కింగ్‌ నాగార్జున, డేరింగ్‌ అండ్‌ డాషింగ్‌ డైరెక్టర్‌ పూరీ జగన్నాథ్‌ కాంబినేషన్‌ `శివమణి`, `సూపర్‌` చిత్రాలు వచ్చి మంచి విజయాలను సాధించాయి. `సూపర్‌` కాస్త యావరేజ్‌గా నిలిచినా, `శివమణి` మాత్రం ట్రెండ్‌ సెట్టర్‌గా నిలిచింది. ముఖ్యంగా ఇందులోని `98480..` అంటూ చెప్పే  ఫోన్‌ నెంబర్‌ సెన్సేషనల్‌ అయ్యింది. 

ఈ సూపర్‌ కాంబినేషన్‌లో సినిమా రాక దాదాపు పదిహేనేళ్ళు అవుతుంది. అన్ని అనుకున్నట్టు జరిగితే.. 15ఏళ్ల తర్వాత నాగార్జున, పూరీ జగన్నాథ్‌ కాంబినేషన్‌లో సినిమా రాబోతుందట. దాదాపుగా పూరీ సినిమాకి మన్మథుడు గ్రీన్‌ సిగ్నల్‌ ఇచ్చారని తెలుస్తుంది. 

ప్రస్తుతం నాగార్జున `వైల్డ్ డాగ్‌` చిత్రంలో నటిస్తున్నారు. సోల్మాన్‌ దర్శకత్వం వహిస్తున్నారు. దీంతోపాటు ప్రవీణ్‌ సత్తార్‌ డైరెక్షన్‌లో ఓ సినిమాకి గ్రీన్‌ సిగ్నల్‌ ఇచ్చారు. ఈ రెండు సినిమాల తర్వాత పూరీ దర్శకత్వంలో నాగ్‌ సినిమా ఉంటుందని టాక్‌. మరోవైపు పూరీ జగన్నాథ్‌ ప్రస్తుతం విజయ్‌ దేవరకొండ హీరోగా `ఫైటర్‌` చిత్రాన్ని పాన్‌ ఇండియా సినిమాగా తెరకెక్కిస్తున్నారు. ఇది తెలుగు, హిందీలో రూపొందుతుంది. ఆ తర్వాత కొత్త సినిమా ఇంకా ఫైనల్‌ కాలేదు. అన్ని కుదిరితే నాగ్‌ సినిమా ఉండే ఛాన్స్ ఉందని టాక్.