పూజా హెగ్డే యోగా ఫోజులు.. చూసేవాళ్లకు చెమటలే

సెలబ్రిటీలకు లాక్ డౌన్ బాగా కలిసొచ్చింది. ఇంటి పట్టునే ఉంటూ ఆయుర్వేద కషాయం తాగుతూ, అన్ని జాగ్రత్తలు తీసుకుంటూ  కరోనాపై యుద్ధం ప్రకటిస్తున్నారు. పనిలో పనిగా యోగాశనాలు, జిమ్ చేస్తూ ఫిట్నెస్ పెంచుకుంటున్నారు. ఒళ్లంతా హూనం అయిపోయేలా ఇంట్లోనే జిమ్ములు చేస్తూ ఆ ఫొటోలు సోషల్ మీడియాలో షేర్ చేస్తున్నారు. హీరోలంతా భారీగా కండలు పెంచే పని పెట్టుకున్నారు ఒంటిపై ఉన్న నరాల్ని పొంగిస్తున్నారు. ఇక జీరోసైజ్ భామలు మరింతగా ట్రిమ్ అయిపోతూ బాడీని కంట్రోల్ లో ఉంచుతున్నారు. ఈ పోగ్రామ్ లో ..కరీనా.. కత్రిన.. పూజా.. జాన్వీ.. శాన్వి.. అహనా .. అలా ఎవరికి వారు ఇండ్లలోనే జిమ్ చేస్తూ యోగాసనాలు వేస్తూ ఆ ఫోటోల్ని ఇంటర్నెంట్ లో  వైరల్ చేస్తున్నారు. ఇదిగో అదే బాటలో రీసెంట్ మన బుట్ట బొమ్మ పూజా హెగ్డే కూడా వెళుతోంది. ఆ ఫొటోలు ఇక్కడ చూద్దాం.

పూజ హెగ్డే ..రకరకాల భంగిమల్లో యోగాసనాలు వేస్తూ ఇచ్చిన ట్రీట్ ప్రస్తుతం అంతర్జాలాన్ని షేక్ చేస్తోంది. బమ్ చిక్ బం చేయి బాగా ఒంటికి యోగా మంచిదేగా అంటూ అప్పుడెప్పుడో రమ్యకృష్ణ చెప్పింది. అదే సూత్రాన్ని ఈ  హీరోయిన్ గుట్టు చప్పుడు కాకుండా అనుసరిస్తూ..అప్పుడప్పుడూ ఫొటోలు, వీడియోలతో ఆ గుట్టుని లీక్ చేస్తోంది. 

 యోగా చేస్తూ లాక్‌డౌన్‌ను చక్కగా వినియోగించుకుంటోంది పూజా హెగ్డే. సోష‌ల్ మీడియాలో చాలా యాక్టివ్‌గా ఉండే ఈ భామ కొద్ది రోజులుగా వ‌ర్క‌వుట్స్‌కి సంబంధించిన వీడియోలు షేర్ చేస్తుంది.

తాజాగా త‌న ఇన్‌స్టాగ్రామ్‌లో శ‌రీరాన్ని విల్లులా వంచిన ఫోటోని షేర్ చేసింది పూజా హెగ్డే. ఈ యోగా ఫోటోలను ఫ్యాన్స్‌ తెగ లైక్ చేస్తున్నారు. గ‌తంలోను పూజా ఇలాంటి ఫోటోనే షేర్ చేయ‌గా అది ఫుల్ వైర‌ల్‌గా మారింది. 

 అసలే 'అల వైకుంఠపురములో' సినిమా సూపర్ హిట్ సాధించడంతో అప్పటికే ఉన్న క్రేజ్ కాస్తా ఈ యోగాశనాల ఫొటోలతో డబల్.. ట్రిపుల్ అయ్యిపోయింది. 

అయితే ఆమె నుంచి మనం తెలుసుకోవాల్సి ఏమిటంటే...ప్రస్తుతం ఈ భామ మనందరిలాగే ఇంట్లో కూర్చుంది ఉంది. కానీ తన ఆరోగ్యాన్ని, కెరీర్ ని మాత్రం ప్రక్కన పెట్టేయలేదు.

 ఫిట్నెస్ కు అత్యంత ప్రాధాన్యతనిచ్చే బ్యూటీ కావడంతో తనకు తెలిసిన యోగాసనాలను వేస్తూ లాక్ డౌన్ తన కసరత్తులకు ఆటంకం కాదని.. కాబోదని.. ఎన్నటికీ అలా కానివ్వనని ఈ ఫొటోల చూస్తూంటే మనకు అర్దమవుతోంది. 

ప్రస్తుతం లైవ్ లో యోగా క్లాసులు హాజరవుతూ ఉందట. ఒక యోగాసనం వేస్తున్న ఫోటోను తన ఇన్స్టా ఖాతా ద్వారా పోస్ట్ చేసింది.

 "ప్రస్తుతం ఉన్న పరిస్థితిలో యోగా ప్రాక్టీస్ చేస్తూ సమయం సద్వినియోగపరుస్తున్నాను. కండరాల పటుత్వాన్ని.. ఫ్లెక్సిబిలిటీని పెంచుకునేందుకు.. మనతో మనం కనెక్ట్ అయ్యేందుకు యోగా మనకు ఉపయోగపడుతుంది. లైవ్ క్లాసెస్ ఇస్తున్నందుకు థ్యాంక్ యూ జోగ్ మిహిర్" అంటూ క్యాప్షన్ ఇచ్చింది. 

ఈ ఫోటోలో స్పోర్ట్స్ వేర్ ధరించి తలక్రిందులుగా చేతులపై నిలుచుని కాళ్ళను గోడకు మరీ ఆసనం వేసింది.

ఈ ఫోటోలకు దాదాపు 500K లైక్స్ వచ్చాయి. ఎంతోమంది నెటిజన్లు పూజాను మెచ్చుకుంటున్నారు.

  "అమేజింగ్ ఫిట్నెస్"..  అంటూ కొందరు స్పందించారు.  ఇక పూజ ఫ్యూచర్ ప్రాజెక్టుల విషయానికి వస్తే ప్రభాస్-రాధాకృష్ణ కుమార్ సినిమాలో హీరోయిన్ గా నటిస్తోంది.

 ప్ర‌స్తుతం టాలీవుడ్‌లో వ‌రుస సక్సెస్ సినిమాల‌తో జోష్ మీదున్న భామ పూజా హెగ్డే. అరవింద సమేత, మహర్షి‌ , అల వైకుంఠపురములో ఇలా వ‌రుస విజ‌యాల‌తో దూసుకెళుతున్న ఈ భామ ప్రస్తుతం ప్రభాస్ సరసన రాధే శ్యామ్ అనే చిత్రంలో నటిస్తోంది. దీంతో పాటు అఖిల్‌తో మోస్ట్ ఎలిజబుల్ బ్యాచ్‌లర్‌లోను నటిస్తోంది.

ఇక ఇదిలా ఉంటే ఇన్‌స్టాగ్రామ్‌లో స‌మంత అక్కినేని అందంపై పూజా హెగ్డే నెగెటివ్ కామెంట్ చేయ‌టంతో సమంత ఫ్యాన్స్ పెద్ద ఎత్తున ఫైర్ అయ్యారు. దీంతో గ‌త రెండు మూడు రోజులుగా హాట్ టాపిక్‌గా మారింది. ఈ పోస్ట్ పూజాకి లేని పోని చిక్కుల‌ని తెచ్చిపెట్టేలా క‌నిపిస్తున్నాయి.

బాక్సాఫీస్‌ను కలకలలాడించే జిగేలు రాణి గా పేరు తెచ్చుకున్న  అరవింద... మోడలింగ్ రంగం నుంచి వెండితెర మీద అడుగుపెట్టిన ఈ తరం శ్రీదేవి.. పూజా హెగ్డే

మోడలింగ్ రంగంలో సత్తా చాటిన పూజ తరువాత టెలివిజన్‌ కమర్షియల్స్‌తో దర్శక నిర్మాతల దృష్టిని ఆకర్షించింది. ఇప్పుడు తెలుగు, హిందీ భాషల్లో బిజీగా ఉన్నా.. ఈ భామ వెండితెరకు పరిచయం అయ్యింది మాత్రం తమిళ ఇండస్ట్రీ నుంచి. 

2012లో రిలీజైన మూగముడి సినిమాతో తెరంగేట్రం చేసింది పూజా. ఆ తరువాత ఇంతవరకు కోలీవుడ్లో మరో సినిమా చేయలేదు.

 నాగచైతన్య 'ఒక లైలా కోసం'తో పరిచయమైన పూజ ఆ తర్వాత వరుణ్ తేజ్ సరసన 'ముకుంద' సినిమాలో నటించి తెలుగు వారికి మరింతగా దగ్గరైంది. 

తన తొలి సినిమాలు రెండూ డిజాస్టర్స్ అయినా..వరుసగా తెలుగులో ఆఫర్స్ అందిపుచ్చుకుంటూ  ప్రస్తుతం తెలుగులో చాలా బీజీగా ఉన్న హీరోయిన్‌లో ఒకరుగా ఉంది. 

