సుడిగాలి సుధీర్ అడ్డంగా బుక్కైన వేళ.. పెళ్లి చేసుకుంటావా లేదా అంటూ షోలోనే నిలదీసిన గర్ల్ ఫ్రెండ్..
`జబర్దస్త్` కమెడియన్ సుడిగాలి సుధీర్ అంటే అందరిలోనూ ఓ ప్లేబాయ్ లాంటి ఇమేజ్ ఉంది. ఆయనకు చాలా మంది అమ్మాయిలతో ఎఫైర్స్ ఉన్నాయంటూ గుసగుసలు వినిపిస్తుంటాయి. కానీ ఇప్పుడు ఆ విషయం బట్టబయలైంది.
సుడిగాలి సుధీర్ ని అందరి ముందు నిలదీసింది ఆయన ప్రియురాలు. ఇన్నాళ్లు కలిసి తిరిగాం. ఇప్పటికైనా మ్యారేజ్ చేసుకుంటావా? లేదా అంటూ అందరి ముందు ప్రశ్నించింది. హాట్ యాంకర్ అనసూయ సాక్షిగా సుడిగాలి సుధీర్ బండారం బయటపడింది. దీంతో ఇప్పుడిది చర్చనీయాంశమవుతుంది. మరి ఇంతకి ఏం జరిగిందంటే.
`జబర్దస్త్` కామెడీ షోలో సుడిగాలి సుధీర్గా పాపులర్ అయ్యారు సుధీర్. సుడిగాలి టీమ్తో ఆయన బుల్లితెరపై రచ్చ చేశారు. ఇందులో రామ్ ప్రసాద్, గెటప్ శ్రీనులతో కలిసి ఆయన చేసిన కామెడీ ఆద్యంతం నవ్వులు పూయించింది. డబుల్ మీనింగ్ డైలాగులతో కూడిన పంచ్లు బాగా పేలాయి. దీంతో ఈ టీమ్కి స్టార్ గుర్తింపు వచ్చింది.
అయితే జబర్దస్త్ లోనే యాంకర్ రష్మితో ఆయన రిలేషన్షిప్ కూడా హాట్ టాపిక్ అవుతూ వస్తోంది. ఈ ఇద్దరు కలిసి డ్యూయెట్లు పాడటం, చాలా సార్లు ఈ షోలోనే పెళ్లిళ్లు చేసుకోవడం, లవ్ ప్రపోజ్ చేయడం, ఒకరిపై ఒకరు ప్రత్యేకమైన అభిమానం చూపించుకోవడం, ఒకరు లేకపోతే మరొకరు లేనరనేలా డైలాగులు చెప్పడంతో ఈ జంట పాపులర్ అయ్యింది. అభిమానులు సైతం వీరిని జంటగానే చూస్తున్నారు. అంతేకాదు ఈ జంటకి ప్రత్యేకమైన అభిమానగణం ఏర్పడింది.
కానీ ఇటీవల ఊహించని విధంగా `జబర్దస్త్`ని వీడాడు సుధీర్. ఆయన స్టార్ మాలో `సూపర్ సింగర్ జూనియర్` షోకి అనసూయతో కలిసి యాంకర్గా చేస్తున్నారు. అనసూయ సైతం `జబర్దస్త్`ని వీడిన విషయం తెలిసిందే. ఈ ఇద్దరు కలిసి ఇప్పుడు చిల్ర్డన్స్ సింగర్స్ షోని హోస్ట్ చేస్తున్నారు. అంతేకాదు మధ్య మధ్యలో తనదైన డబుల్ మీనింగ్ డైలాగ్లతో కూడిన కామెడీ స్కిట్లు ప్రదర్శిస్తూ అలరిస్తున్నారు. వినోదాన్ని పంచుతున్నారు.
అందులో భాగంగా లేటెస్ట్ ఎపిసోడ్కి సంబంధించిన స్కిట్ ఇప్పుడు వైరల్ అవుతుంది. ఇందులో సుడిగాలి సుధీర్ పెళ్లి మ్యాటర్ ఆసక్తికరంగా మారింది. అనసూయ, మనో, చిత్ర, హేమచంద్ర వంటి వారి సమక్షంలో ఓ అమ్మాయి సుడిగాలి సుధీర్ని నిలదీయడం విశేషం. ఆమె తనని పెళ్లి చేసుకుంటావా లేదా అని ప్రశ్నించడంతో సుడిగాలి సుధీర్ ఆయోమయంలో పడ్డారు. అదే సమయంలో బయట నుంచి ఫ్రెండ్స్, గర్ ఫ్రెండ్స్ ఫోన్ చేయడం, ఇంటికొస్తున్నావా? అని, ఎప్పుడు కలుద్దామని అడుగుతుండటంతో అసలు బండారం బయటపడింది. ఇది గ్రహించిన ప్రియురాలు సుధీర్ని నిలదీసింది.
మరోవైపు తన చెల్లి సైతం తనకు పెళ్లి చేస్తావా లేదంటూ వెంటపడింది. ఇలా ఓ వైపు ప్రియురాలు, మరోవైపు చెల్లి పెళ్లి చేస్తావా? పెళ్లి చేసుకుంటావా? లేదా అంటూ ఒత్తిడి తేవడంతో ఏం చెప్పాలో తెలియక తికమక పడ్డాడు సుధీర్. ఆయన ఇద్దరు అమ్మాయిల మధ్య నలిగిపోయాడు. దీంతో ఈ మ్యాటర్ పెద్దది కావడం గమనార్హం.
దీంతో సుధీర్ తన గర్ల్ ఫ్రెండ్కి షాకిచ్చాడు. తనకింక పెళ్లి చేసుకునే వయసు రాలేదంటూ షాకిచ్చాడు. తానింకా చిన్న పిల్లాడినే అని, ఇప్పుడు పెళ్లి అంటే మా ఇంట్లో ఒప్పుకోరంటూ ఆమెని దాటవేసేప్రయత్నం చేశాడు. ఆ అమ్మాయి నుంచి బయటపడేందుకు అనేక రకంగాలుగా ట్రై చేశాడు సుధీర్. అయితే ఇదంతా యాంకర్ అనసూయ ప్లాన్ చేయడం విశేషం. ఎంటర్టైనింగ్ కోసం చేసిన ఈ స్కిట్ ఆద్యంతం నవ్వులు పూయించడం విశేషం.