Asianet News TeluguAsianet News Telugu

సల్మాన్‌ ఖాన్‌పై చిన్న పిల్లల అక్రమ ఆరోపణలు.. బాలీవుడ్‌లో దుమారం

సల్మాన్‌ఖాన్‌పై సెలబ్రిటీల శవాల ఆరోపణలు, చిన్న పిల్లల అక్రమ రవాణా ఆరోపణలు వచ్చాయి. దీంతో ఇది బాలీవుడ్‌లో తీవ్ర కలకలం రేపుతుంది. బాలీవుడ్‌లో అగ్ర హీరోగా రాణిస్తున్న సల్మాన్‌పై ఇలాంటి ఆరోపణలు ఇప్పుడు తీవ్ర దుమారం రేపుతున్నాయి.

salman khan faced child trafficking alligation viral
Author
Hyderabad, First Published Jan 23, 2022, 4:02 PM IST

బాలీవుడ్‌ కండల వీరుడు సల్మాన్‌ఖాన్‌(Salma Khan) మరో వివాదంలో ఇరుక్కున్నారు. ఇప్పుడాయనపై సెలబ్రిటీల శవాల ఆరోపణలు, చిన్న పిల్లల అక్రమ రవాణా ఆరోపణలు వచ్చాయి. దీంతో ఇది బాలీవుడ్‌లో తీవ్ర కలకలం రేపుతుంది. బాలీవుడ్‌లో అగ్ర హీరోగా రాణిస్తున్న సల్మాన్‌పై ఇలాంటి ఆరోపణలు ఇప్పుడు తీవ్ర దుమారం రేపుతున్నాయి. వివరాల్లోకి వెళితే.. 

Salman Khanపై కేతన్‌ కక్కడ్‌ అనే వ్యక్తి ఈ సంచలన ఆరోపణలు చేశారు. ఓ యూట్యూబ్‌ చానెల్‌లో మాట్లాడుతూ, పన్వేల్‌లోని సల్మాన్‌ ఖాన్‌ ఫామ్‌ హౌజ్‌లో సినీ సెలబ్రిటీల శవాలను ఖననం చేశారని, అంతేకాదు సల్మాన్‌పై చిన్న పిల్లల అక్రమ రవాణా ఆరోపణలు కూడా ఉన్నాయని ఆయన ఆరోపించారు. దీంతో ఇప్పుడీ ఆరోపణలు సంచలనంగా మారాయి. కృష్ణ జింకలను వేటాడే కేసు నుంచి బయటపడ్డ ఆయన ఇప్పుడు ప్రశంతంగా సినిమా కెరీర్‌పై ఫోకస్‌ పెట్టి పూర్తిగా సినిమాలకే పరిమితమయ్యారు సల్మాన్‌. ఇలాంటి క్రమంలో ఆయనపై ఇంతటి సంచలన ఆరోపణలు రావడం బాలీవుడ్‌ వర్గాలను షాక్‌కి గురి చేస్తుంది. 

అయితే ఈ ఆరోపణలు చేసిన కేతన్‌ కక్కడ్‌ అనే వ్యక్తిపై సల్మాన్‌ ఖాన్‌ కోర్ట్ లో పరువు నష్టం దావా వేశాడు. ఈ కేసుకి సంబంధించి ముంబయి కోర్టులో సల్మాన్ తరఫు న్యాయవాది ప్రదీప్ గాంధీ వాదనలు వినిపిస్తూ.. సల్మాన్ ఖాన్ కు చెందిన పన్వేల్ ఫాంహౌస్లో సినీ తారల శవాలను పాతిపెడుతున్నారంటూ కేతన్ కక్కడ్ అసత్య ఆరోపణలు చేశాడని తెలిపారు. పిల్లల అక్రమ రవాణా ఆరోపణలు కల్పితాలని, అలాంటివేవీ లేవని  సల్మాన్ న్యాయవాది కోర్టుకు వివరించాడు. 

అయితే ఓ ఆస్తి వివాదానికి సంబంధించిన వివాదమని, అందుకోసం సల్మాన్ ప్రతిష్ఠను దెబ్బతీసేందుకు సదరు వ్యక్తి ప్రయత్నిస్తున్నారని తెలియజేశాడు. సల్మాన్ ఖాన్ తన పరువునష్టం దావాలో గూగుల్, యూట్యూబ్, ఫేస్బుక్, ట్విట్టర్ల పేర్లను కూడా పేర్కొన్నాడు. ఆయా సామాజిక మాధ్యమాలు కేతన్ కక్కడ్ ఇంటర్వ్యూ వీడియోలను తొలగించాలని సల్మాన్ తరపు న్యాయవాది కోర్టును కోరాడు. 

ఇటీవల `అంతిమ్‌` చిత్రంతో మెప్పించిన సల్మాన్‌ ప్రస్తుతం `టైగర్‌ 3`, `అఖం మిచోలి` చిత్రాల్లో నటిస్తున్నారు. దీంతోపాటు అమిర్‌ ఖాన్‌, నాగచైతన్య నటిస్తున్న `లాల్‌ సింగ్‌ చద్దా`లో గెస్ట్ గా, షారూఖ్‌ ఖాన్‌ `పఠాన్‌`లో ఎక్స్ టెండెడ్‌ కొమియోగా కనిపించబోతున్నారు సల్మాన్. దీంతోపాటు చిరంజీవి హీరోగా రూపొందుతున్న `గాడ్‌ ఫాదర్` చిత్రంలోనూ కీలక పాత్రలో సల్మాన్‌ కనిపించబోతున్నారు. 

Follow Us:
Download App:
  • android
  • ios