14 ఏళ్ల తర్వాత నేడు ఆ ప్లేస్ లో సమంత.. సామ్ ఎమోషనల్ నోట్.. రాయల్ లుక్ తో ఇండిపెండెన్స్ డే పరేడ్ లో సందడి

తెలుగు ప్రేక్షకులకు సమంత గురించి ప్రత్యేకంగా పరిచయం అవసరం లేదు. దశాబ్దానికి పైగా ఇండస్ట్రీలో యాక్టివ్ గా ఉంటూ  వరుస చిత్రాలతో అలరిస్తోంది. బడా హీరోల సరసన నటించి మెప్పించింది. సినీరంగంలో తనకంటూ స్పెషల్ ఇమేజ్ ను సొంతం చేసుకుంది. భారీ స్థాయిలో ఫ్యాన్ బేస్ కూడా దక్కించుకుంది. 
 

చివరిగా ‘శాకుంతలం’తో అలరించిన సామ్.. ప్రస్తుతం ఏడాది పాటు సినిమాలకు బ్రేక్ ఇచ్చిన విషయం తెలిసిందే. ఆ మధ్యలో వయోసైటిస్ భారిన పడ్డ సమంత రెస్ట్ కోసం ఈ సమయాన్ని వినియోగించుకుంటోంది. ఈ సందర్బంగా టూర్లు, వేకేషన్లు, దేవాలయాలను సందర్శిస్తూ రిలాక్స్ అవుతోంది. పూర్తి ఆరోగ్యాన్ని పొందేందుకు తగిన కేర్ తీసుకుంటోంది.
 

ఈక్రమంలో తనగురించి ఎప్పటికప్పుడు సోషల్ మీడియాలో అప్డేట్స్ అందిస్తూనే వస్తోంది. ప్రస్తుతం న్యూయార్క్ లో ఉన్న సామ్ అక్కడ జరుగుతున్న ఇండిపెండెన్స్ డే పరేడ్ లో తాజాగా పాల్గొంది. ఈ సందర్భంగా రాయల్ లుక్ లో మెరిసింది. సామ్ అవుట్ ఫిట్ అదిరిపోయింది. అందరి చూపు తనపైనే పడేలా చేసింది. 
 

ఈ సందర్భంగా సామ్ ఎమోషనల్ కామెంట్స్ చేసింది.. సరిగ్గా 14 ఏళ్ల కింద తన మొదటి సినిమా షూటింగ్ కోసం సామ్ అదే ప్లేస్ కు వచ్చినట్టు తెలిపింది. అప్పుడే తన కేరీర్ ప్రారంభం అయ్యిందని, చిత్రీకరణ ఎలా జరుగుతుందోననే భయపడినట్టు తెలిపింది. కానీ పెద్ద కలలు కనేంత ధైర్యం మాత్రం ఉందని చెప్పింది. అదే ప్రదేశానికి మళ్లీ ఇప్పుడు వెళ్లానని నోట్ లో పేర్కొంది. 
 

నిజానికి సామ్ తన కెరీర్ లో ఎన్నో ఒడిదుడుకులు చూస్తూ వచ్చింది. అంతకంతూ ఎదుగుతూ.. ఇండియాలోనే టాప్ హీరోయిన్ గా నిలిచింది. ఇక పరేడ్ లో స్థానికులు సమంతపై ఎంతో ప్రేమ చూపించారు. ఇందుకు సంబంధించిన ఫొటోలు వైరల్ గా మారాయి. సామ్ రాయల్ లుక్ ఫ్యాన్స్ తో పాటు నెటిజన్లను మరింతగా ఆకట్టుకుంటోంది. 
 

ఇక సమంత ప్రస్తుతం తన ఆరోగ్యంపైనే శ్రద్ధ వహిస్తోంది. మరోవైపు చిన్న కార్యక్రమాల్లోనూ పాల్గొంటూ సందడి చేస్తోంది. రీసెంట్ గా ‘ఖుషి’ మూవీ ప్రమోషన్స్ లో పాల్గొన్న విషయం తెలిసిందే. మ్యూజిక్ ఈవెంట్ లో సామ్ మెరియడంతో ఫ్యాన్స్ ఫిదా అయ్యారు. 

‘ఖుషి’ చిత్రంలో విజయ్ దేవరకొండ సరసన సామ్ నటించిన విషయం తెలిసిందే. బ్యూటీఫుల్ ప్రేమ కథా చిత్రంగా రూపుదిద్దుకున్న ఈ చిత్రం సెప్టెంబర్ 1న పాన్ ఇండియా స్థాయిలో గ్రాండ్ గా విడుదల కాబోతోంది. శివ నిర్వాణ ఈ చిత్రానికి దర్శకత్వం వహించారు. 

ఇక సామ్ కెరీర్ నాగచైతన్యతో కలిసి నటించిన ‘ఏమాయ చేసావే’ చిత్రంతో ప్రారంభమైంది. ఈ చిత్రం విడుదలై ఇప్పటికీ 14 ఏళ్లు కావొస్తోంది. ఆ తర్వాత సామ్ తెలుగు, తమిళం, హిందీలోనూ చిత్రాలు చేసి మెప్పించింది. ప్రస్తుతం ‘ఖుషి’తో అలరించబోతోంది. ఆ తర్వాత ‘సిటాడెల్’తో ప్రేక్షకుల ముందుకు రానుంది.