Anushka Shetty: షాకింగ్.. అనుష్క సోదరుడి హత్యకు ప్లాన్ ?.. గ్యాంగ్ స్టర్స్ తో సంబంధాలు..

సౌత్ లో స్టార్ హీరోలకు సమానంగా క్రేజ్ తెచ్చుకుంది అనుష్క శెట్టి. ప్రభాస్ కు సిల్వర్ స్క్రీన్  జోడిగా గుర్తింపు పొందింది. ఇదిలా ఉండగా అనుష్క బాహుబలి తర్వాత అంత యాక్టివ్ గా లేదు.

సౌత్ లో స్టార్ హీరోలకు సమానంగా క్రేజ్ తెచ్చుకుంది అనుష్క శెట్టి. ప్రభాస్ కు సిల్వర్ స్క్రీన్  జోడిగా గుర్తింపు పొందింది. ఇదిలా ఉండగా అనుష్క బాహుబలి తర్వాత అంత యాక్టివ్ గా లేదు. బాహుబలి 2 తర్వాత అనుష్క పూర్తి స్థాయిలో నటించిన చిత్రం రెండు మాత్రమే. అవి భాగమతి ఒకటి కాగా.. మరొకటి ఇటీవల విడుదలైన నిశ్శబ్దం.  

ప్రస్తుతం అనుష్క తన ఫ్యామిలీతో సమయం గడుపుతోంది. ఆ మధ్యన అనుష్క కుటుంబ సభ్యులతో కలసి తీర్థ యాత్రలకు కూడా వెళ్ళింది. దీనితో అనుష్క పెళ్లి గురించి ఊహాగానాలు వినిపించాయి. అయితే తన పెళ్లి ఇప్పట్లో లేదు అన్నట్లుగా అనుష్క యువీ క్రియోషన్ బ్యానర్ లో మరో చిత్రానికి కమిటైంది. 

ఇది పక్కన పెడితే అనుష్క ఫ్యామిలీ గురించి షాకింగ్ న్యూస్ ఒకటి బయటకి వచ్చింది. అనుష్క సోదరుడు గుణరంజన్ శెట్టి గ్యాంగ్ స్టర్స్ నుంచి బెదిరింపులు ఎదుర్కొంటున్నట్లు వార్తలు వస్తున్నాయి. 

గునరంజన్ శెట్టికి మాఫియా గ్యాంగ్ స్టర్స్ తో సంబంధాలు ఉన్నట్లు ప్రచారం జరుగుతోంది. గ్యాంగ్ స్టర్ ముత్తరప్పై బ్రతికి ఉండగా.. మాన్విత్ రై అనే వ్యక్తి, గుణరంజన్ ఇద్దరూ ఆయనకు అనుచరులుగా ఉండేవారు. వీరిద్దరూ ఆయనకు కుడి ఎడమ భుజాలు అని చెబుతుంటారు. ముత్తరప్పైమరణం తర్వాత మాన్విత్ రై , గుణ రంజన్ మధ్య విభేదాలు మొదలై విడిపోయారు. 

ముత్తప్పరై స్థాపించిన జయ కర్ణాటక సంఘం గుణ రంజన్ విభేదాల కారణంగా బయటకి వచ్చేశాడు. ఆ తర్వాత గుణ రంజన్ సొంతంగా జయ కర్ణాటక జనపర వేదికని స్థాపించారు. దీనితో ముత్తప్పరైలో అసూయ పెరిగిందని.. గుణ రంజన్ ని హత్య చేసేందుకు ముత్తరప్పై కుట్ర చేస్తున్నారని.. గుణ రంజన్ అనుచరులు ఆరోపిస్తున్నారు. 

ఆదివారం రోజు గుణ రంజన్ అనుచరులు కర్ణాటక హోమ్ మంత్రి జ్ఞానేంద్రని కలిసి పరిస్థితి వివరించారు. గుణ రంజన్ కి భద్రత కల్పించాలని కోరారు. అయితే ఈ ఆరోపణలని ముత్తరప్పై ఖండించినట్లు తెలుస్తోంది. తన సోదరుడి భద్రత కోసం అనుష్క ఎలా స్పందిస్తుందో చూడాలి. అనుష్కకి ఇద్దరు సోదరులు.. ఒకరు గుణ రంజన్ కాగా మరొకరు సాయి రమేష్.