కేసీఆర్ చేసిన అవమానాన్ని మరిచిపోయారా: సీపీఐ నేతలకు ఉత్తమ్ ప్రశ్న

హుజూర్‌నగర్ ఉపఎన్నిక సందర్భంగా టీఆర్ఎస్, సీపీఐ మద్థతివ్వడం దాదాపుగా ఖరారవ్వడంతో టీపీసీసీ చీఫ్ ఉత్తమ్ కుమార్ రెడ్డి స్పందించారు. కమ్యూనిస్టులకు ఓట్లు ఎక్కడవని కేసీఆర్ గతంలో హేళన చేశారని ముఖ్యమంత్రి చేసిన అవమానాన్ని కమ్యూనిస్టులు మరచిపోవద్దని ఆయన హితవుపలికారు.

టీఆర్ఎస్‌కు బుద్ధి చెప్పేందుకు కాంగ్రెస్‌తో కలిసి రావాలని ఉత్తమ్ పిలుపునిచ్చారు.     ఓటమి భయంతోనే టీఆర్ఎస్.. సీపీఐ మద్ధతు కోరుతోందని ఆయన ఆరోపించారు. హుజూర్‌నగర్‌లో కమ్యూనిస్టులు కాంగ్రెస్ పార్టీకి మద్ధతవివ్వాలని ఉత్తమ్ కోరారు.

కాగా హుజూర్‌నగర్ ఉపఎన్నికకు సీపీఐ మద్ధతు కోరుతున్న గులాబీ చీఫ్... సీపీఐ రాష్ట్ర కార్యాలయానికి టీఆర్ఎస్ నేతలు కేకే, నామా, వినోద్‌ను పంపారు. హుజూర్‌నగర్ అసెంబ్లీ  స్థానానికి జరిగే ఉప ఎన్నికల్లో  పోటీ చేస్తున్న టీఆర్ఎస్ అభ్యర్ధి సైదిరెడ్డికి మద్దతు ఇవ్వాలని కోరనున్నారు.

2018 డిసెంబర్ 7వ తేదీన జరిగిన అసెంబ్లీ ఎన్నికల్లో  సీపీఐ, కాంగ్రెస్, తెలంగాణ జనసమితి, టీడీపీ కలిసి పోటీ చేశాయి.ఈ నియోజకవర్గంలో  సీపీఎం, సీపీఐకు పట్టుంది. ఈ తరుణంలో సీపీఐ మద్దతును టీఆర్ఎస్ ను కోరాలని నిర్ణయం తీసుకోవడం రాజకీయంగా ప్రాధాన్యత సంతరించుకొంది

సంబంధిత వార్తలు: