నేనెప్పుడూ అలా అనలేదు, అన్నీ తెలుసుకుని మాట్లాడాలి: బొత్సకు పవన్ వార్నింగ్

తాను అమరావతిలో రాజధానిని వ్యతిరేకించలేదన్నారు. కానీ రాజధాని భూ సేకరణను మాత్రమే తాను అప్పట్లో వ్యతిరేకించినట్లు గుర్తు చేశారు. ఈ విషయాలను మంత్రి బొత్స సత్యనారాయణ తెలుసుకోవాలని సూచించారు.  

pawan kalyan at amaravathi

అమరావతి: అమరావతిలో రాజధాని వద్దని తాను ఎప్పుడూ చెప్పలేదని స్పష్టం చేశారు జనసేన పార్టీ అధినేత పవన్ కల్యాణ్. రాజధాని వద్దంటూ తాను అన్నట్లు మంత్రి బొత్స సత్యనారాయణ చేసిన వ్యాఖ్యలను ఖండించారు. 

తాను అమరావతిలో రాజధానిని వ్యతిరేకించలేదన్నారు. కానీ రాజధాని భూ సేకరణను మాత్రమే తాను అప్పట్లో వ్యతిరేకించినట్లు గుర్తు చేశారు. ఈ విషయాలను మంత్రి బొత్స సత్యనారాయణ తెలుసుకోవాలని సూచించారు. 

రాజధానిపై వ్యాఖ్యానించేటప్పుడు అన్ని పూర్తి స్థాయిలో తెలుసుకున్న తర్వాతే మాట్లాడాలని చురకలంటించారు. ఇకపోతే రాజధాని ప్రాంతంలో జనసేన చీఫ్ పవన్ కళ్యాణ్ శుక్రవారం పర్యటించారు. నిడమర్రు, కొండవీటివాగు, దొండపాడు వంటి ప్రాంతాల్లో పవన్ కళ్యాణ్ పర్యటించారు.

రాజధానిపై ఆంధ్రప్రదేశ్ ప్రభుత్వం క్లారిటీ ఇవ్వాలని డిమాండ్ చేశారు. అన్ని ప్రాంతాలను అభివృద్ధి చేస్తే ఎవరూ అడ్డుకోరన్నారు. మంత్రులు ఏపీ ప్రభుత్వంగా మాట్లాడాలే తప్ప పార్టీ పరంగా మాట్లాడకూదన్నారు.

ప్రభుత్వ పరంగా వాళ్లు ఆలోచిస్తే నిర్ణయాలు వేరుగా ఉండేవన్నారు. అమరావతిని అందరి రాజధానిగా చేయాలనే సంకల్పంతో ప్రభుత్వం పనిచేయాలని సూచించారు. గత ప్రభుత్వం చేసిన తప్పుల్ని సరిదిద్దుకోవాలని సూచించారు. 

రాష్ట్ర విభజనతో ఇప్పటికే నష్టపోయామని మళ్లీ ఇలాంటి గందరగోళమైన నిర్ణయాలతో మరింత నష్టం చేకూరుతుందన్నారు. ప్రభుత్వం తన వైఖరి మార్చుకోకుంటే తాము బలమైన నిర్ణయాలు తీసుకోవాల్సి వస్తుందని పవన్ కళ్యాణ్ హెచ్చరించారు. 

ఈ వార్తలు కూడా చదవండి