ఒక్క పోస్ట్ తో అగ్గి రాజేసిన అనుష్క.. ప్రభాస్ ని ఆమె మర్చిపోలేకపోతుందా!

ప్రభాస్-అనుష్క శెట్టి రిలేషన్ నడిపారనేది ఏళ్లుగా నడుస్తున్న వాదన. వీరిద్దరూ అత్యధికంగా నాలుగు చిత్రాల్లో జతకట్టారు. బిల్లా, మిర్చి, బాహుబలి, బాహుబలి 2 చిత్రాల్లో స్క్రీన్ షేర్ చేసుకున్నారు. బాహుబలి 1 విడుదలయ్యాక ఎఫైర్ రూమర్స్ ఊపందుకున్నాయి. పార్ట్ 2 విడుదల తర్వాత పెళ్లి ప్రకటన చేస్తారని కథనాలు వెలువడ్డాయి. 

దానికి తోడు అనుష్క సినిమాలు తగ్గించింది. ఆచితూచి నటనకు ప్రాధాన్యత ఉన్న లేడీ ఓరియెంటెడ్ చిత్రాలు ఎంచుకుంటుంది. ప్రభాస్ ని పెళ్లి చేసుకునే ఆలోచనలో భాగంగా అనుష్క శెట్టి విరివిగా సినిమాలు చేయడం లేదని పరిశ్రమ వర్గాలు భావించాయి. ఇక సాహో ప్రమోషన్స్ లో ప్రభాస్ కి ఎదురైన ప్రశ్న... అనుష్కతో పెళ్లి ఎప్పుడు? ఏ స్టేట్ కి వెళ్లినా కామన్ గా ప్రభాస్ కి అనుష్కతో రిలేషన్ ఏమిటో చెప్పాలని మీడియా కోరేది. 

మేము మిత్రులం మాత్రమే.. అంతకు మించి మా మధ్య ఎలాంటి బంధం లేదని ఇద్దరూ పలుమార్లు కుండబద్దలు కొట్టారు. జనాలకు మాత్రం నమ్మకం కుదరడం లేదు. అనుష్క, ప్రభాస్ ల వయసు 40 ప్లస్. ఎవరూ వివాహం చేసుకోలేదు. ఇది కూడా సంథింగ్ సంథింగ్ అనే ఊహాగానాలకు ఊతం ఇస్తుంది. కొన్నాళ్లుగా ఈ పుకార్లు సద్దుమణిగాయి. 

అనూహ్యంగా అనుష్క శెట్టి పోస్ట్ ప్రభాస్ తో ఎఫైర్ రూమర్స్ ఆజ్యం పోసింది. జులై 29న రాజా సాబ్ మూవీ ఫస్ట్ గ్లింప్స్ విడుదల చేశారు. లవర్ బాయ్ గా ప్రభాస్ హ్యాండ్సమ్ లుక్ మెస్మరైజ్ చేసింది. అదే రోజు అనుష్క బాహుబలి 2 చిత్రంలోని దేవసేన లుక్ షేర్ చేసింది. 
 

రాజా సాబ్ టీజర్ కి అనుష్క ఇంస్టాగ్రామ్ పోస్ట్ కి ఏదో లింక్ ఉందనే వాదన మొదలైంది. ఈ మేరకు ప్రభాస్ ఫ్యాన్స్ అనుష్క ఇంస్టాగ్రామ్ పోస్ట్ కి స్పందిస్తున్నారు. రాజా సాబ్, దేవసేన మ్యాచింగ్ మ్యాచింగ్ అంటూ లింక్ కలిపేస్తున్నారు. కావాలనే రాజా సాబ్ హ్యాండ్సమ్ లుక్ కి ధీటుగా అనుష్క తన మెస్మరైజింగ్ గెటప్ వదిలిందని అంటున్నారు. 

కొందరు అదేదో యాదృచ్చికంగా జరిగింది. అనుష్క ఇంస్టాగ్రామ్ లో ఫోటో షేర్ చేసినంత మాత్రాన అతిగా ఆలోచించాల్సిన అవసరం లేదంటున్నారు. కాగా అనుష్క చాలా అరుదుగా సోషల్ మీడియా పోస్ట్స్ పెడతారు. అది గమనించాల్సిన విషయం. అనుష్క దర్శకుడు క్రిష్ తో ఓ ప్రాజెక్ట్ చేస్తుంది. ప్రభాస్ చేతిలో రాజా సాబ్, సలార్ 2, కల్కి 2, స్పిరిట్ ఉన్నాయి..