స్టార్ హీరో హృతిక్ రోషన్‌ సరసన ఓ చారిత్రక కథలో రాణి పాత్రలో నటించింది పూజ. మొహెంజోదారో సినిమాతో బాలీవుడ్‌కు పరిచయం అయిన పూజకు అక్కడ కూడా చేదు అనుభవమే ఎదురైంది.

 మొహెంజోదారో సినిమా కూడా ప్లాప్‌ కావటంతో ఆమె మీద ఐరన్‌లెగ్‌ ముద్ర వేశారు. కానీ ఆ సెంటిమెంట్‌ను బ్రేక్‌ చేసిన సినిమా `డీజే దువ్వాడ జగన్నాథ్‌`. అల్లు అర్జున్‌ హీరోగా హరీష్‌ శంకర్‌ దర్శకత్వంలో తెరకెక్కిన ఈ సినిమాతో తొలి కమర్షియల్ సక్సెస్‌ అందుకుంది

ఈ భామ టాప్ హీరోల అందరితోను ఆడిపాడింది. ఆమెను హీరోలే తమ సినిమాల్లో రికమెండ్ చేసే స్దాయికి ఎదిగింది. నిర్మాతలు సైతం ఆమె అడిగినంత ఇచ్చి తమ సినిమాల్లోకి తీసుకుంటున్నారు.

 అల్లు అర్జున్ సరసన 'డీజే' లోహాట్‌గా అదరగొట్టిన ఈ భామ.. ఎన్టీఆర్‌తో 'అరవింద సమేత'లో కుర్రాళ్ల మనస్సులను అలా అలవోకగా పట్టేసి,  మైమరిపించింది.  

తర్వాత  మహేష్‌ బాబుతో కలసి ‘మహర్షి’లో చేసి మంచి హిట్ అందుకోవటం ప్లస్ అయ్యింది. దాంతో ఆమెకు ఫ్యాన్ ఫాలోయింగ్ పెరిగిపోయింది. సోషల్ మీడియాలోనూ ఆమె తన హవా చూపిస్తోంది.

గతేడాది విడుదలైన హౌస్‌ఫుల్ 4 సినిమా పునర్జన్మల నేపథ్యంలో తెరకెక్కింది. తాజాగా ఇంట్లో యోగా చేస్తున్న స్టిల్ ఒకటి సోషల్ మీడియాలో వైరల్ అవుతోంది.

రీసెంట్ గా  బన్ని సరసన అలవైకంఠపురములో నటించి బుట్ట బొమ్మ అనిపించుకుంది. త్రివిక్రమ్ ఆమెకు రాసిన డైలాగులకు జనం ఫిదా అయ్యిపోయారు.

వరుస హిట్లతో ఊపు మీద ఉన్న ఈ ముద్దుగుమ్మ మరో అవకాశాన్ని అందుకుంది. తమిళ్‌లో అదిరిపోయే ఆఫర్‌ అందుకున్నట్లు తెలుస్తోంది.

సూర్య, డైరెక్టర్ హరి కాంబినేషన్‌లో ఓ చిత్రం వస్తోంది. ఈ సినిమాలో సూర్య కి జంటగా పూజ హెగ్డే ని తీసుకొనే ఆలోచనలో ఉందట చిత్రం టీమ్.

దీంతో ఊపుమీద వున్న పూజ, తన ఇన్‌స్టాగ్రామ్ అకౌంట్‌లో హాట్ ఫోటోలను పోస్ట్ చేస్తూ.. కుర్రకారు మతులు పోగొడుతోంది. 

తాజాగా లాక్‌డౌన్‌లో హాట్ ఫోటోలతో మతి పోగొడుతోంది. ఈ ఫొటోలు తెగ వైరల్ అవుతున్నాయి. కుకింగ్ వీడియో నుంచి , ఆటలు ఆడేదాకా అన్ని పోస్ట్ చేస్తోంది.

తన కుటుంబంతో ఈ లాక్ డౌన్ పీరియడ్ లో హ్యాపీగా గడుపుతున్నానని చెప్తోంది. అందుకు సంభందించిన ఫొటోలతో ఫ్యాన్స్ కు టచ్ లో ఉంటోంది.తమ బోర్ ని ఈ రకంగా పోగొట్టుకుంటోందని చెప్తోంది. సర్లే ఎంతసేపు అవే ఫొటోలు షేర్ చేస్తామనుకుందో ఏమో కాస్తంత స్పైసీగా సెల్ఫ్ ఫొటో వదిలింది.