కిడారి హత్య: హక్కుల నేతలకు వెంకయ్య ప్రశ్న

ఎమ్మెల్యే కిడారి సర్వేశ్వరరావును, మాజీ ఎమ్మెల్యే సోమను మావోయిస్టులు హత్య చేయడంపై ఉప రాష్ట్రపతి వెంకయ్య నాయుడు స్పందించారు. ఈ సంఘటనపై ఆయన హక్కుల నేతలకు ప్రశ్నలు సంధించారు.

తిరుపతి: ఎమ్మెల్యే కిడారి సర్వేశ్వరరావును, మాజీ ఎమ్మెల్యే సోమను మావోయిస్టులు హత్య చేయడంపై ఉప రాష్ట్రపతి వెంకయ్య నాయుడు స్పందించారు. ఈ సంఘటనపై ఆయన హక్కుల నేతలకు ప్రశ్నలు సంధించారు. 

మావోయిస్టుల దుశ్చర్య అమానుషమని ఆయన అన్నారు. ఇద్దరు గిరిజన నేతలను మావోయిస్టులు హతమార్చడంపై పౌరహక్కుల నేతలు, మానవ హక్కుల నేతలు ఎందుకు మాట్లాడడం లేదని ఆయన అడిగారు. గిరిజన నేతలు పౌరులు కారా అని ఆయన అడిగారు. తుపాకీ ద్వారా మార్పు తీసుకురావాలనేది సరైంది కాదని అన్నారు.

ఇదిలావుంటే, వెంకయ్య నాయుడు మంగళవారం తిరుపతిలో జరిగిన భారతీయ విద్యాభవన్ - తిరుపతి 29వ వార్షికోత్సవ సభలో పాల్గొన్నారు. విద్యార్థులు రేపటితరానికి భవిష్యత్తు అని ఉపరాష్ట్రపతి ఆయన అన్నారు. ఉన్నతమైన సంకల్పంతో కేఎన్‌ మున్షీ భారతీయ విద్యాభవన్‌ను స్థాపించారని తెలిపారు.