యానిమల్ లో నా పాత్ర అంతలా సక్సెస్ కావడానికి కారణం ఇదే.. తృప్తి డిమ్రి లేటెస్ట్ కామెంట్స్ 

రణబీర్ కపూర్, సందీప్ రెడ్డి వంగా కాంబినేషన్ లో వచ్చిన యానిమల్ చిత్రం బాక్సాఫీస్ వద్ద ఘన విజయం సాధించింది. డిసెంబర్ లో విడుదలైన ఈ చిత్రం వరల్డ్ వైడ్ గా ఈ చిత్రం 700 కోట్ల గ్రాస్ తో సంచలనం సృష్టించింది. ఈ చిత్రంలో తృప్తి డిమ్రి కీలక పాత్రలో నటించిన సంగతి తెలిసిందే. 

ఈ మూవీతో తృప్తి డిమ్రి యువతకి క్రష్ గా మారిపోయింది. యానిమల్ చిత్రం సక్సెస్ తో తృప్తి డిమ్రికి క్రేజీ ఆఫర్స్ వస్తున్నాయి. తృప్తి డిమ్రి 2017లో శ్రీదేవి నటించిన మామ్ చిత్రంలో చిన్న పాత్రలో మెరిసింది. అప్పటి నుంచే తృప్తి సినీ ప్రయాణం మొదలైంది. అంతకు ముందు తృప్తి నాగిన్ సిరీస్ 3లో మెరిసింది. ఇప్పుడిప్పుడే తృప్తిగా వెండితెరపై ఆఫర్స్ వస్తున్నాయి. 

యానిమల్ మూవీలో తృప్తి గ్లామర్ లుక్స్ తో పాటు ఆమె ఇన్నోసెన్స్ కూడా ఆకట్టుకుంది. తాజాగా తృప్తి జాతీయ మీడియాతో మాట్లాడుతూ యానిమల్ లో తన పాత్ర అంతలా సక్సెస్ కావడానికి గల కారణాన్ని వివరించింది. 

జోయా పాత్ర నాకు ఎప్పటికీ ప్రత్యేకమే. ఆ పాత్రలో ఉన్న అమాయకత్వం, బోల్డ్ నెస్, డిఫికల్ట్ కండిషన్స్ లో కూడా సైలెంట్ గా ఉండగలగడం లాంటి లక్షణాల వల్ల ఆడియన్స్ కి జోయా పాత్ర బాగా నచ్చేసింది అని తృప్తి తెలిపింది. 

యానిమల్ చిత్రం తర్వాత త్రిపాఠి సోషల్ మీడియా సెన్సేషన్ గా మారిపోయింది. క్రేజీ ఆ ఆఫర్స్ ఆమెకి దక్కుతున్నాయి. బ్యాడ్ న్యూస్, వికీ విద్య కా ఓ వాలా వీడియో, భూల్ భులాయ 3 లాంటి చిత్రాల్లో తృప్తి ఆఫర్స్ దక్కించుకుంది. 

సౌత్ నుంచి కూడా కొందరు దర్శక నిర్మాతలు ఆమెని సంప్రదిస్తున్నట్లు వార్తలు వస్తున్నాయి. టాలీవుడ్ లో రవితేజ లాంటి స్టార్ హీరో సినిమాలో ఆమెకి ఛాన్స్ దక్కినట్లు ప్రచారం జరిగింది. అయితే అందులో క్లారిటీ లేదు.