ను స్థిరంగా ఉంచుతాయి. లిగ్నాన్లు యాంటీఆక్సిడెంట్లుగా పనిచేస్తాయి.
ఉసిరికాయ:
ఉదయాన్నే పరగడుపున ఒక చిన్న ఉసిరికాయ ముక్క లేదా ఉసిరి రసం తాగవచ్చు. ఉసిరికాయలోని విటమిన్ సి, యాంటీఆక్సిడెంట్లు రక్తనాళాలను స్ట్రాంగ్ చేస్తాయి. రక్తపోటును తగ్గించడానికి సహాయపడతాయి. అంతేకాకుండా ఉసిరికాయ రక్తంలో షుగర్ లెవల్స్ ని కంట్రోల్ లో ఉంచి ఇన్సులిన్ పనితీరును మెరుగుపరుస్తుంది. దానిలోని విటమిన్ సి రోగనిరోధక శక్తిని పెంచుతుంది. మూత్ర నాళాల ఇన్ఫెక్షన్లను తగ్గించడంలో కూడా సహాయపడుతుంది.
పసుపు టీ:
ఒక కప్పు గోరువెచ్చని నీటిలో అర టీస్పూన్ పసుపు పొడి, చిటికెడు మిరియాల పొడి కలిపి ఉదయం పరగడుపున తాగాలి. పసుపులోని కర్కుమిన్ యాంటీ ఇన్ఫ్లమేటరీ, యాంటీఆక్సిడెంట్ లక్షణాలను కలిగి ఉంటుంది. ఇది రక్తపోటును తగ్గించడానికి సహాయపడుతుంది. రక్తంలో షుగర్ లెవల్స్ ని కంట్రోల్ లో ఉంచడానికి కూడా సహాయపడుతుంది. పసుపు ఇన్సులిన్ సెన్సిటివిటీని మెరుగుపరుస్తుంది.
