Kalki 2829 AD: కోట్లు ఖర్చు చేస్తున్నా కనిపించని ప్రయోజం... అయోమయంలో ఆడియన్స్!
కల్కి చిత్ర ప్రమోషన్స్ దారితప్పిన సూచనలు కనిపిస్తున్నాయి. అందుకేనేమో ఎంత ప్రయత్నం చేసినా బజ్ క్రియేట్ కావడం లేదు. ప్రమోషన్స్ పేరుతో చేస్తున్న ఆర్భాటం ప్రేక్షకులను కన్ఫ్యూజ్ చేస్తుంది. మొత్తంగా చిత్ర ఫలితాన్ని దెబ్బ తీసే సూచనలు కనిపిస్తున్నాయి.
Kalki 2829 AD
ఒక సినిమాను తీయడం కంటే కూడా దాన్ని జనాల్లోకి తీసుకెళ్లడం కష్టం. సినిమా సక్సెస్ లో ప్రమోషన్స్ పాత్ర కీలకం అనేది ఒప్పుకోవాల్సిన నిజం. టీజర్, ట్రైలర్ చూశాక ఆడియన్స్ సినిమా పట్ల ఒక అభిప్రాయానికి వస్తారు. సినిమా ఇలా ఉండబోతుంది అనే అంచనాతో థియేటర్స్ కి వెళతారు. ఈ అంచనాల విషయంలో అటూ ఇటూ అయితే ప్రేక్షకులు నిరాశ చెందే అవకాశం ఉంది.
కల్కి 2829 AD చిత్రంపై ఇంతవరకు ప్రేక్షకుల్లో ఒక అవగాహన లేదు. ఇది సైన్స్ ఫిక్షన్ మూవీ. భవిష్యత్ ప్రపంచం ఎలా ఉంటుందో ఆవిష్కరిస్తారట అని మాత్రమే తెలుసు. మైథాలజీ-సైన్స్ ఫిక్షన్ మిక్స్ చేసి కల్కి రూపొందిస్తున్నామంటున్నారు.
Kalki 2829 AD
కాగా కల్కి ప్రమోషన్స్ బుజ్జి పేరిట సాగడం మనం చూడొచ్చు. రామోజీ ఫిల్మ్ సిటీ వేదికగా జరిగిన ప్రమోషనల్ ఈవెంట్లో బుజ్జినే హైలెట్. భైరవ ప్రభాస్... బుజ్జిని డ్రైవ్ చేసుకుంటూ వేదిక మీదకు వచ్చాడు. అయితే ప్రభాస్ పాత్రను కూడా పక్కన పెట్టి బుజ్జికి హైప్ ఇస్తున్నారు. సినిమాలో బుజ్జి జస్ట్ ఒక ఫ్రెండ్లీ డివైస్. భైరవను గైడ్ చేస్తూ ఉంటుంది.
Kalki movie
ఆడియన్స్ అటెన్షన్ మొత్తం బుజ్జి మీదకు వెళ్ళిపోతుంది. అసలు బుజ్జి అంటే కారు నా లేక కారులో ఉండే డివైజా అనే అయోమయం కూడా ఉంది. కారును కూడా బుజ్జిగా ప్రమోట్ చేస్తున్నారు. మే 31న బుజ్జి అండ్ భైరవ పేరిట యానిమేషన్ ఎపిసోడ్ ప్రైమ్ లో విడుదల చేశారు. కల్కి మూవీలో ప్రభాస్ పాత్రపై ఈ ఎపిసోడ్ మరింత గందరగోళం క్రియేట్ చేసింది. అలాగే బుజ్జి అనేది భైరవకు అనుకోకుండా దొరికిన యాంత్రిక స్నేహితుడు అని తెలుస్తుంది.
Kalki 2829 AD
ఇప్పటి వరకు భైరవ అంటే ఒక సీరియస్ వారియర్ అనుకున్నారు. కానీ భైరవ పాత్రలో ఫన్నీ షేడ్స్ ఉన్నాయి. బుజ్జి అండ్ భైరవ యానిమేషన్ ఎపిసోడ్ క్రియేట్ చేసేందుకు ఎంత ఖర్చు చేశారేమో కానీ... ఆశించిన బజ్ రాలేదు. ప్రైమ్ లో విడుదల చేయడంతో కేవలం సబ్స్క్రైబర్స్ మాత్రమే చూడగలరు. ఒక ఎక్స్టెండెడ్ ట్రైలర్ కోసం ప్రైమ్ మెంబర్షిప్ జనాలు తీసుకుంటారను కోవడం అపోహే అవుతుంది.
కనీసం ట్రైలర్ తో అయినా కల్కి చిత్రం మీద ఒక స్పష్టత ఇవ్వాల్సి ఉంది. ఈ విషయంలో వారు రాజమౌళి సలహాలు తీసుకుంటే బెటర్. విడుదలకు ముందే ఆడియన్స్ ని ప్రిపేర్ చేయడంలో ఆయన దిట్ట. రాజమౌళి సక్సెస్ కావడం వెనుకున్న సూత్రాల్లో ఇది కూడా ఒకటి. కథ ఏమిటో, సినిమా ఎలా ఉండబోతుందో ముందే ఒక హింట్ ఇచ్చేస్తాడు రాజమౌళి. కల్కి టీమ్ ఆ విషయంలో చాలా వెనుకబడి ఉంది.