Brahmamudi: రాహుల్ ని బ్లాక్ మెయిల్ చేస్తున్న మైకెల్.. ఇంట్లో అడ్డంగా దొరికిపోయిన కావ్య దంపతులు!

Brahmamudi: స్టార్ మా లో ప్రసారమవుతున్న బ్రహ్మముడి సీరియల్ ఇంట్రెస్టింగ్ కంటెంట్ తో ప్రేక్షకుల హృదయాలని గెలుచుకుంటుంది. చేసిన తప్పుని కప్పిపుచ్చుకోవడానికి తిప్పలు పడుతున్న వ్యక్తి కథ ఈ సీరియల్. ఇక ఈరోజు అక్టోబర్ 19 ఎపిసోడ్ లో ఏం జరిగిందో చూద్దాం. 

Brahmamudi: స్టార్ మా లో ప్రసారమవుతున్న బ్రహ్మముడి సీరియల్ ఇంట్రెస్టింగ్ కంటెంట్ తో ప్రేక్షకుల హృదయాలని గెలుచుకుంటుంది. చేసిన తప్పుని కప్పిపుచ్చుకోవడానికి తిప్పలు పడుతున్న వ్యక్తి కథ ఈ సీరియల్. ఇక ఈరోజు అక్టోబర్ 19 ఎపిసోడ్ లో ఏం జరిగిందో చూద్దాం.

ఎపిసోడ్ ప్రారంభంలో మీరిద్దరూ భార్యాభర్తలు అనడానికి ఏమిటి సాక్ష్యం అంటాడు పోలీసు. మేము ఈ మధ్యనే తీసుకున్న ఫోటో ఒకటి ఉంది కావాలంటే చూపిస్తాం అంటూ రాజ్ ని ఫోన్ తీయమంటుంది కావ్య. పాన్ షాపు పక్క సందులోనే ఉంటుంది కదా అని సెల్ తీసుకురాలేదు అంటాడు  రాజ్. నన్ను కూడా తీసుకురానివ్వలేదు, మీరు కూడా తీసుకురాలేదు అంటూ గొడవ పడుతుంది కావ్య. 

కానీ పాన్ షాప్ వాడు ఒప్పుకోడు.  సాటి మగవాడి మీద జాలి చూపించు అని పాన్ షాపు వాడిని ఒప్పిస్తాడు పోలీసు. అప్పుడు రాజ్ షాపు వాడికి ఎక్కువ డబ్బులు ఇచ్చి అక్కడ నుంచి వెళ్ళిపోతారు. మరోవైపు తన చీరలు కప్పుకున్న కనకాన్ని లేపి మరీ తిడుతుంది రుద్రాణి. చలికి మీరు దుప్పటి కప్పుకున్నారు, నాకు దుప్పటి కనిపించలేదు అందుకే మీ చీరలు కప్పుకున్నాను అంటుంది కనకం అవి చాలా కాస్ట్లీ చీరలు అని బాధ పడిపోతుంది రుద్రాణి.

నాకు దుప్పటి ఇస్తే మీకు ఈ బాధ ఉండదు కదా అని చెప్పే చీరలు ఆమె చేతిలో పెట్టి వెళ్ళిపోతుంది కనకం. మరోవైపు పొద్దున్నే మైకేల్ రాహుల్ కి ఫోన్ చేసి బెయిల్ ఏర్పాటు చేయమని చెప్తాడు. ఆ మాటలకి రాహుల్ కంగారు పడి బయటికి వచ్చేస్తాడు. నేనెందుకు నీకు బెయిల్ ఇవ్వాలి అంటాడు రాహుల్. నువ్వు నాతో ఫోన్లో మాట్లాడిన ప్రతి మాట రికార్డ్ అయింది. కాబట్టి నన్ను నువ్వే బయటికి తీసుకురావాలి అని బెదిరిస్తాడు మైఖేల్.

వీడు ఎప్పటికైనా ప్రమాదమే ఎలాగైనా బెయిల్ ఇప్పించి బయటకు తీసుకువచ్చి లేపేయాలి అనుకుంటాడు రాహుల్. మరోవైపు కూరలు కట్ చేస్తున్న తండ్రికి హెల్ప్ చేయట్లేదని అప్పు ని మందలిస్తుంది అన్నపూర్ణ. అప్పుడే కళ్యాణ్ ఫోన్ చేస్తూ ఉంటే కాల్ కట్ చేసేస్తుంది అప్పు. ఎవరు అని తండ్రి అడిగితే రాంగ్ నెంబర్ అంటుంది. కాదు రైట్ నెంబరే పొద్దుటి నుంచి  నుంచి నేనే ఫోన్ చేస్తున్నాను కానీ లిఫ్ట్ చేయటం లేదు.

ఆంటీ బట్టల కోసం పంపించారు ఆ విషయం చేద్దామంటే లిఫ్ట్ చేయట్లేదు అని కంప్లైంట్ ఇస్తూ లోపలికి వస్తాడు  కళ్యాణ్. ఈలోపు కనకం బట్టలు తెచ్చిన అప్పు తెమ్మని చెప్పిన నీకు సర్ది ఉంచమని నాకు చెప్పదా అని బ్యాగ్ కళ్యాణ్ కి ఇస్తుంది. ఆంటీ నిన్ను కూడా తీసుకురమ్మన్నారు అంటాడు కళ్యాణ్. ఏం అవసరం ఉందో ఏమో వెళ్ళు అని తండ్రి చెప్పడంతో వెళ్తుంది అప్పు.

మరోవైపు కావ్య టీ తీసుకురాక పోవటంతో ఇంకా  లేవ లేదేమో అని ఇంట్లో వాళ్ళందరూ అనుకుంటారు. అప్పుడే ఇంటికి వస్తారు కావ్య వాళ్ళు. ఇంట్లో వాళ్ళందరికీ దొరికిపోతామేమో అసలు ఏమీ మాట్లాడొద్దు అప్పుడే నోట్లోంచి వాసన రాదు అని అనుకుంటారు. ఇంట్లోకి వచ్చేసరికి ఎక్కడికి వెళ్లారు అని ఇంట్లో వాళ్ళందరూ అడుగుతారు.

ఆయన బయటికి వెళ్దాం అంటే తోడుగా వెళ్ళాను అని చెప్పి, టీ పెట్టుకొస్తాను అంటూ అక్కడి నుంచి తన గదిలోకి వెళ్ళిపోతుంది కావ్య. నన్ను ఇరికించేసింది అనుకుంటాడు రాజ్ మిగిలిన వాళ్ళందరూ రాజ్ ని ఆట పట్టిస్తారు. మొగుడు పెళ్ళాలు అన్నాక ఎక్కడికో వెళ్తారు మీ అందరికీ ఎందుకు అని మనవడిని వెనకేసుకు వస్తుంది  చిట్టి. తరువాయి భాగంలో రాహుల్ ఇంట్లో నగలు దొంగతనం చేసి అందరి ముందు పట్టుబడిపోతాడు.