అందుకే నీతో మళ్ళీ ప్రేమలో పడుతుంటా.. రానా కౌగిలిలో భార్య మిహీకా, రొమాంటిక్ వాలంటైన్స్ డే పిక్

2020లో తన ప్రేయసి మిహీక బజాజ్ ని వివాహం చేసుకుని రానా ఇంటివాడయ్యాడు. మిహీక తరచుగా సోషల్ మీడియాలో తన భర్తతో ఉన్న పిక్స్ షేర్ చేస్తూ ఉంటుంది.

దగ్గుబాటి రానా టాలీవుడ్ లో ఒక ప్రత్యేకమైన నటుడు. విక్టరీ వెంకటేష్ తర్వాత ఆ ఫ్యామిలీ వారసుడిగా రానా ఇండస్ట్రీలోకి అడుగుపెట్టాడు. కమర్షియల్ చిత్రాలకు భిన్నమైన పంథాలో రానా ప్రయాణం కొనసాగుతోంది. బాహుబలిలో భల్లాల దేవుడిగా రానా నటన అద్భుతం. ఇక ఘాజి, నేనే రాజు నేనే మంత్రి లాంటి వైవిధ్యమైన చిత్రాలతో రానా సక్సెస్ అందుకున్నాడు. 

2020లో తన ప్రేయసి మిహీక బజాజ్ ని వివాహం చేసుకుని రానా ఇంటివాడయ్యాడు. మిహీక తరచుగా సోషల్ మీడియాలో తన భర్తతో ఉన్న పిక్స్ షేర్ చేస్తూ ఉంటుంది.తాజాగా మిహీకా సోషల్ మీడియాలో రానాతో కలసి ఉన్న రొమాంటిక్ పిక్ షేర్ చేసింది. నేడు వాలంటైన్స్ డే సందర్భంగా మిహీకా విషెష్ తెలుపుతూ పోస్ట్ చేసింది. 

పొట్టిగా ఉన్న రెడ్ డ్రెస్ ధరించిన మిహీకా భర్త కౌగిలిలో ఒదిగిపోయింది. రానాపై తనకు ఉన్న ప్రేమ తెలియజేస్తూ కామెంట్స్ చేసింది. 'నేను స్ట్రాంగ్, స్వీట్, వైల్డ్ ఇంకా వండర్ ఫుల్.. ఇలా నా గురించి చెప్పుకుంటూ పోతే పదాలు సరిపోవు. అందుకే నువ్వు నన్ను ఇంతగా ప్రేమించడం లో ఆశ్చర్యం లేదు.. జస్ట్ కిడ్డింగ్. 

రోజంతా నువ్వు నన్ను విసిగించినా నీ చిరునవ్వే మళ్ళీ ప్రేమలో పడేలా చేస్తుంది. హ్యాపీ వాలంటైన్స్ డే అంటూ మిహీకా తన భర్తపై ఉన్న ప్రేమని తెలిపింది. మిహీకా షేర్ చేసిన ఈ పోస్ట్ సోషల్ మీడియాలో వైరల్ అవుతోంది. మిహీక, రానా ఇద్దరూ ప్రేమించి వివాహం చేసుకున్నారు. 

రానా చివరగా భీమ్లా నాయక్, విరాటపర్వం చిత్రాల్లో నటించాడు.  రానా ప్రస్తుతం తన బాబాయ్ వెంకటేష్ తో రానా నాయుడు అనే వెబ్ సిరీస్ లో నటిస్తున్నాడు. రానా కమర్షియల్ చిత్రాలపై ఆసక్తి చూపడం లేదు. 

ఎక్కువగా ప్రయోగాత్మక చిత్రాలే చేస్తున్నాడు. రానా కెరీర్ ని గమనిస్తే ఎక్కువగా వైవిధ్యమైన చిత్రాలే కనిపిస్తాయి. రానా చివరగా సోలో హీరోగా నటించి విజయం అందుకుంది నేనే రాజు నేనే మంత్రి చిత్రంతోనే.