Ambati Rambabu: మంత్రిగారు మంచి కళాకారుడే.. ఈ ఫొటోలే సాక్ష్యం, ఏ సినిమా?

 రాష్ట్రంలో కీలకంగా భావించే ఇరిగేషన్ శాఖకు పార్టీ సీనియర్ నేత, అధికారప్రతినిధి అంబటి రాంబాబు మంత్రిగా వచ్చారు. రాష్ట్ర ఇరిగేష‌న్ శాఖా మంత్రిగా  అంబ‌టి రాంబాబు ఎంపిక అయ్యిన నేపధ్యంలో ఆయన పాత ఫొటోలు సోషల్ మీడియా జనం బయిటకు తీసి షేర్ చేస్తున్నారు.

ambati rambabu

ఏపీలో వివిధ శాఖలకు కొత్త మంత్రులు వచ్చారు. కొత్తగా మంత్రులైన వారి గురించి విషయాలు వైరల్ అవుతున్నాయి. వారి ప్రస్థానం.. ఎదిగిన తీరు గురించి అందరూ చర్చించుకుంటున్నారు. ఈ క్రమంలో రాష్ట్రంలో కీలకంగా భావించే ఇరిగేషన్ శాఖకు పార్టీ సీనియర్ నేత, అధికారప్రతినిధి అంబటి రాంబాబు మంత్రిగా వచ్చారు. రాష్ట్ర ఇరిగేష‌న్ శాఖా మంత్రిగా  అంబ‌టి రాంబాబు ఎంపిక అయ్యిన నేపధ్యంలో ఆయన పాత ఫొటోలు సోషల్ మీడియా జనం బయిటకు తీసి షేర్ చేస్తున్నారు.

అంబటి రాంబాబు గతంలో సినిమాల్లో, నాటకాల్లో నటించినట్టు ఈ ఫొటోల ద్వారా తేలింది. ఈ మేరకు ఆయన ఓ సినిమాలో నటించినట్లు కొన్ని ఫొటోలు సోషల్ మీడియాలో వైరల్ అవుతున్నాయి.

అంబటి రాంబాబు యుక్త వయసులో ఉన్నప్పుడు ఆ సినిమాలో నటించినట్లు ఫొటోల్లో స్పష్టమవుతోంది. రాంబాబు నటించింది ఏ సినిమాలో అయితే తెలియదు కానీ.. బీచ్ లో గుడిసెలో ఉండే ఒక పేద వ్యక్తి పాత్రలో ఒదిగిపోయినట్టు తెలుస్తోంది. అంబటి పక్కన హీరోయిన్  ఉండడంతో ఇది కీ రోల్  అని తెలుస్తోంది.

అంబటి రాంబాబు కళాకారుడేనని ( Artist ) ఈ ఫోటోలతో మరోసారి నిరూపితమైనట్లైంది. అయిన తన వయసులో ఉన్నప్పుడు సినిమాలు, సీరియల్స్‌లో నటించారేమో ఆయన ఎప్పుడూ చెప్పుకోలేదు.

ఇప్పుడీ వీడియోలు.. ఫోటోలు బయటకు వచ్చిన తర్వాతనే అంబటి రాంబాబు క్లారిటీ ఇవ్వాల్సి ఉంది. ఎన్ని సినిమాల్లో నటించారు.. ఏఏ సినిమాల్లో నటించారు అన్నది. బహుశా.. అవి విడుదలై ఉండకపోవచ్చని ఆయన అభిమానులు సోషల్ మీడియాలో అనుకుంటున్నారు. ఎందుకంటే విడుదైతే.. ఎలాగోలా తెలిసిపోయేవి కదా.

జగన్ కు నమ్మినబంటుగా.. వైసీపీ తరుఫున వాయిస్ బలంగా వినిపించే నేతగా అంబటి రాంబాంబుకు పేరుంది. కొత్త కేబినెట్ లో రాంబాబుకు అత్యంత కీలకమైన 'భారీ నీటిపారుదల శాఖ' దక్కింది. తన మాటల తూటాలతో ప్రత్యర్థులపై విరుచుకుపడే ఆయనలో మరో యాంగిల్ కూడా ఉంది. గతంలో సినీ ఇండస్ట్రీతో రాంబాబుకు అవినాభావ సంబంధం ఉందనే విషయం తాజాగా లీక్ అయ్యింది.

 అంబటి మంత్రి అయ్యాక... మీడియా సమావేశంలో కీలక అంశాలు ప్రస్తావించారు. రాష్ట్రంలో అత్యంత కీల‌క‌మైన ప‌ద‌విని ముఖ్యమంత్రి నాకు అప్పగించారు. స‌మర్ధవంతంగా నా బాధ్యత‌ను పూర్తి చేస్తానన్నారు. ఆంధ్రప్రదేశ్‌ కి జీవనాడి అయిన పోల‌వ‌రం విష‌యంలో పూర్తి చేసేందుకు కృషి చేస్తా. రాయ‌ల‌సీమ సాగు నీటి విష‌యంలో కూడా చ‌ర్యలు తీసుకుంటాం. పోల‌వ‌రం పూర్తయితే రాయ‌ల‌సీమ‌కు మేలు జ‌రుగుతుందన్నారు మంత్రి అంబటి రాంబాబు.
7

వైసీపీలో కొత్త మంత్రి వ‌ర్గ విస్తర‌ణ వ‌ల్ల ఏర్పడిన అసంతృప్తి తాత్కాలికమే అన్నారు. అంతా సర్దుకుంటుందన్నారు. ఐదేళ్ళూ ఒకే మంత్రి వ‌ర్గం ఉండాల‌న్నది స‌రైంది కాదు. ఎవ‌రికి ఏ పోర్టు ఫోలియో ఇవ్వాలి, మార్పులు చేర్పులు అనేవి ముఖ్యమంత్రి ఇష్టం. అన్ని శాఖ‌లు ముఖ్యమంత్రి ప‌రిధిలో ఉంటాయన్నారు. ఇరిగేషన్ శాఖ మంత్రిగా అంబటి ఎలాంటి మార్క్ చూపిస్తారోనని అంతా ఆసక్తిగా ఎదురుచూస్తున్నారు.